Números 29
29
Kꞌin Yet Chꞌen Trompeta
(Levítico 23:23-25)
1Jaꞌ yet bꞌabꞌel cꞌu yet sjuj xꞌaaw, jaꞌ yet tuꞌ che yambꞌa je bꞌa yu je yoc eyilal ey jin an. Jaꞌ yet jun cꞌu tuꞌ, cꞌam junoj mactxequel chi mulnai. Jaꞌ yet jun cꞌu tuꞌ, scꞌual yet chi xuꞌle chꞌen trompeta. 2Che yakꞌonwej tzꞌaꞌ je xaambꞌal jin sattaj jain Jehová jin tiꞌ, jaꞌton wan caw watxꞌ yoc sabꞌ chi wabꞌe: Jun noꞌ achꞌe wacax, jun noꞌ icham meꞌ yetoj jujcꞌonoj noꞌ meꞌ jun abꞌil skꞌinal, noꞌ watxꞌ cꞌal el smimanil. 3Che yakꞌon cꞌal pax ixim jarina yetoj wan xaambꞌal tuꞌ; ixim jarina tol calbꞌil yetoj aceite olivo, lacawebꞌ libra ixim chi ale yetoj noꞌ wacax tuꞌ, waxajebꞌ libra ixim chi akꞌle yetoj noꞌ icham meꞌ, 4canebꞌ libra ixim chi akꞌle yetoj junjun noꞌ meꞌ jun abꞌil skꞌinal. 5Che yakꞌon pax junoj noꞌ icham chiw yin xaambꞌal yet chi tancan el je penail je yibꞌan. 6Catuꞌ che yakꞌon pax je xaambꞌal chi akꞌle cꞌaltaꞌ yin junjun xꞌaaw yetoj cꞌal pax xaambꞌal chi akꞌle cꞌaltaꞌ yin junjun cꞌu, yetoj ixim jarina cꞌal yal uva chi akꞌle cꞌaltaꞌ, jaxca wal jix yun waloni. Jaꞌ wan tuꞌ chi akꞌle jin sattaj, caw watxꞌ yoc sabꞌ chi wabꞌe, ẍi Dios.
Ofrenda Yet Chi Akꞌle Mimancꞌulal Yin Spenail
(Levítico 23:26-32)
7Jaꞌ yet laonebꞌ yeoc xꞌaaw yet sjuj xꞌaaw tuꞌ, che yambꞌa oc je bꞌa yin eyilal jin sattaj, jaꞌ yet jun cꞌual tuꞌ che yijle nocha je bꞌa, catuꞌ cꞌam junoj mactxequel chi mulnai. 8Che yakꞌonwej tzꞌaꞌ je xaambꞌal jin sattaj jain Jehová jin tiꞌ, jaꞌton wan caw watxꞌ yoc sabꞌ chi wabꞌe: Jun noꞌ achꞌe wacax, jun noꞌ icham meꞌ yetoj jujcꞌonoj noꞌ meꞌ jun abꞌil skꞌinal, noꞌ watxꞌ cꞌal el smimanil. 9Che yakꞌon cꞌal pax ixim jarina yetoj wan xaambꞌal tuꞌ; ixim jarina calbꞌil yetoj aceite, lacawebꞌ libra ixim chi akꞌle yetoj noꞌ wacax tuꞌ, waxajebꞌ libra ixim chi akꞌle yetoj noꞌ icham meꞌ, 10canebꞌ libra ixim chi akꞌle yetoj junjun noꞌ meꞌ jun abꞌil skꞌinal. 11Che yakꞌon pax junoj noꞌ icham chiw yin xaambꞌal yet chi tancan el je penail je yibꞌan, cꞌal yetoj xaambꞌal chi akꞌle cꞌaltaꞌ yin junjun cꞌu, yetoj ixim jarina cꞌal yal uva.
Ofrenda Yet Skꞌinal Pat Waꞌnebꞌil A Yetoj Xaj Skꞌabꞌ Teꞌ
(Levítico 23:33-44)
12Jaꞌ yet jolajonebꞌ yeoc xꞌaaw yet sjuj xꞌaaw tuꞌ, che yambꞌa oc je bꞌa yin eyilal jin sattaj, cꞌam ojabꞌ junoj mactxequel chi mulnai, jujebꞌ cꞌu che yaoc jun kꞌin tuꞌ, yu je yiꞌon a can jin bꞌi jain Jehová jin tiꞌ. 13Che yakꞌonwej tzꞌaꞌ je xaambꞌal jin sattaj jain Jehová jin tiꞌ, jaꞌton wan caw watxꞌ yoc sabꞌ chi wabꞌe: Oxlajoncꞌon noꞌ achꞌe wacax, cacꞌon noꞌ icham meꞌ yetoj canlajoncꞌon noꞌ meꞌ jun abꞌil skꞌinal, noꞌ watxꞌ cꞌal el smimanil. 14Che yakꞌon cꞌal pax ixim jarina yetoj wan xaambꞌal tuꞌ, ixim tol calbꞌil yetoj aceite, lacawebꞌ libra ixim chi akꞌle yetoj noꞌ wacax tuꞌ, waxajebꞌ libra ixim chi akꞌle yetoj junjun noꞌ meꞌ, 15canebꞌ libra ixim chi akꞌle yetoj junjun noꞌ meꞌ jun abꞌil skꞌinal. 16Che yakꞌon pax junoj noꞌ icham chiw yin xaambꞌal yet chi tancan el je penail je yibꞌan, cꞌal yetoj xaambꞌal chi akꞌle cꞌaltaꞌ yin junjun cꞌu, yetoj ixim jarina cꞌal yal uva. 17Jaꞌ yet scaabꞌ cꞌu yul semana tuꞌ, lacawcꞌon noꞌ achꞌe wacax oj je yakꞌa, cacꞌon noꞌ meꞌ, yetoj canlajoncꞌon noꞌ meꞌ jun abꞌil skꞌinal, noꞌ tol watxꞌ cꞌal smimanil. 18Yetoj cꞌal pax je yofrenda che yakꞌ yetoj ixim jarina cꞌal yal uva, jaxca cꞌal sbꞌisil noꞌ xaambꞌal chi akꞌle yin noꞌ wacax cꞌal noꞌ meꞌ, queytuꞌ sbꞌisil chi yun yakꞌle jaxca yalon jin chejbꞌanil, ẍi Dios. 19Chi akꞌle cꞌal pax junoj noꞌ chiw yin xaambꞌalil yu stooloj je penail, jacꞌalaꞌ chi akꞌle cꞌal pax ixim jarina yetoj yal uva yin ofrendail junjun cꞌu. 20Jaxa yet yox cꞌual chi akꞌle jujlajoncꞌon noꞌ achꞌe wacax, cacꞌon noꞌ icham meꞌ yetoj canlajoncꞌon noꞌ meꞌ jun abꞌil skꞌinal, noꞌ watxꞌ cꞌal smimanil. 21Chi akꞌle wan ofrenda tiꞌ yin ixim jarina yetoj yal uva, laan chi yun yakꞌle jatacꞌalaꞌ sbꞌisil noꞌ wacax, noꞌ icham meꞌ cꞌal noꞌ meꞌ jun abꞌil skꞌinal, jaxca yalon jin chejbꞌanil, ẍi Dios. 22Catuꞌ chi akꞌle cꞌal pax junoj noꞌ chiw yu stooloj je penail, jacꞌalaꞌ chi akꞌle cꞌal pax ixim jarina yetoj yal uva chi akꞌle yin ofrendail junjun cꞌu. 23Jaxa yet scan cꞌual xin, che yakꞌwej laoncꞌon noꞌ achꞌe wacax, cacꞌon noꞌ icham meꞌ yetoj canlajoncꞌon noꞌ meꞌ jun abꞌil skꞌinal noꞌ caw watxꞌ smimanil. 24Chi akꞌle wan ofrenda tuꞌ yin ixim jarina yetoj yal uva, laan chi yun yakꞌle jatacꞌalaꞌ sbꞌisil noꞌ wacax, noꞌ icham meꞌ cꞌal noꞌ meꞌ jun abꞌil skꞌinal, jaxca yalon jin chejbꞌanil, ẍi Dios. 25Chi akꞌle cꞌal pax junoj noꞌ chiw yin xaambꞌalil yu stooloj je penail, chi akꞌle cꞌal pax ixim jarina yetoj yal uva chi akꞌle yin ofrendail junjun cꞌu. 26Jaxa yet sjoꞌ cꞌual, chi akꞌle cꞌal pax bꞌaloncꞌon noꞌ wacax, cacꞌon noꞌ icham meꞌ, yetoj canlajoncꞌon noꞌ meꞌ jun abꞌil skꞌinal noꞌ watxꞌ cꞌal smimanil. 27Chi akꞌle wan ofrenda yetoj ixim jarina yetoj yal uva, laan chi yun yakꞌle jatacꞌalaꞌ sbꞌisil noꞌ wacax, noꞌ icham meꞌ cꞌal noꞌ meꞌ jun abꞌil skꞌinal, jaxca yalon jin chejbꞌanil, ẍi Dios. 28Catuꞌ chi akꞌle cꞌal pax jun noꞌ chiw yu stooloj je penail, jacꞌalaꞌ chi akꞌle cꞌal pax ixim jarina yetoj yal uva chi akꞌle yin ofrendail junjun cꞌu. 29Jaxa yet swajebꞌ cꞌual, chi akꞌle cꞌal pax waxajcꞌon noꞌ wacax, cacꞌon noꞌ icham meꞌ, yetoj canlajoncꞌon noꞌ meꞌ jun abꞌil skꞌinal noꞌ watxꞌ smimanil. 30Chi akꞌle wan ofrenda yin ixim jarina yetoj yal uva, laan chi yun yakꞌlei jatacꞌalaꞌ sbꞌisil noꞌ wacax, noꞌ icham meꞌ cꞌal noꞌ meꞌ jun abꞌil skꞌinal, jaxca yalon jin chejbꞌanil, ẍi Dios. 31Catuꞌ chi akꞌle cꞌal pax jun noꞌ chiw yu stooloj je penail, jacꞌalaꞌ chi akꞌle cꞌal pax ixim jarina yetoj yal uva yin ofrendail junjun cꞌu. 32Jaxa yet sjuj cꞌual, chi akꞌle jujcꞌon noꞌ achꞌe wacax, cacꞌon noꞌ icham meꞌ, yetoj canlajoncꞌon noꞌ meꞌ jun abꞌil skꞌinal, noꞌ watxꞌ cꞌal smimanil. 33Chi akꞌle wan ofrenda tiꞌ yin ixim jarina yetoj yal uva, laan chi yun yakꞌle jatacꞌalaꞌ sbꞌisil noꞌ wacax, noꞌ icham meꞌ cꞌal noꞌ meꞌ jun abꞌil skꞌinal, jaxca yalon jin chejbꞌanil, ẍi Dios. 34Catuꞌ chi akꞌle cꞌal pax jun noꞌ chiw yu stooloj je penail, jacꞌalaꞌ chi akꞌle cꞌal pax ixim jarina yetoj yal uva yin ofrendail junjun cꞌu.
35Jaxa yet swaxajebꞌ cꞌual xin, che yaon oc jun miman yambꞌabꞌail tol miman yeloc apnoj; cꞌam junoj mactxequel chi mulna yet jun cꞌual tuꞌ. 36Chi lawi tuꞌ, che yakꞌonwej tzꞌaꞌ junoj noꞌ achꞌe wacax yin xaambꞌal jin sattaj jain Jehová jin tiꞌ, jun noꞌ icham meꞌ, yetoj jujcꞌonoj noꞌ jun abꞌil skꞌinal, noꞌ watxꞌ cꞌal smimanil. 37Chi akꞌle wan ofrenda tiꞌ yin ixim jarina yetoj yal uva, laan chi yun yakꞌlei jatacꞌalaꞌ sbꞌisil noꞌ wacax, noꞌ icham meꞌ cꞌal noꞌ meꞌ jun abꞌil skꞌinal, jaxca yalon jin chejbꞌanil. 38Catuꞌ chi akꞌle cꞌal pax junoj noꞌ chiw yu stooloj je penail, jacꞌalaꞌ chi akꞌle cꞌal pax ixim jarina yetoj yal uva yin ofrendail junjun cꞌu.
39Jaꞌton wan xaambꞌal tiꞌ sowalil chi akꞌle ey jin yet wan kꞌin tol txequel ye scꞌual. Jaꞌ yetoj wan tuꞌ, chi skeꞌ je yakꞌon pax je yofrenda tol je yakꞌnaj can je tiꞌ je yakꞌoni, ma junoj ofrenda tucꞌal chi el yin je cꞌul je yakꞌoni. Chi skeꞌ je yakꞌon je xaambꞌal tol chi tzꞌaꞌi, ma ofrenda yin ixim jarina ma yin yal uva, ma xaambꞌal yet watxꞌcꞌulal, ẍi Dios.
40Queytuꞌ jix yun yalon naj Moisés tet ebꞌ yet Israelal, masanil tzet jix yal Jehová.
Currently Selected:
Números 29: knj
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
