Salāmo 58
58
‘Ua Fa‘amatalaina e Tavita le Amio a Tagata Agasala
Ma le usu pese. Ne‘i e fa‘aumatia. O le salāmo a Tavita
1E moni ‘ea ‘ua lē tautala le amiotonu?
‘Inā tautala mai ia ‘outou.
‘Outou le fānau a tagata,
‘ia ‘outou fa‘amasino ma le sa‘o.
2E moni, ‘ua ‘outou galulue ma le loto i mea leaga;
‘ua ‘outou fuatia atu le sauāga,
a o ‘outou lima i le nu‘u.
3‘Ua liliu ‘ese o ē amio leaga talu ‘ina fānau mai;#Sala 51.5; Isai 48.8
talu ‘ina fānau mai ‘ua sesē i latou, ‘ua tala pepelo.
4O ‘iā te i latou mea ‘o‘ona e tusa ma le mea ‘o‘ona i le gata;
e pei o le asipi tutuli ‘ua ia punitia ona taliga.
5O lē na te lē fa‘alogoina atu le leo o ē taufa‘aoleole gata,#Iere 8.17
o lo‘o fa‘aoleole i le taufa‘aoleolega poto.
6Le Atua e,#Iopu 4.10; Sala 3.7
‘ia e gauia o latou nifo i o latou gutu.
Le ALI‘I e,
‘ia e tu‘imomomoina gao o leona ta‘anoa.
7‘Ia liu suāvai i latou, ‘ia pei o le vai ‘ona mavae atu;
a lolo‘u le ‘aufana e fana atu i ana ū,
‘ia peiseaī ‘ua vavae‘eseina ia.
8E pei o le sisi vao ona liu suāvai ‘ia mavae atu o ia;#Iopu 3.16
e pei o le fānau lē āu a le fafine,
‘aua ne‘i latou iloa le lā.
9A o le‘i lagona a ‘outou ‘ulo le afi la‘au tuitui,
pe mata pe mū, na te fa‘alelea‘eseina i latou i le afā.
10E fiafia lē ‘ua amiotonu pe a iloa e ia le taui;#Teu 32.43; Iopu 22.19; Sala 68.23
e mulumulu ona vae i le toto o lē ‘ua amio leaga.
11‘Ona fa‘apea ane ai lea o tagata,#Kene 18.25; Sala 9.8; 67.4; Fai 12.14; Isai 3.10
“E moni, ‘ua fai le taui mo lē ‘ua amiotonu;
e moni, o le Atua o le fa‘amasino o ia i le lalolagi.”
Currently Selected:
Salāmo 58: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
