Popular Bible Verses from Salāmo 27

Share

‘Inā fa‘alagolago atu ia i le ALI‘I, ‘inā loto tele ia, e fa‘amalosia fo‘i e ia lou loto; ‘inā fa‘alagolago ia i le ALI‘I.

E tasi le mea ‘ua ‘ou ole atu ai i le ALI‘I, o le mea lava lea ‘ou te sā‘ili atu ai; ‘ia ‘ou nofo i le fale o le ALI‘I i aso uma o lo‘u ola, ‘ina ‘ia ‘ou iloa atu ai le matagofie o le ALI‘I, ma ‘ou sā‘ili i lona malumalu.

O le ALI‘I, o lo‘u malamalama ia ma lo‘u olataga: o ai ‘ea se ‘ou te fefe ai? O le ALI‘I, o le malosi ia o lo‘u ola; ‘ou te mata‘u ‘ea ‘iā te ai?

‘Ana ‘ou lē fa‘atuatua, ‘ou te iloa le agalelei o le ALI‘I i le nu‘u o tagata ola, po ‘ua ‘ou fa‘avaivai, lava.

Auā na te fa‘alilo ‘iā te a‘u i lona fale apitaga i le aso vale; na te natia a‘u i le mea lilo i lona fale fetāfa‘i; na te fa‘ae‘etia a‘u i le papa.