Muka-kwambulula 10
10
1Vinzinzi vakutsila mu lilulu lya mazi akuvwava akunika lwengo lwaluvwa vakalingisa aje mazi kunika mwamuvi, co na vulema vwavundondo vwasa kuviisa mana na kasingimiko.
2Mbunge ya munu muka-mana simbu yoshe ikamulingisa vyuma vyavivwa, oloni mbunge ya cilema ikamulingisa vyuma vyavivi. 3Vulema vwendi vukapwa vukaleo kuli vangenzi, vaje aliwana navo a ngila, co munu woshe akamuzivuka ngeci ikeye wapwa cilema.
4Nga muka-kushwana akuluvalesa kesi utunde vipangi, nga ulikeesa kuli ikeye, co akakusambesa ku milonga yove.
5Kuli vuvi vumo vunjinamono ano asi, vuvi vuje valinakunena vaka-kushwana. 6Vaka-kushwana vasingimika vilema, oloni vaka-kufuka vakevo kuvavasingimika. 7Njamwene vindungo venda a tuvalu, oloni vaka-kufuka venda asi ngwe vindungo.
8 #
Mya 7:15; Vis 26:27 Nga winda mbulu, co ukawilamo, nga utuva civumbe, co linyoka akushuma.#10:8 NGA UTUVA CIVUMBE, CO LINYOKA AKUSHUMA: Vivumbe vya vinjuvo vavitungile na mamanya amo na livu lyakufwika mu vimbengwa vije vyaangunwine limanya limo ku likwavo. Nga livu litunda omu mu vimbengwa, linyoka asa kukala mukati ka civumbe. 9Nga ushonga mamanya, co ukalitenda mbandu. Nga utavozola vitale, co ukavetwako. 10Nga njaviti yove inakundwa, co kuushaka kuyotola, akuyipangesa kuvanga upange na nzili. Oloni vutongwe vunena kuvezika. 11Kuzivuka vyemba vya linyoka kukwesi na seo, nga kuwalisakele akulivanga simbu kanda linyoka akushume. 12Majwi akwendeka muka-mana amunenela kasingimiko, oloni majwi akwendeka cilema amunyongesa ikeye vavenya. 13Majwi akashangumuka kusimutwiya nao apwa a vulema, co mamaneselelo awo akapu akuzaluka kwakuvi. 14Cilema akatwalelelao kwendeka.
Naumo wai wetu azivuka vije vikalingiwa kulutwe, co lalo naumo wai wetu atuleka vije vikalingiwa omo tutsa.
15Vipangi vya cilema vimujukisa, omwo kazivuka ngila yakuya kwimbo lyendi.
16Lifuti likala mu tuyando omo mwene walyo acili mwanike, co na vamyata valyo valinga ciwano vutsiki vwoshe. 17Lifuti livezika omo mwene walyo napu wa mana, co vamyata vakalingi ciwano a simbu yaco, ngeci vakale na nzili kesi nakupenda.
18Omo munalume ali na vulwa vwakushomwenena njuvo yendi, ije njuvo inyokwa, co isiwuka.
19Kulya nakunwa vikulingisa ngeci uvwaelele, oloni nga kuwesi na vimbongo, kuwasa kulinga vyuma evi.
20Kesi uyongole kushaula mwene, nambe kesi ushaule muka-kufuka, nameme mu vushweke. Kazila asa kuzivako, co akambulula vije viwunendeka.
The Bible in Mbunda ©The Bible Society of Zambia, 2006