Salāmo 30
30
O lo‘o Vivi‘i atu Tavita i le ALI‘I auā ‘ua Fa‘aolaina o Ia
O le salāmo, o le pese i le fa‘aulufalega o le fale o Tavita
1Le ALI‘I e,#Sala 25.2; 35.19, 24
‘ou te vivi‘i atu ‘iā te oe;
auā ‘ua e fa‘aeaina a‘u;
‘ua e lē tu‘uina atu i ē ‘ua ita mai ‘iā te a‘u
‘iā latou mitamita mai ‘iā te a‘u.
2Le ALI‘I e lo‘u Atua,
na ‘ou ‘alaga atu ‘iā te oe,
‘ona e fa‘amālōlōina ai lea o a‘u.
3Le ALI‘I e,#Sala 16.10; 28.1
‘ua e ‘ava‘e ‘iā te a‘u a‘i le tu‘ugamau;
‘ua e fa‘aolaina a‘u, ne‘i ‘ou alu ifo i le lua.
4O ‘outou na o ona tagata amio Atua,
‘ia ‘outou pepese atu i le ALI‘I
ma ‘ia ‘outou vivi‘i pe a manatua lona pa‘ia.
5Auā o lona to‘asā ‘ua se ‘emo o le mata lea,#Sala 103.9; Isai 54.7-8
a o lona alofa tunoa o le ola lava lea;
e afe ane le tagi i le afiafi,
a o le ‘alaga fiafia i le taeao.
6Na ‘ou fai atu lava a‘u ‘ina ‘ua ‘ou manuia,
“E lē fa‘agae‘etia a‘u e o‘o i le fa‘avavau.”
7Le ALI‘I e,#2 Samu 24.10; Sala 104.29
o lou alofa lava na e fa‘atumauina ai le malosi i lo‘u mauga;
‘ua e liliu ‘ese ou fofoga,
‘ona ‘ou atuatuvale ai lea.
8Le ALI‘I e,
‘ua ‘ou ‘alaga atu ‘iā te oe;
ma ‘ou ‘ai‘oi atu i le ALI‘I.
9“Se a le aogā o lo‘u toto i lo‘u alu ifo i le tu‘ugamau?#Sala 6.5; 115.17
E vivi‘i ‘ea le ‘ele‘ele ‘iā te oe?
pe na te fa‘aali atu ‘ea lou fa‘amaoni?
10Le ALI‘I e,
‘ia e fa‘afofoga mai ma alofa mai ‘iā te a‘u.
Le ALI‘I e,
‘ia fai oe mo‘u fesoasoani.”
11‘Ua e liua lo‘u tagitu‘i i le siva;#2 Samu 6.14; Iere 31.13
‘ua e tala‘eseina lo‘u ‘ie talatala,
‘ae fusia a‘u i le fiafia;
12‘ina ‘ia pese atu ‘iā te oe lo‘u mamalu ma le lē mapu;#Sala 16.9
le ALI‘I e lo‘u Atua,
‘ou te vivi‘i atu ‘iā te oe e fa‘avavau lava.
Currently Selected:
Salāmo 30: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
