Salāmo 27
27
O le Fa‘atuatua o Tavita i le Atua i le Aso Vale
O le salāmo a Tavita
1O le ALI‘I, o lo‘u malamalama ia ma lo‘u olataga:#Eso 15.2; Sala 23.4; Isai 12.2; 60.20; Mika 7.8; Epe 13.6
o ai ‘ea se ‘ou te fefe ai?
O le ALI‘I, o le malosi ia o lo‘u ola;
‘ou te mata‘u ‘ea ‘iā te ai?
2Na si‘i tau‘a mai ‘iā te a‘u tagata amio leaga,
‘ina ‘ia ‘ai lo‘u tino
o ē sauā mai ma ē ita mai ‘iā te a‘u;
‘ona tausuai lea o i latou ma latou pa‘u‘ū.
3E ui lava ‘ina tolauapi se itūtau‘a e tau ma a‘u,
e lē fefe ai lo‘u loto;
e ui ‘ina si‘itia se tau‘a ‘iā te a‘u,
‘ou te loto tele lava i lea mea.#27.3 ‘ou te loto tele lava i lea mea: po o ‘ou te fa‘amoemoe pea i le Atua.
4E tasi le mea ‘ua ‘ou ole atu ai i le ALI‘I,#Sala 23.6; Luka 2.37
o le mea lava lea ‘ou te sā‘ili atu ai;
‘ia ‘ou nofo i le fale o le ALI‘I i aso uma o lo‘u ola,
‘ina ‘ia ‘ou iloa atu ai le matagofie o le ALI‘I,
ma ‘ou sā‘ili i lona malumalu.
5Auā na te fa‘alilo ‘iā te a‘u i lona fale apitaga i le aso vale;#Sala 31.20; 40.2; Isai 4.6
na te natia a‘u i le mea lilo i lona fale fetāfa‘i;
na te fa‘ae‘etia a‘u i le papa.
6O lenei, e fa‘aeaina lo‘u ulu i luga o ē ‘ua ita mai ‘iā te a‘u,
o ē si‘osi‘o ‘iā te a‘u;
‘ou te osia ai taulaga i lona fale fetāfa‘i ma le ‘alaga fiafia;
‘ou te pese ma ‘ou fai pesega i le ALI‘I.
7Le ALI‘I e,#Sala 30.10
‘ia e fa‘afofoga mai i lo‘u leo,
‘ou te vala‘au;
‘ia e alofa mai ma ‘ia e tali mai ‘iā te a‘u.
8Na fai atu lo‘u loto ‘iā te oe i lau na e fetalai mai,
“‘Ia ‘outou sā‘ili‘ili mai ‘iā te a‘u;
le ALI‘I e, ‘ou te sā‘ili‘ili atu i lau afio,
9‘aua ‘e te liliu ‘ese ou fofoga ‘iā te a‘u.”
‘Aua ‘e te tuli i lau ‘au‘auna i lou to‘atama‘i;
na fai oe mo‘u fesoasoani;
‘aua le tu‘ulafoa‘iina a‘u,
‘aua fo‘i ‘e te tu‘ua a‘u,
le Atua e, lo‘u fa‘aolataga.
10E ui lava ‘ina tu‘ua a‘u e lo‘u tamā ma lo‘u tinā,#Isai 49.15; Ioane 16.32; 2 Timo 4.16-17
‘ae talia a‘u e le ALI‘I.
11Le ALI‘I e,
‘ia e a‘oa‘o mai ‘iā te a‘u i lou ala,
ma ta‘ita‘i ‘iā te a‘u i le ala laulelei,
‘ona o ē ita mai ‘iā te a‘u.
12‘Aua ‘e te tu‘uina a‘u i le mana‘o o ē sauā mai ‘iā te a‘u;#Sala 35.11; 41.2; Mata 26.59-60; Mare 14.55-56
auā ‘ua laga mai ‘iā te a‘u o ē molimau pepelo
ma latou tautalatala i le fa‘asauā.
13‘Ana ‘ou lē fa‘atuatua,#Eso 33.19; Sala 142.5; Isai 38.11
‘ou te iloa le agalelei o le ALI‘I
i le nu‘u o tagata ola,
po ‘ua ‘ou fa‘avaivai, lava.
14‘Inā fa‘alagolago atu ia i le ALI‘I,#Iosu 1.6; Sala 31.24; 37.34; Isai 25.9
‘inā loto tele ia,
e fa‘amalosia fo‘i e ia lou loto;
‘inā fa‘alagolago ia i le ALI‘I.
Currently Selected:
Salāmo 27: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
