Sirak 1
1
Bikfala preis hemi go long Waes
1Evri#Provebs 2:6. waes hemi kam long Lod,
an Waes hemi stap wetem hem olowe,
2?Hu nao save kaontem olketa drop long ren
o sanbis long saetsi?
?Hu nao save kaontem olketa de
long taem wea bae hemi kam yet?
3?Hu nao save long hae blong skae?
?Hu nao save long waed blong disfala wol?
?Hu nao save long dip blong si?
?Hu nao save long tingting blong God?
?Waswe, eniwan save faendem ansa blong olketa kuestin ya?
4-5Waes hemi stap finis
bifoa God hemi mekem evrisamting,
an Save hemi stap olowe nao.
6-7?Waswe, eniwan hemi lukim wea nao Waes
hemi stat kam long hem?
?Waswe, eniwan hemi save,
hao nao God hemi save tumas?
8Wanfala nomoa hemi waes,
an yumi mas mekhae long hem
taem hemi sidaon long sea blong hem olsem king.
9Lod#Provebs 8:22-31; Sirak 24:9. seleva nao hemi wakem
Waes;
an Lod nomoa lukim hem
an luksave long wanem hemi save duim.
So hemi givim Waes long evrisamting wea hemi mekem.
10Hemi givim lelebet waes
long evriwan,
bat hemi givim ful Waes long olketa hu i lavem hem.
11Sapos yu tinghevi long Lod,
bae pipol i tinghae long yu
an bae yu filpraod long hem.
An bae yu filgud an hapi olowe.
12Fo tinghevi long Lod,
hem nao yu save hapi tumas,
an bae yu hapi an laef fo longtaem,
13Long olketa las de long laef
blong yu,
bae evrisamting hemi gud fo yu.
An God bae hemi blesim yu taem yu dae.
14Tinghevi long Lod,
hem nao fas samting fo duim fo garem Waes.
Olketa gud pipol i waes finis taem olketa stap yet
insaet bele blong mami blong olketa.
15Waes hemi stap finis
wetem yumi stat longtaem kam bifoa yet,
an evriwan hu i bon kam bihaen bae i nidim hem.
16Fo tinghevi long Lod,
hem nao tru wei blong Waes,
hem barava mekem yumi hapi wetem olketa gif blong hem.
17Hem#Waestok 7:11. fulumapem tu
olketa haos blong yumi,
an olketa stoa haos
blong yumi long evrisamting wea yumi laekem.
18Fo tinghevi long Lod,
hem nao olsem flaoa blong Waes
wea hemi kamaot long yumi wetem piis an gudfala laef.
19Waes hemi sendem kamdaon
save an luksave olsem ren,
an hemi mekhae moa long pipol hu i welkam long hem.
20-21Fo#Provebs 3:16; 4:10. tinghevi long Lod,
hem nao botom blong Waes,
an longfala laef nao olsem olketa brans blong hem.
Kontrolem yu seleva
22Fo kros krangge
hemi samting nogud,
hemi save mekem yu lusim laef blong yu.
23Yu mas gohed fo we-weit
nomoa,
an bihaen bae yu hapi.
24Yu mas stap kuaet nomoa
go go kasem taem blong yu fo tok,
an pipol bae i tinghae long gudfala wei blong yu.
Waes an wei fo tinghae long God
25Waes hemi garem stoarum
wea hemi fulap long evri waes toktok,
bat olketa nogud pipol i nating wandem
fo tinghevi long God.
26Sapos yu wandem fo kamap
waes,
yu mas falom olketa strong toktok blong Lod,
an bae hemi givim bikfala Waes long yu.
27Fo tinghae long Lod,
hem nao Waes an save.
Lod hemi hapi taem man hemi daonem hem seleva
an tinghevi long hem.
28Yu mas strong fo falom
lo blong God,
an taem yu wosipim Lod,
yu mas duim wetem hol haat blong yu.
29Yu mas kontrolem toktok
blong yu,
an no trikim pipol.
30Yu no putum yu seleva hae,
nogud taem yu foldaon bae yu meksem long yu seleva.
Lod bae hemi somaot evri haed tingting blong yu
long evriwan insaet long preahaos,
bikos yu no tinghae long Lod taem yu kam.
Evri laea tingting hemi fulap long haat blong yu.
Currently Selected:
Sirak 1: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.