Waestok 13
13
Krangge wei fo wosipim samting wea God nomoa hemi mekem
1Eniwan hu hemi no save long God hemi krangge tumas. Olketa pipol ya i lukim olketa gud samting raonem olketa, bat olketa no save lukim God hu hemi laef. Olketa lanem evrisamting wea hemi mekem, bat olketa no save hu nao hemi mekem olketa samting ya. 2Olketa tingim dat olketa samting olsem faea o win o stom o olketa sta wea i goraon long skae o wata wea hemi flad o san o mun, olketa ya nao god wea i rulim disfala wol. 3Olketa pipol i hapi fo lukim olketa gudfala samting ya an olketa tingim dat olketa samting ya nao i god. Bat olketa mas save wea olketa samting ya i garem Lod an hem nao hemi bik winim evrisamting ya, bikos hem nao hemi mekem olketa fo luknaes olsem. 4Pipol i sapraes tumas fo lukim paoa blong olketa samting ya, an hao olketa waka, hemi fitim fo olketa save wea God hu hemi mekem olketa hemi strong moa winim evrisamting. 5Taem yumi luksave long olketa samting ya i bik an luknaes tumas, long semtaem tu yumi luksave abaotem God hu hemi mekem evrisamting ya.
6Bat maet yumi raf tumas wetem olketa pipol olsem. Olketa maet trae had tumas fo faendem God, bat olketa nating save faendem. 7Evri gudfala samting wea God hemi mekem i stap raonem olketa, an olketa gohed fo luk long olketa samting ya go-go olketa tingim an tok olsem, “Bikos olketa samting wea yumi lukim hemi luknaes tumas, ating olketa ya nao i god.” 8Bat nomata olketa tingim olsem, olketa pipol ya i nating garem enisamting fo talem. 9?Sapos olketa tingim olketa kleva tumas fo faendemaot abaotem olketa samting long heven an long wol, hao nao olketa no save long Lod hu hemi Lod long olketa samting ya?
Pipol i krangge fo wosipim olketa kaving
10Bat#Aesaea 44:9-20; Jeremaea 10:1-16; Leta blong Jeremaea 8-73. hemi nogud tumas fo olketa pipol hu trastem olketa samting wea i nating laef, an wosipim olketa samting wea man nomoa hemi mekem. Olketa samting ya nao olsem piksa blong olketa laef samting wea olketa mekem long gol an silva, o samfala yusles kaving wea olketa mekem long ston longtaem bifoa. 11Eniwan save katemdaon wanfala tri an aotem skin blong hem, an bihaen hemi katem samfala samting wea pipol save yusim. 12Bae hemi tekem pisis wea hemi stap an yusim olsem faeawud fo kukim kaikai wea bae hemi hapi fo sidaon an kaikaim. 13Long olketa pisis long tri ya, bae hemi tekem wanfala pis wea hemi no fitim fo duim enisamting long hem, maet hemi ben o hemi strong tumas, an taem hemi res, hemi katem gud falom piksa blong man, o samfala yusles animol nomoa. 14Hemi pendam bodi blong kaving ya hemi red fo kavam samfala ples wea hemi nogud. 15Bihaen, hemi redim wanfala gud ples long wol wea hemi stanemap an nilam strong. 16Hemi barava lukaftarem gud, nogud hemi foldaon, bikos hemi save wea hemi kaving nomoa, an hemi no save helpem hem seleva. 17Bat hemi no save sem fo prea long disfala pis stik abaotem marit blong hem, an olketa pikinini blong hem, an evrisamting wea hemi onam. 18Nomata disfala samting hemi wik, bat hemi prea nomoa long hem fo hemi stap gudfala. An nomata hemi nating garem laef, bat hemi prea nomoa long hem fo hemi garem gudfala laef. Disfala samting hemi no save enisamting, bat hemi prea nomoa long hem fo help. Hemi no save wakabaot, bat hemi prea nomoa long hem fo gudfala gogo. 19Han blong disfala samting ya hemi no strong, bat hemi askem nomoa fo helpem hem long bisnis, an wei fo faendem seleni, an helpem hem long waka blong hem.
Sip blong Noa wea olketa mekem long stik an kaving long stik
Currently Selected:
Waestok 13: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 13
13
Krangge wei fo wosipim samting wea God nomoa hemi mekem
1Eniwan hu hemi no save long God hemi krangge tumas. Olketa pipol ya i lukim olketa gud samting raonem olketa, bat olketa no save lukim God hu hemi laef. Olketa lanem evrisamting wea hemi mekem, bat olketa no save hu nao hemi mekem olketa samting ya. 2Olketa tingim dat olketa samting olsem faea o win o stom o olketa sta wea i goraon long skae o wata wea hemi flad o san o mun, olketa ya nao god wea i rulim disfala wol. 3Olketa pipol i hapi fo lukim olketa gudfala samting ya an olketa tingim dat olketa samting ya nao i god. Bat olketa mas save wea olketa samting ya i garem Lod an hem nao hemi bik winim evrisamting ya, bikos hem nao hemi mekem olketa fo luknaes olsem. 4Pipol i sapraes tumas fo lukim paoa blong olketa samting ya, an hao olketa waka, hemi fitim fo olketa save wea God hu hemi mekem olketa hemi strong moa winim evrisamting. 5Taem yumi luksave long olketa samting ya i bik an luknaes tumas, long semtaem tu yumi luksave abaotem God hu hemi mekem evrisamting ya.
6Bat maet yumi raf tumas wetem olketa pipol olsem. Olketa maet trae had tumas fo faendem God, bat olketa nating save faendem. 7Evri gudfala samting wea God hemi mekem i stap raonem olketa, an olketa gohed fo luk long olketa samting ya go-go olketa tingim an tok olsem, “Bikos olketa samting wea yumi lukim hemi luknaes tumas, ating olketa ya nao i god.” 8Bat nomata olketa tingim olsem, olketa pipol ya i nating garem enisamting fo talem. 9?Sapos olketa tingim olketa kleva tumas fo faendemaot abaotem olketa samting long heven an long wol, hao nao olketa no save long Lod hu hemi Lod long olketa samting ya?
Pipol i krangge fo wosipim olketa kaving
10Bat#Aesaea 44:9-20; Jeremaea 10:1-16; Leta blong Jeremaea 8-73. hemi nogud tumas fo olketa pipol hu trastem olketa samting wea i nating laef, an wosipim olketa samting wea man nomoa hemi mekem. Olketa samting ya nao olsem piksa blong olketa laef samting wea olketa mekem long gol an silva, o samfala yusles kaving wea olketa mekem long ston longtaem bifoa. 11Eniwan save katemdaon wanfala tri an aotem skin blong hem, an bihaen hemi katem samfala samting wea pipol save yusim. 12Bae hemi tekem pisis wea hemi stap an yusim olsem faeawud fo kukim kaikai wea bae hemi hapi fo sidaon an kaikaim. 13Long olketa pisis long tri ya, bae hemi tekem wanfala pis wea hemi no fitim fo duim enisamting long hem, maet hemi ben o hemi strong tumas, an taem hemi res, hemi katem gud falom piksa blong man, o samfala yusles animol nomoa. 14Hemi pendam bodi blong kaving ya hemi red fo kavam samfala ples wea hemi nogud. 15Bihaen, hemi redim wanfala gud ples long wol wea hemi stanemap an nilam strong. 16Hemi barava lukaftarem gud, nogud hemi foldaon, bikos hemi save wea hemi kaving nomoa, an hemi no save helpem hem seleva. 17Bat hemi no save sem fo prea long disfala pis stik abaotem marit blong hem, an olketa pikinini blong hem, an evrisamting wea hemi onam. 18Nomata disfala samting hemi wik, bat hemi prea nomoa long hem fo hemi stap gudfala. An nomata hemi nating garem laef, bat hemi prea nomoa long hem fo hemi garem gudfala laef. Disfala samting hemi no save enisamting, bat hemi prea nomoa long hem fo help. Hemi no save wakabaot, bat hemi prea nomoa long hem fo gudfala gogo. 19Han blong disfala samting ya hemi no strong, bat hemi askem nomoa fo helpem hem long bisnis, an wei fo faendem seleni, an helpem hem long waka blong hem.
Sip blong Noa wea olketa mekem long stik an kaving long stik
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.