Popular Bible Verses from Revelesin 11

Share

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”

Olketa pipol blong olketa narafala kantri i kros tumas, bat hemi taem fo kros blong yu fo kam. Hemi taem fo jajem olketa pipol hu i dae finis. Hemi taem fo givim pei long olketa wakaman blong yu, olketa profet, evriwan long olketa pipol blong yu hu i tinghae long yu, nomata bikman o man nating. An hemi taem fo spoelem olketa pipol wea olketa bin spoelem wol ya.”

An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”

Bat bihaen long tri an haf de ya, God hemi mekem win blong laef fo go insaet long tufala moa. An taem olketa pipol lukim tufala wakabaot moa, olketa barava fraet fogud nao.

An tufala garem paoa fo stopem ren long skae, mekem ren hemi no save foldaon taem tufala gohed fo talemaot toktok blong God. An tufala garem tu paoa fo tanem olketa wata long blad. An tufala garem tu paoa fo mekem enikaen bikfala trabol fo spoelem pipol long wol, long enitaem tufala laekem.

An tufala profet ya, tufala olsem tufala oliv tri an tufala bikfala lam wea tufala stanap long frant long Masta blong wol. Sapos eniwan hemi trae fo spoelem tufala, bae faea hemi kamaot long maos blong tufala an bonem enemi blong tufala. So eniwan hu hemi trae fo spoelem tufala, bae hemi dae olsem.