Salāmo 32
32
O le Manuia o le Tagata ‘ua Fa‘amāgaloina ana Agasala
O le salāmo a Tavita e a‘oa‘o ai
1‘Amu‘ia le tagata ‘ua fa‘amāgaloina lona solitulafono,#Roma 4.7-8
ma ‘ua ufitia lana agasala.
2‘Amu‘ia le tagata e lē ta‘usalaina e le ALI‘I,#Ioane 1.47; 2 Kori 5.19
e leai fo‘i se ‘ole‘olega i lona loto.
3Na ‘ou fa‘alologo, ‘ona palagia ai lea o o‘u ivi
i lo‘u fa‘ataiō i le aso ‘atoa.
4Auā sa mamafa lou ‘a‘ao i luga ‘iā te a‘u i le ao ‘atoa fo‘i ma le po;#1 Samu 5.6, 11
‘ua liua lava lo‘u malosi i le vevela o le tausaga vevela. Selā.
5‘Ona ‘ou fa‘ailoa atu ai lea ‘iā te oe o la‘u agasala,#2 Samu 12.13; Sala 38.18; Fa‘ata 28.13; Luka 15.18; 1 Ioane 1.9
na ‘ou lē ufitia fo‘i la‘u amioletonu;
sa ‘ou fa‘apea, “‘Ou te fa‘aali atu i le ALI‘I ‘ou solitulafono;”
‘ona e ‘ave‘esea ai lea o le leaga o la‘u agasala. Selā.
6O le mea lea e tatalo atu ai ‘iā te oe,
o ē amio Atua uma lava, i ona po e maua ai oe;
e moni, e lē o‘o ‘iā te i latou tāfega o vai e tele.
7O oe lava lo‘u lafitaga,#Eso 15.1-18; Fa‘ama 5.1-31; Sala 9.9
‘e te leoleoina a‘u i le puapuagā,
‘e te si‘osi‘omia a‘u i siva o le olataga. Selā.
8‘Ou te a‘oa‘o ‘iā te oe,
ma fa‘asino ‘iā te oe i lea lava ala ‘e te savali ai;
‘ou te fa‘atonu ‘iā te oe ma ‘ou va‘ai ‘iā te oe.
9‘Aua ‘e te fa‘apei o le solofanua, po o le falata,#Iopu 35.11; Fa‘ata 26.3
e lē o i ai se mafaufau,
o latou teuga o le fa‘agutu ma le tāofi e tāofi ai,
auā ‘ua latou lē fa‘alatalata mai ‘iā te oe.
10E tele mea tigā e o‘o i ē amio leaga;#Sala 34.8; Fa‘ata 13.21; 16.20; Iere 17.7; Roma 2.9
a o lē fa‘atuatua i le ALI‘I si‘omia o ia i le alofa.
11‘Inā fiafia ia i le ALI‘I,#Sala 64.10; 68.3
ma ‘oli‘oli o ‘outou o ē amiotonu;
‘inā ‘alalaga ia ma le fiafia o ‘outou uma o ē ‘ua fa‘amaoni o ‘outou loto.
Currently Selected:
Salāmo 32: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
