Hoziya 6
6
Kutenguluka kwa vanu kwa makuli
1Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga. 2Munima ya matangwa avali nambe atatu, akatwindula, ngeci tukayoye ku mesho endi. 3Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”
4Oloni Shukulu Kalunga alinakwendeka ngwendi, “Isalele na Yunda, cuma mukajo njikalinga kuli yeni? Cizemo ceni kuli yange cilinakuhwa vwasi-vwasi ngwe mbundu ku mutondo, cinapu ngwe lime lije likatotomoka ku mutondo-tondo. 5Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi. 6#Mat 9:13; 12:7 Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.
7“Oloni vwasi-vwasi omo vakovelele mu lifuti ku Andama,#6:7 OLONI VWASI-VWASI OMO VAKOVELELE MU LIFUTI KU ANDAMA: Nambe, ngeci mwa Andama. co vapokwele cikumiiyo cije njalikumiiye navo. 8Ngilyande inapu nganda ije inashulu na vanu vaka-vuvi na vaka-kutsiya. 9Vaka-kukombelela vanapu ngwe munga ya vezi vaje vavandamena munu. Nameme mu tapalo yakuya ku mutambela wakujela ku Shekeme anga vene vatsiya. Co valinga vyuma evi vyavivi na cizango cavo! 10Njinamono cuma ca vunyengwe mu Isalele, vanu vange vanalijwalesa vakevo vavenya mukulemesa tumponya.
11“Co ngeci mweni vanu va mu Yunda, njinemika simbu yakuminyanyamesa neni lalo a vije vimulinakulinga.
The Bible in Mbunda ©The Bible Society of Zambia, 2006