Revelesin 11
11
Tufala profet blong God
1Nao#Esikiel 40:3; Sekaraea 2:1-2. olketa givim wanfala longfala stik long mi moa, fo mesarem olketa samting long hem. An olketa talem mi olsem, “Yu go mesarem Tambuhaos blong God#11:1 “makem Tambuhaos blong God” God bae hemi no letem disfala hadtaem wea bae hemi kam, fo hemi spoelem sios blong hem. wetem olta blong hem. An yu kaontem tu olketa pipol hu i gohed fo wosip insaet long Tambuhaos ya. 2Bat#Luk 21:24. yu no mesarem eria aotsaet long Tambuhaos ya, bikos ples ya olketa bin givim fo olketa pipol hu i no Jiu. An olketa nao bae i rul ovarem Jerusalem#11:2 “rul ovarem Jerusalem” Long langguis long Grik hemi sei, “step long holi taon”. fo foti-tu mans. 3An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”
4An#Sekaraea 4:3, 11-14. tufala profet ya, tufala olsem tufala oliv tri an tufala bikfala lam wea tufala stanap long frant long Masta blong wol. 5Sapos eniwan hemi trae fo spoelem tufala, bae faea hemi kamaot long maos blong tufala an bonem enemi blong tufala. So eniwan hu hemi trae fo spoelem tufala, bae hemi dae olsem. 6An#1 Kings 17:1; Eksodas 7:17-19; 1 Samuel 4:8. tufala garem paoa fo stopem ren long skae, mekem ren hemi no save foldaon taem tufala gohed fo talemaot toktok blong God. An tufala garem tu paoa fo tanem olketa wata long blad. An tufala garem tu paoa fo mekem enikaen bikfala trabol fo spoelem pipol long wol, long enitaem tufala laekem.
7Nao#Daniel 7:7, 21; Revelesin 13:5-7; 17:8. taem tufala talemaot toktok blong God finis, disfala wael animol#11:7 “disfala wael animol” Diswan hemi no Seitan seleva bat hemi wanfala bikfala paoa long wol, olsem gavman blong Rom, wea hemi faet tugeta wetem Seitan. Lukim Revelesin 13:1, 17:7-12. bae hemi kamaot long hol ya wea hemi barava dip tumas,#11:7 “hol ya wea hemi barava dip tumas” Ples wea olketa devol stap prisin long hem. an bae hemi faetem tufala. An bae hemi winim tufala an kilim tufala dae. 8An#Aesaea 1:9-10. bodi blong tufala bae leidaon nomoa long rod insaet long bikfala taon#11:8 “bikfala taon” Taon ya hemi garem plande nem an hemi olsem piksa wea hemi minim evri ravis samting wea hemi agensim God. wea olketa bin nilam Masta blong tufala long kros. Nem blong bikfala taon ya, hemi “Sodom” an “Ijip” wea i olsem tokpiksa nomoa. 9Nao fo tri an haf de, bae pipol blong olketa deferen traeb, an laen, an langguis an kantri, bae olketa lukluk long bodi blong tufala. An bae olketa no letem eniwan fo berem tufala. 10An taem olketa pipol long wol, olketa herem dat tufala profet ya dae finis, bae olketa barava hapi fogud. Bae olketa mekem fist an gohed fo givim olketa presen long olketa seleva. Bikos tufala profet ya i bin mekem plande pipol long wol fo barava safa tumas. 11Bat#Esikiel 37:10. bihaen long tri an haf de ya, God hemi mekem win blong laef fo go insaet long tufala moa. An taem olketa pipol lukim tufala wakabaot moa, olketa barava fraet fogud nao. 12Den#2 Kings 2:11. tufala profet ya i herem wanfala voes from heven, wea hemi singaot olsem, “!Yutufala kam antap long hia!” Nao taem olketa enemi blong tufala gohed fo luk falom tufala, tufala goap nao long heven insaet long wanfala klaod. 13An#Revelesin 6:12; 16:18. long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf#11:13 “wanfala smolfala haf” Long langguis long Grik hemi sei, “1/10 (wanfala long tenfala haf)* long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.
14Mektu sore hemi go finis nao, bat no longtaem, bae mektri sore hemi kam moa.
Mekseven enjel bloum trampet
15Nao#Eksodas 15:18; Daniel 2:44; 7:14, 27. mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.” 16Nao tuenti-foa bikman ya, wea olketa sidaon long olketa tron long frant long God, olketa foldaon long fes blong olketa an wosipim hem. 17An olketa sei olsem,
“God Masta blong mifala,
yu nao yu garem evri paoa.
Yu stap olowe bifoa
an yu stap distaem tu.
Mifala talem tengkiu long yu,
bikos yu stat fo yusim bikfala paoa blong yu,
wea yu gohed fo rul olsem King.
18Olketa#Sams 2:5; 110:5; 115:13. pipol blong olketa narafala kantri i kros tumas,
bat hemi taem fo kros blong yu fo kam.
Hemi taem fo jajem olketa pipol hu i dae finis.
Hemi taem fo givim pei long olketa wakaman blong yu, olketa profet,
evriwan long olketa pipol blong yu hu i tinghae long yu,
nomata bikman o man nating.
An hemi taem fo spoelem olketa pipol
wea olketa bin spoelem wol ya.”
19Nao#Revelesin 8:5; 16:18, 21. Tambuhaos blong God long heven hemi open, an olketa pipol lukim disfala boks blong spesol agrimen#11:19 “spesol agrimen” Lukim diksonari. blong God. An taem ya tu, bikfala noes hemi kam an laetning hemi laet olobaot an tanda hemi bosta. An wanfala etkuek nao hemi sekem graon, an olketa bikfala pis aes i foldaon kam long hem.
Currently Selected:
Revelesin 11: SIDC
Highlight
Copy
Compare
Share
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
