Salāmo 5
5
O le Tatalo a Tavita. E lē fia Silafia e le ALI‘I o ē Agasala
Ma le usu pese i fagufagu. O le salāmo a Tavita
1Le ALI‘I e,
‘ia e fa‘afofoga mai i a‘u ‘upu,
‘ia e silafia mai le ōi o lo‘u loto.
2Lo‘u Tupu e, ma lo‘u Atua,#Sala 84.3
‘ia e fa‘afofoga mai i le leo o la‘u ‘alaga,
auā ‘ou te talotalo atu ‘iā te oe.
3Le ALI‘I e,
e fa‘afofogaina e oe lo‘u leo i le taeao;
o le taeao ‘ou te sauni atu ai la‘u tatalo#5.3 la‘u tatalo: po o la‘u taulaga. ‘iā te oe,
ma ‘ou va‘ava‘ai.
4Auā o oe, ‘e te lē se Atua e fiafia i le amio leaga;
e lē mau fa‘atasi ma oe lē ‘ua fai mea leaga.
5E lē tutū i ou luma o ē fa‘amaualuluga;#Sala 1.5; 11.5; 73.3; Sapa 1.13
‘ua e ‘ino‘ino ‘iā i latou uma o ē fai amio leaga.
6E fano ‘iā te oe o ē tala pepelo;
e matuā ‘inosia e le ALI‘I le tagata ‘ua totolima ma le tau‘ole‘ole.
7‘Ae peita‘i a‘u nei, o le tele o lou alofa,#1 Tu 8.30
‘ou te alu atu ai i lou fale,
‘ou te ifo i lou malumalu pa‘ia
ma le mata‘u ‘iā te oe.
8Le ALI‘I e, ‘ia e ta‘ita‘i mai ‘iā te a‘u i lau amiotonu,
‘ona o ē ita mai ‘iā te a‘u;
‘ia e fa‘asa‘o i o‘u luma lou ala.
9Auā e leai se fa‘amaoni i o latou gutu;#Roma 3.13; Sala 12.2
o latou loto fo‘i, ‘ua matuā leaga;
‘ua se tu‘ugamau ‘ua fa‘amaga o latou fa‘aī;
‘ua fa‘aoleole i latou i o latou laulaufaiva.
10Le Atua e, ‘ia e fa‘asalaina i latou;#2 Samu 15.31
‘ia pa‘u‘ū i latou ‘iā latou lava taupulepulega;
‘ia e tuli‘esea i latou ‘ona o le tele o latou solitulafono;
auā ‘ua latou fouvale ‘iā te oe.
11A ‘ia fiafia i latou uma o ē fa‘atuatua ‘iā te oe;#1 Samu 2.1; Sala 2.12; 33.21
‘ia latou ‘alalaga fiafia e fa‘avavau,
auā ‘e te fa‘amamaluina i latou;
‘ia ‘oli‘oli fo‘i ‘iā te oe o ē alolofa i lou suafa.
12Auā o oe, le ALI‘I e, ‘e te fa‘amanuia i lē ‘ua amiotonu;#Sala 115.13
e puipuia o ia e oe i le alofa, e pei o le tali pupuni.
Currently Selected:
Salāmo 5: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
