Salāmo 79
79
O le Tatalo i le Atua ‘ona o Ierusalema ‘ua Fa‘atafunaina
O le salāmo a Asafo
1Le Atua e,#2 Tu 25.8-10; 2 No 36.17-19; Iere 52.12-14
‘ua o‘o mai nu‘u ‘ese i lou tofi;
‘ua latou fa‘aleagaina lou malumalu pa‘ia;
‘ua latou faia Ierusalema ma faupu‘egama‘a.
2‘Ua latou avatu tino o au ‘au‘auna ‘ua oti,#Teu 28.26; Iere 7.33
e fai ma mea e ‘ai a manu felelei,
‘ua avatu tino o ou tagata amio Atua
i manu fe‘ai e tata‘a.
3‘Ua latou fa‘amaligi o latou toto#Iere 14.16
e pei o le vai ‘ua so‘o ai Ierusalema;
na leai fo‘i sē na te tanua i latou.
4‘Ua ‘avea i matou ma gao a ē ‘ua matou tuā‘oi,
o ulaga ma tauemuga a ē ‘ua vagavagai mai ‘iā te i matou.
5Le ALI‘I e,#Teu 29.20; Sala 13.1; Eseki 36.5
‘e te to‘asā mai se‘ia afea?
e fa‘avavau ‘ea?
e mū ‘ea pei o le afi lou fuā?
6‘Ia e sasa‘aina atu lou to‘asā tele i nu‘u ‘ese
o ē lē iloa oe,
‘atoa ma mālō o ē le vala‘au i lou suafa.
7Auā ‘ua latou ‘aina Iakopo,
o le mea fo‘i sa nofo ai o ia ‘ua latou fa‘atafunaina lea.
8‘Aua ‘e te manatua a matou agasala anamua;#Sala 116.6; Isai 64.9; Iere 11.10
‘ia vave ‘ona tomua mai o lou alofa mutimutivale ‘iā te i matou;
auā ‘ua matuā vaivai i matou.
9Le Atua o lo matou fa‘aolataga e,#Iosu 7.9; Sala 23.3; Iere 14.7
‘ia e fesoasoani mai ‘iā te i matou ‘ona o lou suafa mamalu;
‘ia e lavea‘i mai fo‘i ‘iā te i matou,
ma ‘ia e fa‘amāgaloina a matou agasala ‘ona o lou suafa.
10Se a le mea e fai ane ai o nu‘u ‘ese,#Sala 42.3; 94.1
“O ifea o i ai lo latou Atua?”
‘ia iloa i nu‘u ‘ese o lo‘o i o matou luma
le taui o le toto o au ‘au‘auna na fa‘amaligiina.
11‘Ia o‘o atu ‘iā te oe le auega a lē ‘ua fusifusia;
e tusa ma lou ‘a‘ao malosi ‘ia e fa‘asaoina ē ‘ua tu‘u e oti;
12ma ‘ia e taui fa‘afitu atu i fatafata o ē na matou tuā‘oi#Levi 26.21, 28; Isai 65.6-7
a latou ‘upu na latou fāifai ai ‘iā te oe le Ali‘i.
13O i matou fo‘i o lou nu‘u ma le lafu mamoe na e fagaina,#Sala 74.1; Isai 43.21
matou te vivi‘i ‘iā te oe e fa‘avavau;
matou te ta‘uta‘u atu ou vi‘iga i lea tupulaga ma lea tupulaga.
Currently Selected:
Salāmo 79: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
