2 Vimyene 24
24
1 #
Njele 25:1-38; Ndan 1:1-2 Omo Yehoyakime wapwile mwene, co Mwene Nevukaneza wa ku Mbambilone walwisile Yunda, co Yehoyakime waliitile ku mashiko endi myaka itatu, asinoni Yehoyakime wamutengulukilile. 2Shukulu Kalunga watumine vimbunga vya mashwalale vya vaMbambilone na vya vaSilya na vya vaMowavi na vya vaAmoni kulwisa Yehoyakime ngeci vanyongese Yunda, ngwe muje mwendekele Shukulu Kalunga ali vangamba vendi vaka-kwimanena ngeci akacilinga. 3Eci calingiwile akushika kwa Shukulu Kalunga, ngeci anyongese vanu va mu Yunda avatundise ku mesho endi omwo vuvi vwoshe vuje vwalingile Mwene Manase, 4vunene vene a vanu vakujeneka mulonga vaje vatsiile. Co Shukulu Kalunga kasambesele Manase a vije vyalingile.
5Vyuma vyoshe vije vyalingile Yehoyakime vavisoneka mu Livulu lya Mizimbu ya Vimyene va mu Yunda. 6Yehoyakime watsile, co munendi Yehoyakine wamushwanene kupwa mwene.
7Co mwene wa Ingito na mbunga yendi ya mashwalale kuvatundile lalo mu Ingito, omwo mwene wa Mbambilone washwanene mutambela woshe uje wakundamene ku Ingito, kushangumukila ku Ndonga ya Yufuleti kutwala ku nginga ya ku kunto ya Ingito.
Mwene Yehoyakine wa mu Yunda
(2 Miz 36:9-10)
8Yehoyakine wakele na myaka likumi na itanu na itatu omo wapwile mwene wa mu Yunda, co washwanene mu Yelusalema vingonde vitatu. Vaina vapwile Nehusheta, muna Elenatane wa ku Yelusalema. 9Yehoyakine walingile vuvi ku mesho a Shukulu Kalunga, akukavangeya vilinga vya ishe.
10Yapwile simbu yakushwana kwendi omo mbunga ya mashwalale vaMbambilone, vaje vavatwamenenene vamyata va Mwene Nevukaneza, vezile nakuzengeleka Yelusalema nakuyilwisa. 11A simbu ije vazengelekele nganda, Mwene Nevukaneza wezile ku Yelusalema, 12#Njele 22:24-30; 24:1-10; 29:1-2 co Mwene Yehoyakine na vaina na vana vendi na vamyata, valiitile kuli vaMbambilone. Mu mwaka wamucitanu na itatu wakushwana kwa Nevukaneza, Nevukaneza wakwatele Yehoyakine nakumupwisa cinzinda, 13co wambatele vufuko vwoshe vwakele mu Njuvo ya Shukulu Kalunga na mu lipela, wavutwalele ku Mbambilone ngwe muje mwendekele Shukulu Kalunga, Nevukaneza watsiile vivala vyoshe vya ngolinde vije vyapangele Mwene Solomoni ngeci vavipangese mu Njuvo ya Shukulu Kalunga. 14Nevukaneza watwalele vanu va mu Yelusalema kuvapwisa vinzinda, na vana va vimyene voshe na vantwama voshe va mu Yunda, voshe vapwile 10,000. Co lalo watwalele vanu voshe vatongwe na vaka-kufula, wasezelemo tuutu lika mu Yunda.
15 #
Ezek 17:12
Nevukaneza watwalele Yehoyakine ku Mbambilone kupwa cinzinda, amolika na vaina ya Yehoyakine na vanakazi vendi na vamyata vendi na vantwama va mu Yunda. 16Nevukaneza watwalele vanu voshe va vulemu ku Mbambilone, voshe vapwile 7,000, co lalo watwalele vatongwe, amolika na vaka-kufula na voshe vanalume va nzili vaje vasele kupanga vipangi vya vushwalale.
17 #
Njele 37:1; Ezek 17:13 Nevukaneza wapwisile Mataniya inanu ya Yehoyakine mwene wa mu Yunda, co wamulukile lizina lya Zendekiya.
Mwene Zendekiya wa mu Yunda
(2 Miz 36:11-12; Njele 52:1-3a)
18 #
Njele 27:1-22; 28:1-17 Zendekiya wakele na myaka makumi avali na mwaka umo omo wapwile mwene wa mu Yunda, washwanene mu Yelusalema myaka likumi na umo. Lizina lya vaina lyapwile Hamutale, muna Njelemiya wa ku nganda ya Limbena. 19Mwene Zendekiya walingile vuvi ku mesho a Shukulu Kalunga, ngwe muje mwalingile Mwene Yehoyakime. 20#Ezek 17:15 Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.
The Bible in Mbunda ©The Bible Society of Zambia, 2006