Salāmo 69
69
‘Ua Tatalo Tavita ‘ia Fa‘aolaina ia i ē ‘ua ita ‘iā te Ia
Ma le usu pese i susana. O le salāmo a Tavita
1Le Atua e,#Sala 32.6
‘ia e fa‘aola mai ‘iā te a‘u;
auā o a‘u nei, a malemo lava a‘u i le vai.
2O le a a‘u goto i le palapala loloto,
e lē o i ai se mea e tu ai;
‘ua o‘o lava a‘u i mea loloto o le vai,
‘ua lofia fo‘i a‘u i le vaitafe.
3‘Ua lailoa lava a‘u i lo‘u vala‘au;
‘ua fa lo‘u leo ‘ua tigā lava o‘u mata,#69.3 ‘ua tigā lava o‘u mata: O le fa‘aliliuga tuai; ‘ua mole lava o‘u mata.
a o fa‘atalitali atu a‘u i lo‘u Atua.
4O ē ‘ua ‘ino‘ino fua mai ‘iā te a‘u,#Sala 35.19; Ioane 15.25
e to‘atele i latou i ‘ou lauulu;
e malolosi lava o ē fia fasiotia mai a‘u,
o ē ita fua mai ‘iā te a‘u;
o mea na ‘ou le faoa ‘ua ‘ou toe avatua lava.
5Le Atua e,
o oe lava ‘ua e silafia mai lo‘u valea;
e lē lilo fo‘i a‘u agasala ‘iā te oe.
6Le Ali‘i e, le ATUA o ‘au,
‘aua ne‘i fa‘amāina ‘ona o a‘u o ē fa‘atalitali atu ‘iā te oe.
Le Atua o Isaraelu e,
‘aua ne‘i māsiasi ‘ona o a‘u o ē sā‘ili‘ili ‘iā te oe.
7Auā ‘ua fa‘alumaina lava a‘u ‘ona o oe;#Iere 15.15
‘ua ufitia o‘u mata i le mā.
8‘Ua fai a‘u ma tagata āumau i o‘u uso,#Iopu 19.13; Isai 53.3; Ioane 1.11
ma tagata ‘ese i le fānau a lo‘u tinā.
9Auā ‘ua ‘aina lava a‘u i le mana‘o tele i lou fale;#Ioane 2.17; Roma 15.3; 1 Tu 19.10; Sala 89.41-50
‘ua o‘o mai fo‘i ‘iā te a‘u fāifāiga a ē na fāifaia oe.
10‘Ua ‘ou tagi ma ‘ou anapogi,
‘ua fai lea ma luma ‘iā te a‘u.
11Na ‘ou ‘ofu i le ‘ie talatala;#1 Tu 9.7; Iopu 17.6; Sala 35.13
‘ona faia lea o a‘u ma ‘upu fa‘atusa a i latou.
12‘Ua ‘upuia a‘u e i latou o ē nonofo i le faitoto‘a,#2 Samu 15.2; 19.8; Iopu 30.9; Paru 3.14
‘ua fai fo‘i ma pese a ē inu ‘ava.
13A o a‘u, ‘ou te tatalo ‘iā te oe, le ALI‘I e,#Isai 49.8
i ona po o le alofa.
Le Atua e,
‘ona o le tele o lou alofa,
‘ia e tali mai ‘iā te a‘u i le fa‘amaoni o le olataga mai ‘iā te oe.
14‘Ia e lavea‘i mai ‘iā te a‘u a‘i le palapala,
‘aua ne‘i ‘ou goto ai;
‘ia lavea‘iina a‘u i ē ‘ua ‘ino‘ino mai ‘iā te a‘u,
‘atoa ma vai loloto.
15‘Aua ne‘i lofia a‘u i le vaitafe,
‘aua fo‘i ne‘i tofatumoanaina#69.15 ‘aua fo‘i ne‘i tofatumoanaina a‘u i le mea loloto po o ‘aua ne‘i foloina a‘u i le mea loloto. a‘u i le mea loloto,
‘aua fo‘i ne‘i punitia le gutu o le lua i luga o a‘u.
16Le ALI‘I e, ‘ia e tali mai ‘iā te a‘u,
auā e lelei lou alofa mai;
‘ia e liuliu alo mai ‘iā te a‘u,
e pei ‘ona tele o lou alofa mutimutivale.
17‘Aua ne‘i ‘alo ou fofoga i lau ‘au‘auna;#Sala 27.9; 102.2
auā ‘ua ‘ou puapuagātia;
‘ia vave ‘ona e tali mai ‘iā te a‘u.
18‘Ia e fa‘alatalata mai i lo‘u agaga e fa‘aola mai ai;
‘ia e lavea‘i mai ‘iā te a‘u auā o ē ita mai ‘iā te a‘u.
19O oe, ‘ua e silafia le fa‘alumaina o a‘u,
ma le fa‘amāina o a‘u ma lo‘u fa‘amasiasiga;
‘ua i ou luma o i latou uma o ē ita mai ‘iā te a‘u.
20O le luma ‘ua momomo ai lo‘u loto,#Isai 63.5; Iere 15.5
‘ua ma‘i lava a‘u.
‘Ua ‘ou fa‘atalitali fo‘i i sē na te fa‘amatalaloto mai,
‘ae leai lava se tasi,
ma ni e fa‘amafanafana mai,
‘ae leai se isi na ‘ou maua.
21Na latou avane le mea ‘o‘ona e fai ma a‘u mea e ‘ai;#Mata 27.48; Mare 15.36; Luka 23.36; Ioane 19.28-29
‘ua ‘ou fia inu, ‘ona latou avane ai lea o le vineka ‘ou te inu ai.
22O latou la‘o‘ai ‘iā latou luma,#Roma 11.9-10
‘ia ‘avea lea ma matāsele;
o latou filemū fo‘i, ‘ia fai ma mailei.
23‘Ia fa‘apouliuligia lava a latou mata, ‘ia latou lē mava‘ava‘ai ai;#Isai 6.10; Tani 5.6; Mata 13.14
‘iā tetemū o latou sulugātiti e lē aunoa.
24‘Ia sasa‘aina atu lou to‘asā ‘iā i latou;
‘ia o‘o atu lava ‘iā te i latou lou to‘atama‘i e matuā tele.
25‘Ia fa‘atafunaina le mea latou te nonofo ai;#Galu 1.20
‘aua fo‘i ne‘i i ai sē nofo i o latou fale ‘ie.
26Auā ‘ua latou tuliloa i lē na taia lava e oe;
‘ua latou ta‘uta‘u atu le tigā o ē ‘ua manunu‘a ‘iā te oe.
27‘Ia e fa‘aopoopoina atu le agasala i la latou agasala;
‘aua fo‘i ne‘i o‘o i latou i le amiotonu mai ‘iā te oe.
28‘Ia sōloia i latou a‘i le tusi o le ola;#Eso 32.32; Fa‘aa 3.5; 13.8; 17.8; Eso 32.32; Isai 4.3; Eseki 13.9; Luka 10.20; Fili 4.3; Epe 12.23
‘aua fo‘i ne‘i tusia i latou fa‘atasi ma ē ‘ua amiotonu.
29O a‘u fo‘i ‘ua puapuagātia a‘u,
ma ‘ua tigā lava.
Le Atua e,
‘ia mamalu lava a‘u i le olataga mai ‘iā te oe.
30‘Ou te vivi‘i atu i le suafa o le Atua i le pese;#Luka 1.46
‘ou te fa‘ane‘ene‘e atu fo‘i ‘iā te ia i le vi‘iga.
31E sili ‘ona lelei lea i le ALI‘I i le povi,
o le povi ta‘anoa o i ai nifo ma atigivae.
32E iloa ē ‘ua tigāina, ‘ona latou ‘oli‘oli ai lea;
‘ona fiafia ai lea o ‘outou loto,
o ‘outou ‘ua sā‘ili i le Atua.
33Auā o lo‘o fa‘afofoga le ALI‘I i ē matitiva,#Sala 68.6
e lē ‘ino‘ino fo‘i o ia i ona tagata ‘ua noanoatia.
34‘Ia vivi‘i atu ‘iā te ia le lagi ‘atoa ma le lalolagi;
o le sami ‘atoa ma mea uma e tata‘a ai.
35Auā o le Atua na te fa‘aolaina Siona,#Isai 44.26
na te fa‘atūina fo‘i ‘a‘ai o Iuta;
latou te nonofo ai, e fai fo‘i mo i latou.
36E fai fo‘i ma tofi o le fānau a ana ‘au‘auna;#Isai 65.9
o ē alolofa atu i lona suafa e mau ai i latou.
Currently Selected:
Salāmo 69: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
