Salāmo 49
49
O le Fa‘avalea o ē Fa‘atuatua i le ‘Oloa Fa‘aletino
Ma le usu pese o le fānauga a Koru. O le salāmo
1‘Inā fa‘alogologo mai ia i lenei mea o ‘outou nu‘u uma;#Isai 1.2; Mika 1.2
‘inā ua‘i mai ia o ‘outou taliga o ‘outou uma o ē nonofo i le lalolagi.
2O tagatanu‘u ‘atoa ma ali‘i;
o ē tamao‘āiga fa‘atasi ma ē matitiva.
3E tautala lo‘u gutu i le poto;
e atamamai fo‘i mafaufauga o lo‘u loto.
4‘Ou te ua‘i atu o‘u taliga i le fa‘ata‘oto,
‘ou te fa‘amatala a‘u ‘upu lilo i le kitara.
5Se a le mea ‘ou te fefe ai i aso vale,
pe a vagavagaia mai a‘u a le agasala
a ē lamalama ‘iā te au?
6O i latou o ē fa‘atuatua i o latou ‘oa,#Sala 52.7; Fa‘ata 11.28; Mare 10.24
ma mitamita i latou ‘ona o le tele o a latou ‘oloa;
7e lē mafaia lava e so latou ‘ona fa‘atau i lona uso,
pe avatu i le Atua se togiola mo ia,
8auā e matua faigatā le togiola o latou agaga,#Iopu 36.18-19
e lē mafaia lava ia e fa‘avavau;
9‘ina ‘ia ola pea ia e fa‘avavau;
‘ia lē iloa e ia le tu‘ugamau.
10Auā ‘ua iloa e ia e oti tagata popoto,#Sala 39.6; Fai 2.16
e fano fo‘i le tagata valea ‘atoa ma le vale;
‘ona tu‘ua lea e i latou a latou ‘oa mā nisi.
11O lo latou tāofi, e fa‘avavau o latou fale,
ma mea e mau ai i latou a augatupulaga ia;
‘ua fa‘aigoa e i latou o latou fanua i o latou lava igoa.
12‘Ae lē tumau le tagata i lona lelei;#Sala 39.5; Fai 3.19
e tusa i latou ma manu ‘ona fano.
13O lo latou ala lenei, o lo latou lea valea;
a ‘ua fiafia ē ‘ua mulimuli ‘iā te i latou ‘iā latou ‘upu. Selā.
14‘Ua tu‘uina atu i latou e pei o mamoe i le tu‘ugamau;#Iopu 24.19-20; Tani 7.22; Mala 4.3; Luka 22.29-30; 1 Kori 6.2; Fa‘aa 2.26
e ‘aina i latou e le oti;
e pule ē ‘ua amiotonu ‘iā te i latou i le taeao;
e mavae lo latou matagofie i le tu‘ugamau,
mai le mea latou te mau ai.
15‘Ae peita‘i e fa‘aola e le Atua lo‘u agaga
a‘i le pule a le tu‘ugamau;
auā na te talia mai a‘u. Selā.
16‘Aua ‘e te fefe pe a fa‘atamao‘āigaina se tasi,
pe a fa‘ateleina le mamalu o lona ‘āiga.
17Auā e leai se mea na te ‘avea pe a oti o ia;#Iopu 27.19; 1 Timo 6.7
e le mulimuli ifo ‘iā te ia lona mamalu.
18E ui ‘ina fa‘a‘amu‘ia atu o ia i lona agaga ‘ina o ola o ia;#Teu 29.19; Luka 12.19
e vi‘ia fo‘i oe pe a e agalelei oe ‘iā te oe.
19E o‘o lava ia i le tupulaga o ona tamā;
e lē iloa e i latou le malamalama e o‘o i le fa‘avavau.
20O tagata o lo‘o i le lelei, ‘ae lē mafaufau,#Sala 49.12
e tusa i latou ma manu ‘ona fano.
Currently Selected:
Salāmo 49: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
