Salāmo 67
67
O le Tatalo ‘ina ‘ia Manuia le Mālō o le Atua i le Lalolagi
Ma le usu pese i nekina. O le salāmo, o le pese lea
1‘Ia alofa mai le Atua ‘iā i matou,#Nume 6.25; Sala 4.6
ma ‘ia fa‘amanuia mai i matou;
‘ia malamalama mai ‘iā te i matou ona fofoga. Selā.
2‘Ina ‘ia iloa lou ala i le lalolagi,#Luka 2.30-32; Galu 18.25-26; Tito 2.11
o le olataga mai ‘iā te oe i nu‘u ‘ese uma lava.
3Le Atua e,
‘ia vi‘ia oe e le nu‘u;
‘ia vi‘ia lava oe e le nu‘u, o i latou uma lava.
4‘Ia fiafia nu‘u, ‘ia latou ‘alalaga fiafia;
auā, ‘e te fa‘amasino tonu mai i tagata,
‘e te ta‘ita‘i fo‘i i nu‘u o i le lalolagi. Selā.
5Le Atua e,
‘ia vi‘ia oe e le nu‘u;
‘ia vi‘ia lava oe e le nu‘u, o i latou uma lava.
6‘Ua fua mai e le lau‘ele‘ele ona lava fua;#Levi 26.4; Sala 85.12; Eseki 34.27
o le Atua, o lo matou Atua lava na te fa‘amanuia mai i matou.
7O le Atua na te fa‘amanuia mai i matou;#Sala 22.27
‘ona matata‘u ai lea ‘iā te ia o tulu‘iga uma o le lalolagi.
Currently Selected:
Salāmo 67: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
