Waestok 14
14
1Long sem wei tu hemi olsem taem wanfala man hemi redi fo go long sip taem si hemi raf. Bae hemi askem help long disfala haf stik wea hemi no strong nomoa olsem disfala sip wea hemi redi fo go insaet. 2Wanfala man hemi drom disfala sip fo seleni, an narafala man hemi wakem sip falom save blong hem. 3Bat yu God, dadi blong mifala nao, yu lukaftarem disfala sip, an yu stiarem, mekem hem sef long olketa wev. 4Pipol save go long si nomata olketa no save wakem sip, bikos yu save sevem olketa nomoa long evri trabol long si. 5Yu laekem pipol fo yusim wanem yu mekem long waes blong yu. So, pipol save go long sip akros long bik si, an save kasem lan sef nomoa, bikos olketa trastem strong blong stik wea olketa wakem long sip ya.
6Hemi olsem long bifoa, taem wanfala praod traeb long bikfala pipol i gohed fo dae. Long datfala taem, yu gaedem wanfala man nem blong hem Noa, an helpem hem fo ranawe long wanfala sip. An yu nao yu mekem hem olsem wanfala olo grani blong wanfala niu traeb wea bae hemi gohed olowe. 7God hemi blesim disfala sip blong Noa wea hemi mekem long stik, wea hemi sevem olketa stret pipol, 8bat hemi mekem trabol fo kasem kaving god wea man nomoa hemi mekem. An hemi mekem trabol fo kasem tu man hu hemi mekem kaving ya, bikos hemi mekem disfala samting nating an kolem god blong hem. 9God hemi barava les long olketa nogud pipol an evri nogud samting wea olketa duim. 10Bae God hemi panisim olketa pipol ya wetem evrisamting wea olketa mekem. 11So, God bae panisim olketa kaving god ya blong olketa hiden pipol, bikos nomata olketa wakem long wanem God hemi mekem, olketa samting ya nao i olsem trap fo laef blong olketa krangge pipol.
Stat blong wosip long olketa kaving god
12Disfala sin fo durong wetem narawan hemi stat taem olketa stat fo wakem olketa kaving god. Olketa barava spoelem nao laef blong pipol. 13Long fastaem, olketa kaving god ya i no stap, an olketa bae no save stap olowe. 14Praod wei blong man nao hemi mekem olketa kaving god ya i stap long wol, dastawe nao olketa samting ya bae i finis kuiktaem nomoa.
15Wanfala taem, wanfala dadi hemi barava sore tumas taem pikinini blong hem hemi dae. So hemi tekem wanfala pis stik an mekem kaving long disfala pikinini blong hem. Nao hemi onarem an wosipim piksa blong disfala pikinini blong hem olsem wanfala god, an hemi mekem olketa pipol hu hemi rulim olketa fo prea long hem. 16Disfala ravis wei hemi gohed fo kamap strong. Wei ya hemi gohed olsem go-go hemi kamap wanfala lo, an olketa king i odarem olketa pipol fo wosipim olketa kaving god ya. 17Taem olketa pipol i stap farawe an olketa no save kam kasem king fo mekhae long hem, olketa tingim nomoa hao hemi luk, an so olketa wakem kaving falom piksa blong hem fo onarem hem. 18Olketa hu i wakem olketa piksa ya nao i mekem diskaen samting fo hemi kamap strong tumas, an nomata olketa hu i no save long king ya, i gohed nomoa fo onarem kaving god ya. 19Sapos wanfala man wandem fo mekem king hapi, so hemi mekem piksa blong hem luknaes moa winim piksa blong tru man. 20Nao, pipol bae laekem tumas nambawan piksa blong king wea olketa mekhae long fastaem, an olketa gohed fo wosipim nao olsem god blong olketa. 21So, evrisamting ya hemi olsem wanfala trap fo kilim olketa dae, bikos olketa hu i sore, o slev blong wanfala king, olketa save tekem olketa kaving wea olketa mekem long ston o stik an mekhae long olketa olsem olketa ya nao i tru God.
Panis fo wosipim laea god
22Evri nogud samting nomoa olketa gohed fo duim. Olketa nating save long God. Laef blong olketa hemi barava nogud olowe, bat bikos olketa nating save, olketa talem dat olketa stap nomoa long piis. 23Olketa gohed fo kilim dae olketa smol pikinini fo sakrifaesim, an mekem samfala haed sakrifaes wea no eniwan save lukim, an olketa duim enikaen krangge samting fo meksem long hem. 24Olketa nating save kipim laef blong olketa o marit blong olketa hemi gud. Wanfala man save trikim narafala man an kilim dae, o save durong nomoa wetem waef blong narafala man an mekem hem sore. 25Evri nogud samting hemi fulap long laef long olketa: olketa kilim dae narafala man, an stil, an laea, an krangge wetem narawan, an no bilivim eni stret samting, an olobaot an spoelem gud nem blong narawan. 26An olketa mekap stori abaotem olketa gud pipol fo meksem long olketa, an duim olketa nogud samting fo pipol, an spoelem marit blong olketa narafala pipol, an durong wetem waef o hasban blong narawan, an laef blong olketa hemi stap long sin olowe nomoa. 27Fo wosipim olketa laea god ya wea olketa talem hemi tambu tumas fo kolem nem blong olketa, hem nao botom an en blong evri nogud samting wea hemi hapen an evri nogud samting wea olketa duim. 28Pipol hu i wosipim olketa laea god ya i krangge an no save kontrolem olketa seleva, an olketa save talemaot laea toktok, an no falom eni stret tingting. Olketa nating save falom toktok wea olketa seleva i talem. 29Bikos olketa kaving god ya wea olketa trastem i no garem laef long olketa, nomata olketa mekem olketa laea promis, olketa tingim bae olketa laea god ya i no save panisim olketa, 30Bat panis bae hemi kasem olketa fo tufala samting: faswan, bikos olketa tingting rong agensim God taem olketa wosipim olketa kaving god, an mektu, olketa no tinghevi long wei fo stap holi, so olketa mekem olketa laea toktok fo laea long pipol fo go long rong wei. 31Taem olketa nogud pipol i sin olsem, bae God hemi lukaotem olketa. Olketa kaving god bae i no panisim olketa, bat God nao bae hemi panisim olketa fitim evri sin blong olketa.
Currently Selected:
Waestok 14: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Waestok 14
14
1Long sem wei tu hemi olsem taem wanfala man hemi redi fo go long sip taem si hemi raf. Bae hemi askem help long disfala haf stik wea hemi no strong nomoa olsem disfala sip wea hemi redi fo go insaet. 2Wanfala man hemi drom disfala sip fo seleni, an narafala man hemi wakem sip falom save blong hem. 3Bat yu God, dadi blong mifala nao, yu lukaftarem disfala sip, an yu stiarem, mekem hem sef long olketa wev. 4Pipol save go long si nomata olketa no save wakem sip, bikos yu save sevem olketa nomoa long evri trabol long si. 5Yu laekem pipol fo yusim wanem yu mekem long waes blong yu. So, pipol save go long sip akros long bik si, an save kasem lan sef nomoa, bikos olketa trastem strong blong stik wea olketa wakem long sip ya.
6Hemi olsem long bifoa, taem wanfala praod traeb long bikfala pipol i gohed fo dae. Long datfala taem, yu gaedem wanfala man nem blong hem Noa, an helpem hem fo ranawe long wanfala sip. An yu nao yu mekem hem olsem wanfala olo grani blong wanfala niu traeb wea bae hemi gohed olowe. 7God hemi blesim disfala sip blong Noa wea hemi mekem long stik, wea hemi sevem olketa stret pipol, 8bat hemi mekem trabol fo kasem kaving god wea man nomoa hemi mekem. An hemi mekem trabol fo kasem tu man hu hemi mekem kaving ya, bikos hemi mekem disfala samting nating an kolem god blong hem. 9God hemi barava les long olketa nogud pipol an evri nogud samting wea olketa duim. 10Bae God hemi panisim olketa pipol ya wetem evrisamting wea olketa mekem. 11So, God bae panisim olketa kaving god ya blong olketa hiden pipol, bikos nomata olketa wakem long wanem God hemi mekem, olketa samting ya nao i olsem trap fo laef blong olketa krangge pipol.
Stat blong wosip long olketa kaving god
12Disfala sin fo durong wetem narawan hemi stat taem olketa stat fo wakem olketa kaving god. Olketa barava spoelem nao laef blong pipol. 13Long fastaem, olketa kaving god ya i no stap, an olketa bae no save stap olowe. 14Praod wei blong man nao hemi mekem olketa kaving god ya i stap long wol, dastawe nao olketa samting ya bae i finis kuiktaem nomoa.
15Wanfala taem, wanfala dadi hemi barava sore tumas taem pikinini blong hem hemi dae. So hemi tekem wanfala pis stik an mekem kaving long disfala pikinini blong hem. Nao hemi onarem an wosipim piksa blong disfala pikinini blong hem olsem wanfala god, an hemi mekem olketa pipol hu hemi rulim olketa fo prea long hem. 16Disfala ravis wei hemi gohed fo kamap strong. Wei ya hemi gohed olsem go-go hemi kamap wanfala lo, an olketa king i odarem olketa pipol fo wosipim olketa kaving god ya. 17Taem olketa pipol i stap farawe an olketa no save kam kasem king fo mekhae long hem, olketa tingim nomoa hao hemi luk, an so olketa wakem kaving falom piksa blong hem fo onarem hem. 18Olketa hu i wakem olketa piksa ya nao i mekem diskaen samting fo hemi kamap strong tumas, an nomata olketa hu i no save long king ya, i gohed nomoa fo onarem kaving god ya. 19Sapos wanfala man wandem fo mekem king hapi, so hemi mekem piksa blong hem luknaes moa winim piksa blong tru man. 20Nao, pipol bae laekem tumas nambawan piksa blong king wea olketa mekhae long fastaem, an olketa gohed fo wosipim nao olsem god blong olketa. 21So, evrisamting ya hemi olsem wanfala trap fo kilim olketa dae, bikos olketa hu i sore, o slev blong wanfala king, olketa save tekem olketa kaving wea olketa mekem long ston o stik an mekhae long olketa olsem olketa ya nao i tru God.
Panis fo wosipim laea god
22Evri nogud samting nomoa olketa gohed fo duim. Olketa nating save long God. Laef blong olketa hemi barava nogud olowe, bat bikos olketa nating save, olketa talem dat olketa stap nomoa long piis. 23Olketa gohed fo kilim dae olketa smol pikinini fo sakrifaesim, an mekem samfala haed sakrifaes wea no eniwan save lukim, an olketa duim enikaen krangge samting fo meksem long hem. 24Olketa nating save kipim laef blong olketa o marit blong olketa hemi gud. Wanfala man save trikim narafala man an kilim dae, o save durong nomoa wetem waef blong narafala man an mekem hem sore. 25Evri nogud samting hemi fulap long laef long olketa: olketa kilim dae narafala man, an stil, an laea, an krangge wetem narawan, an no bilivim eni stret samting, an olobaot an spoelem gud nem blong narawan. 26An olketa mekap stori abaotem olketa gud pipol fo meksem long olketa, an duim olketa nogud samting fo pipol, an spoelem marit blong olketa narafala pipol, an durong wetem waef o hasban blong narawan, an laef blong olketa hemi stap long sin olowe nomoa. 27Fo wosipim olketa laea god ya wea olketa talem hemi tambu tumas fo kolem nem blong olketa, hem nao botom an en blong evri nogud samting wea hemi hapen an evri nogud samting wea olketa duim. 28Pipol hu i wosipim olketa laea god ya i krangge an no save kontrolem olketa seleva, an olketa save talemaot laea toktok, an no falom eni stret tingting. Olketa nating save falom toktok wea olketa seleva i talem. 29Bikos olketa kaving god ya wea olketa trastem i no garem laef long olketa, nomata olketa mekem olketa laea promis, olketa tingim bae olketa laea god ya i no save panisim olketa, 30Bat panis bae hemi kasem olketa fo tufala samting: faswan, bikos olketa tingting rong agensim God taem olketa wosipim olketa kaving god, an mektu, olketa no tinghevi long wei fo stap holi, so olketa mekem olketa laea toktok fo laea long pipol fo go long rong wei. 31Taem olketa nogud pipol i sin olsem, bae God hemi lukaotem olketa. Olketa kaving god bae i no panisim olketa, bat God nao bae hemi panisim olketa fitim evri sin blong olketa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.