Popular Bible Verses from Salāmo 55

Share

‘Ia e tu‘uina atu i le ALI‘I o mea ‘e te popole vale ai; o ia lava na te tausia oe; na te lē tu‘ua e fa‘avavau le amiotonu ‘ia fa‘agae‘etia.

O le afiafi ma le taeao ma le tutonu o le la, ‘ou te tagi ai ma ‘ou uiō; ‘ona fa‘afofoga mai ai lea o ia i lo‘u leo.

A o oe, le Atua e, ‘e te lafoina i lalo i latou i le tō e fano ai; o tagata ‘ua totolima ma ē pepelo, latou te lē o‘o i le tautuluaga o latou aso; a o a‘u, ‘ou te fa‘atuatua lava ‘iā te oe.

O a‘u nei, ‘ou te vala‘au atu i le Atua; o le ALI‘I lava na te fa‘aolaina mai a‘u.

Na ia lavea‘i mai ‘iā te a‘u, ‘ia ‘ou filemū ai i le tau‘a sa ‘iā te a‘u; auā e to‘atele i latou sa ‘iā te au.

Le Atua e, ‘ia e fa‘afofoga mai i la‘u tatalo, ‘aua fo‘i ‘e te liliu ‘ese i la‘u ‘ai‘oi atu.