Salāmo 48
48
O le Vi‘iga i le Atua ‘inā ‘ua Fa‘aolaina lona Nu‘u
O le pese, o le salāmo lea ma le fānauga a Koru
1E sili lava le ALI‘I,#Sala 46.4; Isai 2.2; Saka 8.3
e tatau fo‘i ‘ona matuā vi‘ia o ia
i le ‘a‘ai a lo tatou Atua, o lona mauga pa‘ia.
2E matagofie le maualuga o le mauga o Siona,#Mata 5.35; Eseki 20.6; Paru 2.15
e fiafia ai le lalolagi uma,
o i le itū i matū, le ‘a‘ai a le Tupu silisili.
3E iloa lava le Atua i ona maota,
e fai o ia ma ‘olo maualuga.
4Auā fa‘auta, na fa‘apotopoto mai tupu;#2 Samu 10.6-19
‘ua latou ō atu fa‘atasi.
5Na latou va‘ava‘ai mai, ‘ona femēmēa‘i ai lea
‘ua atuatuvale i latou,
‘ona latou vave sōsōla ‘ese ai lea.
6Na maua lava i latou i lea mea i le gatete#Eso 15.15; Isai 13.8
o le tigā pei o le fafine a fānau mai.
7‘Ua e lepetia va‘a Tasesa i le matagi mai sasa‘e.#1 Tu 10.22; 22.48; Eseki 27.26
8E pei ‘ona tatou fa‘alogo atu ai,
e fa‘apea ‘ona tatou iloa i le ‘a‘ai a le ALI‘I o ‘au,
o le ‘a‘ai a lo tatou Atua;
e fa‘atumauina ia e le Atua e o‘o i le fa‘avavau. Selā.
9Le Atua e,
‘ua matou mafaufau i lou alofa,
i totonu o lou malumalu.
10Le Atua e,#Teu 28.58; Sala 113.3; Mala 1.11
e pei o lou suafa,
e fa‘apea lou vi‘iga ‘ona o‘o i tulu‘iga o le lalolagi
‘ua tumu lou ‘a‘ao taumatau i le amiotonu.
11‘Ia fiafia le mauga o Siona,#Sala 97.8
‘ia ‘oli‘oli tamafafine a Iuta,
‘ona o au fa‘amasinoga.
12‘Inā fa‘ata‘amilo ia i Siona,
ma ‘ia so‘o ai, ‘inā faitau ia i ona ‘olo.
13Matuā mafaufau ia i lona ‘aupā,
mātau mai ona maota;
‘ina ‘ia ‘outou talatala atu ai i le tupulaga atalī.
14Auā o lenei Atua,#Sala 23.3-4; Isai 25.9
o lo tatou Atua lava ia e fa‘avavau fa‘avavau lava;
o ia lava na te ta‘ita‘iina i tatou e o‘o lava i le oti.
Currently Selected:
Salāmo 48: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
