Sakaria Fa‘atomuaga
Fa‘atomuaga
O le tusi a le perofeta o Sakaria, le atali‘i o Parakaio, le atali‘i ia o Ito (1.1, 7; Esera 5.1; 6.14; Nee 12.16). E i ai le talitonuga o Sakaria mai le ‘āiga o le ‘au Ositaulaga, sa lagolago tele i le fausia o le malumalu ma le fa‘apa‘iaga o le malumalu i le 515 T.L.M. Sa vala‘auina Sakaria ma perofeta (520-518 T.L.M) ‘ina ua toe fo‘i mai le tāfeaga mai Papelonia, a o ‘avea pea Iuta o se vaega o itūmālō o Papelonia.
E tolu vaega tāua o le tusi: (1) O le māta‘upu 1-8, o fa‘aaliga e valu ‘iā Sakaria, o le fe‘au o nei fa‘aaliga; o le fa‘amalosi‘au i tagata o Iuta mo le toe fa‘aleleia o Ierusalema ma le toe fausia lea o le Malumalu, o le fa‘amamāaga o le nu‘u o le Atua ma valo‘aga o le Mesia o le a afio mai e fai ma tupu i Ierusalema.
(2) O le māta‘upu 9-11, ‘ua folafola e le Atua le fa‘asalaga e o‘o i mālō o lo‘o tuā‘oi ma Iuta ma ta‘ita‘i o Iuta e lē fa‘amaoni.
(3) O le matā‘upu 12-14, o folafolaga a le Atua o le a ia filifilia se tupu mo ona tagata. I le Feagaiga Fou e masani Mataio (21.1-11), Mareko (11.1-11), Luka (19.28-40) ma Ioane (12.12-19) ‘ona ‘aumai lenei mau, e fa‘ailoa mai ai, o le Atua na ia filifilia lava Iesu e fai ma tupu.
O le Fa‘asologa o Matā‘upu:
O lapata‘iga ma le fa‘amoemoe 1.1—8.23
O le fa‘amasinoga o nu‘u e tuā‘oi ma Isaraelu 9.1—11.17
O le manuia o le lumana‘i ma le filemū 9.1—14.21
Currently Selected:
Sakaria Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.