Salāmo 29
29
‘Ua Vi‘ia le mana o le Atua
O le salāmo a Tavita
1O ‘outou atali‘i o ē malolosi,#Sala 96.7-9
tu‘uina atu ia i le ALI‘I, le vi‘iga ma le malosi.
2Tu‘uina atu ia i le ALI‘I le vi‘iga o lona suafa;
‘inā ifo ia i le ALI‘I i le mea pa‘ia e matagofie.
3O lo‘o i luga o vai le si‘ufofoga o le ALI‘I;#Iopu 37.4-5; Sala 18.11, 13
o lo‘o faititili mai le Atua mamalu;
o le ALI‘I, o lo‘o i luga o vai e tele o ia.
4E malosi le si‘ufofoga o le ALI‘I;
e mamalu le si‘ufofoga o le ALI‘I.
5O lo‘o gauia arasi e le si‘ufofoga o le ALI‘I;
o lo‘o gauia e le ALI‘I o arasi o Lepanona.
6O ia e osooso ai i latou e pei o se tama‘i povi;#Teu 3.9; Sala 114.4, 6
o Lepanona ma Siriona e osooso e pei o se tama‘i rema.
7O le si‘ufofoga o le ALI‘I e vaevae ai le mumū o le afi.
8O le si‘ufofoga o le ALI‘I e tetemū ai le vao;#Nume 13.26
o le ALI‘I e tetemū ai le vao o Katesa.
9O le si‘ufofoga o le ALI‘I ‘ua fa‘afānau ai ‘aila,#Iopu 39.1-3
‘ua manunu ai fo‘i le vao matua;
o i totonu o lona malumalu fo‘i e ta‘itasi ma tautala i lona mamalu.
10Na ti‘eti‘e le ALI‘I i luga o le lolo;#Kene 6.17; Sala 10.16
e ti‘eti‘e lava le ALI‘I o le Tupu e fa‘avavau lava.
11E ‘aumaia e le ALI‘I le malosi i lona nu‘u;#Sala 68.35; Isai 40.29
e fa‘amanuia e le ALI‘I lona nu‘u i le filemū.
Currently Selected:
Salāmo 29: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
