Kwituluka mu Mashiko 14
14
Kuvindika vingila vyakulilila vatsi
1 #
VaLe 19:28; 21:5 “Yeni munapu mu vanu va Shukulu Kalunga Njambi yeni. Ngecivene, omo mukalila a kutsa, kesi mukalicate a mivila yeni nambe kuteula vin̄ambu vya kumukulo wa maholo eni embwe,#14:1 KESI MUKALICATE...KUTEULA VIN̄AMBU...MAHOLO ENI EMBWE: Nambe, kesi mukalemese Mbale, mukulicata a mivila yeni nakuteula vin̄ambu vya kumukulo wa maholo eni. ngwe muvakalingi vanu vamo. 2#Kut 19:5-6; Kwi 4:20; 7:6; 26:18; Tit 2:14; 1 Pet 2:9 Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.
Tusitu vakujeneka kujela na ava vakujela
(VaLe 11:1-47)
3“Kesi mukalye cuma coshe cije canatumbula Shukulu Kalunga ngwendi ca vunyengwe. 4Ava vakevo tusitu vamukalya, vingombe, na vimanga, na vimembe, 5na vimbambi, na makunda, na vimengo. 6Co tusitu voshe vaje vakutyangunuka vimbemba vaje vakalekula nakuseka, vaje mukasa kuvalya. 7Oloni kesi mukalye tusitu voshe-ivoshe kuvanga vaje vakutyangunuka vimbemba, co lalo vakalekula, nakuseka. Oloni kesi mukalye tumelo, na tulumba, na masheha, vakevo kesi vakulya nameme vakalekula, nakuseka, oloni kuvatyangunukile vimbemba. 8Kesi mukalye vingulu, omwo vakevo kesi vakujela embwe, vakevo vakutyangunuka vimbemba oloni kuvesi kulekula, nakuseka. Kesi mukalye tusitu vangacije nambe kukwata a mitunu yavo ya kutsa embwe.
9“Mwasa kulya visi voshe vaje vali na matendo na mavanda. 10Oloni cuma coshe-icoshe cakuyoya cije cili mu mema kucesi na matendo na mavanda kesi mukacilye, kucajelele.
11“Mukalya tuzila voshe vaje vakujela. 12Oloni kumwapandele kulya ava, vingonga, na mashelele, na tucuvwi, 13na vyungu, na makuvi, 14na makololo, na muyati wavo woshe, 15na vainavilanda, na mimbi, 16na makungulu, na muyati wavo woshe, 17na mambondo, na maanda, 18na tunyange-nyange, na mamenekela, na muyati wavo woshe, na vapekokeni, na vandimandima. 19Tulongolo voshe vakatuuka mu vinjame vaje vakala na mambava kesi vakujela embwe, co kesi mukavalye. 20Vyuma vyoshe vyakujela vije vili na mambava munasa kulya.
21 #
Kut 23:19; 34:26 “Kesi mukalye kasitu woshe-iwoshe wakulitsila embwe. Mwaneni kuli vaka-kwija vaje valinakukala akati keni, nambe kumulandesa kuli vaka-kwija veka, omwo yeni mwapwa mu vanu va Shukulu Kalunga Njambi yeni.
“Kesi mukateleke muna membe mu mavele a vaina embwe.
Lishiko lya cavulikumi
22“Mukaangununa cavulikumi ku vyoshe vije mukateja mu mahya eni a mwaka na mwaka. 23Co mukavilila ku mwela wakulemesela uje waangula Shukulu Kalunga Njambi yeni. Co kuje mukalya cavulikumi ca vimbuto vyeni, na vinyu, na mazi a olive, na vingombe veni vakulivanga kusemuka, na vimanga veni vakulivanga kusemuka. Mukalinga eci ngeci mukalilongese kusingimika Shukulu Kalunga Njambi yeni simbu yoshe. 24Nga mwela wakulemesela uje wanaangula Shukulu Kalunga uli kulyala manene na kwimbo lyeni, ngeci mutwaleko cavulikumi ku vije vyanamivezikisa Shukulu Kalunga, cooni mukalinga ngeci, 25mukalandesa vije vyamulikumi, co mukambata vimbongo nakuvitwala ku mwela wakulemesela uje wanaangula Shukulu Kalunga. 26Co mukalanda cuma coshe cimukashaka na vimbongo vije, nambe situ ya ngombe, nambe situ ya manga, nambe vinyu, nambe vyakunwa vyakulula, co mukavilila kuje ku mesho a Shukulu Kalunga Njambi yeni nakujolela, yeni na vavushoko vweni.
27“Kesi mukevale vaLevi vaje valinakukala mu vinganda vyeni, omwo vakevo kuvesi na mutambela nambe vushwana akati keni. 28Kukuhwa kwa mwaka na mwaka wamucitatu mukanena cavulikumi ca ku vimbuto vyeni vyoshe vya mwaka uje, co mukavitulika mu vishete vyeni. 29#VaLe 27:30-33; Kul 18:21 Vyakulya evi vinapu vya vaLevi, omwo vakevo kuvesi na mutambela nambe vushwana akati keni, na vaka-kwija, na visiwa, na vifwile, vaje valinakukala mu vinganda vyeni. Co vakevo vakaija nakwambata vyoshe vivanajeneka. Mukalinga eci, ngeci Shukulu Kalunga Njambi yeni akamivezikise mu vyuma vyoshe vimukapanga na mavoko eni.
Currently Selected:
Kwituluka mu Mashiko 14: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
