Salāmo 55
55
O le Atuatuvale o Tavita ma lana Tatalo i le Atua
Ma le usu pese i nekina. O le salāmo a Tavita e a‘oa‘o ai
1Le Atua e,#Sala 54.2; 86.6
‘ia e fa‘afofoga mai i la‘u tatalo,
‘aua fo‘i ‘e te liliu ‘ese i la‘u ‘ai‘oi atu.
2‘Ia fa‘afofoga mai ‘iā te a‘u,
ma tali mai ‘iā te a‘u;
‘ua ‘ou fa‘anoanoa i lo‘u mafaufau ma ‘ou uiō;
3‘ona o le leo o lē ‘ua ita mai,#2 Samu 16.7-8
‘ona o le sauā o lē amio leaga;
auā ‘ua latou fa‘ao‘o mai ‘iā te a‘u le amio leaga,
o le ita lava ‘ua latou fa‘asauā mai ai ‘iā te a‘u.
4‘Ua sapotuvale lo‘u lava loto i totonu ‘iā te a‘u;
‘ua o‘o mai fo‘i ‘iā te a‘u le mata‘u i le oti.
5‘Ua o‘o mai lava ‘iā te a‘u le mata‘u ma le gatete;#Iopu 21.6; Isai 21.4
‘ua matuā fa‘agateteina a‘u.
6‘Ona ‘ou fa‘apea lea,
“E! tā fia maua ‘apa‘au e pei o le lupe,
‘ou te lele ‘ese ai lava, i le ‘ou nofo mau ai.
7Fa‘auta, ‘ou te sola mamao atu lava#Iere 9.2
i le ‘ou nofo ai i le vao. Selā.
8‘Ou te fa‘ata‘alise ‘ona sola o a‘u,
‘ona o le matagi tetele ma le afā.”
9Le ALI‘I e,#Iere 6.7
‘ia e fa‘aumatia latou,
‘ia e vaeluaina a latou taupulepule.
Auā ‘ua ‘ou iloa le sauā ma le misa i le ‘a‘ai.
10‘Ua la si‘omia o ia i ona pā i le ao ma le po;
‘ua i totonu lava ‘iā te ia le amio leaga ma le malaia.
11‘Ua i totonu lava ‘iā te ia le amio pa‘a‘ā;
e lē alu ‘ese lava i lona malae le sauā ma le amio pepelo.
12Auā e lē o se fai a‘u mōna fili na ‘upuleagaina a‘u;#2 Samu 15.12; Iopu 19.5, 14, 19; Sala 41.9
ana se ita mai, po ‘ua ‘ou ‘o‘ono ai;
e lē o lē ita mai ‘iā te a‘u na fa‘asausili mai ‘iā te a‘u;
ana se ita mai, po ‘ua ‘ou lafi ‘iā te ia.
13A o oe lava, o le tagata tā te tutusa ma a‘u;
o la‘u uō lava, o lē ‘ua tā masani.
14Sa fefa‘amaliea‘i lava a tā tautalaga,
sa tā o gatasi ma le vao tagata i le fale o le Atua.
15‘Ia fa‘afuase‘i atu lava le oti ‘iā te i latou;#Nume 16.30, 33
‘ia latou ō ifo o ola i seoli;
auā ‘ua i ai mea leaga i mea o latou nonofo ai,
o i totonu ‘iā i latou lava.
16O a‘u nei, ‘ou te vala‘au atu i le Atua;
o le ALI‘I lava na te fa‘aolaina mai a‘u.
17O le afiafi ma le taeao ma le tutonu o le la,#Sala 5.3; 92.2; Tani 6.10; Galu 10.9
‘ou te tagi ai ma ‘ou uiō;
‘ona fa‘afofoga mai ai lea o ia i lo‘u leo.
18Na ia lavea‘i mai ‘iā te a‘u,
‘ia ‘ou filemū ai i le tau‘a sa ‘iā te a‘u;
auā e to‘atele i latou sa ‘iā te au.
19E fa‘afofoga mai le Atua,#Teu 33.27
na te fa‘atigāina fo‘i i latou,
o ia lava lea o lo‘o ti‘eti‘e talu mai le vavau lava.
Auā latou te lē āu liliu lava
ma ‘ua latou lē matata‘u i le Atua.
20‘Ua ia fa‘ao‘o atu ona lima i ē ‘ua nofo lelei ma ia;
‘ua tu‘umavaega ai o ia.
21O lona gutu ‘ua se suāsusu ‘ua to‘a e molemole,#Sala 28.3; Fa‘ata 5.3
a o i lona loto le tau‘a;
e sili le malūlū o ana ‘upu i le suāu‘u,
a o pelu ‘ua se‘ia lava ia.
22‘Ia e tu‘uina atu i le ALI‘I o mea ‘e te popole vale ai;
o ia lava na te tausia oe;
na te lē tu‘ua e fa‘avavau
le amiotonu ‘ia fa‘agae‘etia.
23A o oe, le Atua e,#Iopu 15.32; Sala 5.6; Fa‘ata 10.27
‘e te lafoina i lalo i latou i le tō e fano ai;
o tagata ‘ua totolima ma ē pepelo,
latou te lē o‘o i le tautuluaga o latou aso;
a o a‘u, ‘ou te fa‘atuatua lava ‘iā te oe.
Currently Selected:
Salāmo 55: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
