Sekaraea 3
3
Mekfoa spesol drim: Haeprist Josua
1Mi lukim narafala spesol drim moa wea Yawe hemi som long mi. Long spesol drim ya, mi lukim Haeprist Josua hemi stanap frant long Enjel blong Yawe. An Seitan#3:1 ?Seitan? Long Hibru langguis, disfala nem Seitan hemi minim ?man hemi tokagensim nara man.? tu hemi stanap long dea, long raet saet blong hae prist, an hemi redi fo talemaot samfala poen fo agensim hem.#Esra 5:2; Job sapta 1-2; Revelesin 12:10. 2Den Yawe hemi tokstrong olsem long Seitan, ?!Seitan! !Yu stap kuaet! Mi Yawe hu mi siusim Jerusalem fo mi stap long hem, mi nao mi talem yu dat yu mas stap kuaet nomoa. Disfala man nao mi sevem hem olsem stik wea man hemi tekemaot from insaet long faea, mekem hemi no bone.?#Jiud 9.
3Hae prist ya hemi gohed fo stanap, bat kaleko blong hem hemi barava doti fogud. 4Enjel ya hemi tok olsem long olketa wea i stanap raonem hem, ?Yufala tekemaot doti kaleko ya an torowem.?
An hemi tok olsem long Josua, ?!Lukim! Mi tekemaot olketa sin blong yu finis. Distaem bae mi givim olketa nambawan kaleko fo yu werem.?
5Den mi tu mi tok olsem, ?Letem olketa putum spesol hat blong hae prist long hed blong hem.? So olketa putum spesol hat long hed blong hem, an mekem hae prist fo werem niufala kaleko ya, an Enjel blong Yawe hemi lukim.#Eksodas 29:6.
6Enjel blong Yawe hemi tok moa long Josua olsem, 7?Yawe hu hemi garem evri paoa, hemi tok olsem, ?Sapos yu falom stretfala wei blong mi an yu obeim olketa lo blong mi, bae mi letem yu fo lukaftarem Tambuhaos blong mi wetem olketa tambu eria raonem hem. An bae mi mekem yu fo garem raet fo kam stanap frant long mi, olsem olketa long hia hu i stanap olowe frant long mi.
8??Haeprist Josua. Lisin kam gudfala long mi. An yufala prist wea yufala gohed fo waka andanit long paoa blong hem, yufala tu mas lisin kam gudfala long mi. Yufala evriwan i olsem saen blong olketa gudfala samting wea bae olketa kamap. Disfala wakaman blong mi wea nem blong hem nao Brans,#3:8 ?Brans? Samfala pipol i biliv wea disfala nem Brans hemi narafala nem fo Mesaea. Lukim long Aesaea 4:2; Jeremaea 23:5; 33:15; Sekaraea 6:12. bae mi somaot long yufala. 9!Lukim! Mi putum wanfala ston finis long frant long Josua. Disfala ston hemi garem sevenfala saet long hem, an bae mi raetem wanfala toktok long hem. An long wanfala de nomoa, bae mi tekemaot olketa sin blong pipol long disfala lan. 10Taem datfala de hemi kam, bae yufala evriwan save kolem kam olketa wantok blong yufala fo kam sidaon wetem yufala andanit long olketa fig tri an olketa grep tri blong yufala wea yufala evriwan i hapi, an stap gudfala, an garem piis.??#Maeka 4:4.
Currently Selected:
Sekaraea 3: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.