Salāmo 66
66
‘Ua Apoapoa‘i mai ‘ina ‘ia Fa‘afetai i le Atua
Ma le usu pese. O le pese o le salāmo lea
1Le lalolagi uma e,
‘ia ‘outou ‘alalaga atu i le Atua.
2‘Ia ‘outou pepese atu i lona suafa mamalu;#Isai 42.12
‘ia mamalu ‘iā te ‘outou lona vi‘iga.
3‘Ia ‘outou fai atu i le Atua,
“E matuā mata‘utia oe i au galuega.
O lou malosi tele e fa‘atagā vivi‘i atu ai ‘iā te oe
o ē ‘ua ita ‘iā te oe.
4E ifo atu lava ‘iā te oe le lalolagi uma;
latou te fai pesega ‘iā te oe,
latou te fai pesega i lou suafa.” Selā.
5Ō mai ia, ‘ia ‘outou matamata i galuega a le Atua;#Sala 46.8
e mata‘utia ia i mea na na faia i le fānau a tagata.
6Na ia liua le sami ma lau‘ele‘ele matūtū;#Eso 14.21; Iosu 3.14-17; Isai 63.12-13
na latou sopo‘ia atu le vaitafe i o latou vae;
na tatou fiafia ‘iā te ia i lea mea.
7E pule ia e fa‘avavau i lona lava malosi;
‘ua matuā silasila atu ona fofoga i nu‘u ‘ese;
o ē fouvale, ‘aua ne‘i fa‘amaualuga i latou. Selā.
8Le nu‘u e, ‘ia ‘outou fa‘afetai atu i lo tatou Atua;
‘ia lagona#66.8 lagona: po o le fa‘aliliuga tuai “logona”. mai le leo o lona vi‘iga.
9O lē na tu‘uina mai le ola i totonu ‘iā i tatou,#Sala 121.3
na te lē tu‘una i tatou ‘ia mapepeva ai o tatou vae.
10Auā na e su‘esu‘eina i matou, le Atua e;#Iopu 23.10; Saka 13.9
na e tofotofoina i matou,
e pei o le ario ‘ona tofotofoina.
11Na e ‘aumaia i matou i le ‘upega;#Paru 1.13; Eseki 12.13
na e tu‘uina mai mea mamafa i o matou tua.
12Na e fa‘ati‘eti‘e tagata i o matou ulu;#Isai 43.2; 51.23
na matou sāvavali i le afi ma le vai;
a ‘ua e ta‘ita‘iina mai i matou i le nu‘u lafulemū.
13‘Ou te alu atu i lou fale ma taulaga mū;
‘ou te avatua ‘iā te oe mea na ‘ou tautō ai.
14O mea ia na ‘ou fai atu ai i o‘u laugutu,#Sala 18.6
na ‘ou tautala atu ai i lo‘u gutu i lo‘u puapuagā.
15‘Ou te avatua ‘iā te oe taulaga mū i mea pepeti,
‘atoa ma mea manogi.
‘Ou te saunia mamoe po‘a,
o povi po‘a, ‘atoa ma ‘oti po‘a. Selā.
16‘Outou uma o ē matata‘u i le Atua,
ō mai ia, ‘inā fa‘alogologo mai,
‘ona ‘ou ta‘u atu ai lea o mea na na faia mo lo‘u agaga.
17Na ‘ou ‘alaga atu ‘iā te ia i lo‘u gutu,
‘ua vi‘ia fo‘i o ia e lo‘u laulaufaiva.
18‘Ana ‘ou manatu i se amio leaga i lo‘u loto,#Fa‘ata 28.9; Isai 1.15; 59.2; Ioane 9.31
po ‘ua lē fa‘afofoga mai le Ali‘i ‘iā te a‘u.
19‘Ae peita‘i ‘ua fa‘afofogaina mai a‘u e le Atua;
‘ua ia liliu mai i le leo o la‘u tatalo.
20‘Ia fa‘afetaia le Atua,
‘ua na lē liliu‘eseina la‘u tatalo,
po o lona alofa ‘iā te a‘u.
Currently Selected:
Salāmo 66: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
