Salāmo 57
57
‘Ua Vivi‘i atu Tavita i le Atua lē Fa‘aola ‘iā te ia a‘i le Sauā o Tagata
Ma le usu pese. Ne‘i e fa‘aumatia. O le salāmo a Tavita, ‘ina ‘ua sola ia i le ana mai ‘iā Saulo
1Le Atua e,#Sala 17.8; 91.4; Isai 26.20
‘ia e alofa mai ‘iā te a‘u,
‘ia e alofa mai ‘iā te a‘u;
auā ‘ua ‘ou fa‘atuatua lava ‘iā te oe;
‘ou te fa‘atuatua, fo‘i i le paolo o ou ‘apa‘au,
se‘ia mavae atu nei mea leaga.
2‘Ou te vala‘au atu i le Atua silisili ‘ese;
o le Atua lava na te fa‘ataunu‘uina mea uma mo a‘u.
3E ‘auina mai e ia mai le lagi,#Sala 18.16; 40.11; 43.3
ma fa‘aola mai ‘iā te a‘u,
a o ‘upu leaga mai lē ‘ua naunau i le fia maua o a‘u.
E ‘auina mai e le Atua o lona alofa ma lona fa‘amaoni.
4‘Ua i le vā o leona lava a‘u;#Sala 64.3; Fa‘ata 30.14
e ta‘oto lava a‘u i le vā o ē o mumū mai o latou ita,
o le fānau a tagata i latou,
o latou nifo o tao ma ū fanafana ia,
o pelu ma‘ai fo‘i o latou laulaufaiva.
5Le Atua e,
‘ia fa‘asilisiliina oe i le lagi;
‘ia i ai i le lalolagi uma lou mamalu.
6‘Ua latou saunia se ‘upega i le mea ‘ou te ui ai;#Iopu 18.8; Sala 7.15; 9.15
‘ua fa‘avaivai ai lo‘u loto;
‘ua latou ‘elia se lua ‘ou lumana‘i,
‘ua pa‘u‘ū i ai i latou. Selā.
7Le Atua e,
‘ua mau lo‘u loto,
‘ua mau lava lo‘u loto;
‘ou te pese lava ma ‘ou fai pesega.
8Ala mai ia lo‘u mamalu,#Fa‘ama 5.12; 1 No 15.16; Sala 16.9
ala mai ia le napeli ma le kitara;
‘ou te ala i le taeao lava.
9Le ALI‘I e,
‘ou te vivi‘i atu ‘iā te oe i luma o le nu‘u;
‘ou te fai pesega ‘iā te oe i luma o tagata.
10Auā e tele lou alofa ‘ua o‘o i le lagi,#Sala 36.5
e tele fo‘i lou fa‘amaoni ‘ua o‘o i ao.
11Le Atua e,
‘ia fa‘asilisiliina oe i le lagi;
‘ia i ai i le lalolagi uma lou mamalu.
Currently Selected:
Salāmo 57: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
