Salāmo 70
70
O le Tatalo ‘ia Fa‘aolaina
Ma le usu pese. O le salāmo a Tavita e fa‘amanatunatu a‘i
(Sala 40.13-17)
1Le Atua e,#Sala 38.22
‘ia vave ‘ona e lavea‘i mai ‘iā te a‘u;
le ALI‘I e,
‘ia vave ‘ona e fesoasoani mai ‘iā te a‘u.
2‘Ia mamā ma ‘ia māsiasi#Sala 35.4
ē ‘ua sā‘ili‘ili ‘ia ‘ou oti;
‘ia liutuaina ma ‘ia fa‘amāina
ē ‘ua manana‘o i se mea e leaga ai a‘u.
3‘Ia fa‘aliliuina i latou ‘ona o lo latou mā,
o ē fa‘apea ane, “Ue! ue!”
4‘Ia ‘oli‘oli ma fiafia ‘iā te oe#Sala 35.27
i latou uma o ē sā‘ili‘ili ‘iā te oe;
‘ia fai ane pea i latou o ē fiafia i lau fa‘aolataga,
“‘Ia vi‘ia le Atua.”
5A o a‘u, ‘ua ‘ou puapuagātia a‘u ma le mativa;#Sala 86.1; 141.1
le Atua e, ‘ia e vave mai ‘iā te a‘u.
O lo‘u fesoasoani ma lo‘u fa‘aola, o oe lava lea,
le ALI‘I e, ‘aua lava ‘e te tuai mai.
Currently Selected:
Salāmo 70: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
