Salāmo 6
6
O le Tagi a Tavita i Lona Tigā; o lona Fa‘atuatua i le ALI‘I
Ma le usu pese i nekina i le seminita. O le salāmo a Tavita
1Le ALI‘I e,#Sala 38.1; Epe 12.5-6
‘aua ‘e te a‘oa‘i mai ‘iā te a‘u i lou to‘asā;
‘aua fo‘i ‘e te sasa ‘iā te a‘u i lou to‘asā tele.
2Le ALI‘I e,
‘ia e alofa mai ‘iā te a‘u,
auā ‘ua vaivai lava a‘u;
le ALI‘I e, ‘ia e fa‘amālōlō mai ‘iā te a‘u,
auā ‘ua tetemū lava o‘u ivi.
3‘Ua matuā polepole vale fo‘i lo‘u loto;#Ioane 12.27
a o oe le ALI‘I e, se‘ia afea?
4Le ALI‘I e,
‘ia e toe fo‘i mai,
‘ia e lavea‘i i lo‘u agaga;
‘ia e fa‘aola mai ‘iā te a‘u ‘ona o lou alofa.
5Auā e leai se manatu ‘iā te oe i le oti;#Sala 30.9; 88.10-12; 115.17; Isai 38.18
o ai ‘ea se vivi‘i atu ‘iā te oe i le tu‘ugamau?
6‘Ua ‘ou lailoa i lo‘u ōi;
‘ua lofia lo‘u moega i po uma lava;
‘ua se vai le mea ‘ou te moe ai i o‘u loimata.
7‘Ua fole o‘u mata i lo‘u tigā;
‘ua matatoeaina lava,
‘ona o i latou uma o ē sauā mai ‘iā te a‘u.
8‘Inā ō ‘ese atu ia ‘iā te a‘u,#Mata 7.23; Luka 13.27
o ‘outou uma o ē fai amio leaga;
auā ‘ua fa‘afofogaina e le ALI‘I le leo o lo‘u tagi.
9‘Ua fa‘afofogaina e le ALI‘I la‘u ‘ai‘oi atu;
‘ua talia e le ALI‘I la‘u tatalo.
10E mamā ma matuā gatete lava i latou uma o ē fai a‘u mo latou fili;#Sala 40.14
‘e toe fo‘i i latou, e fa‘afuase‘i lava lo latou ma.
Currently Selected:
Salāmo 6: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
