Luka 2
2
O le Fānau mai o Iesu
(Mata 1.18-25)
1O aso lava ia na o‘o mai ai le poloa‘iga a Kaisara Aokuso ‘ia tusia uma ai le lalolagi. 2Na faia lenei ulua‘i tusi ‘ina o pule Kurenio i Suria. 3‘Ua ō uma atu fo‘i i latou ‘ia tusia, e ta‘itasi i lana lava ‘a‘ai.
4‘Ua alu a‘e fo‘i Iosefa mai Kalilaia, mai le ‘a‘ai o Nasereta, i Iutaia i le ‘a‘ai o Tavita, ‘ua igoa ‘iā Peteleema, auā o le ‘āiga ia ma le gafa o Tavita, 5‘ia tusia fa‘atasi ma Maria o lē sa faufautane#2.5 faufautane: O isi fa‘aliliuga; o lana avā ‘iā te ia, ‘ua tō o ia. 6Sa i ai i lā‘ua, ‘ona o‘o lea i ona po e fānau ai o ia. 7‘Ua fānau e ia lana tama ulumatua, ‘ua ia aui ‘iā te ia i le ‘ie ma fa‘ata‘oto ‘iā te ia i le fale manu, auā latou te lē ofi i le fale e tali ai mālō.
O le ‘au Leoleo Mamoe ma le ‘au Agelu
8Sa i le vao o lea nu‘u leoleo mamoe, sa nonofo ai ma leoleo pō i lo latou lafu mamoe. 9Fa‘auta fo‘i, ‘ua tu mai ‘iā i latou le agelu a le Ali‘i, ‘ua pupula fa‘ata‘ali‘oli‘o mai fo‘i ‘iā te i latou le pupula o le Ali‘i, ‘ua matuā fefefe ai lava i latou. 10‘Ona fai mai lea o le agelu ‘iā te i latou, “‘Aua tou te matata‘u; auā fa‘auta, ‘ou te ‘aumai ‘iā te ‘outou le tala lelei o le ‘oli‘oli tele e o‘o mai i nu‘u uma, 11auā o le aso nei ‘ua fānau ai ‘iā te tatou i le ‘a‘ai a Tavita, le Fa‘aola, o ia o Keriso le Ali‘i. 12O le fa‘ailoga lenei ‘iā te ‘outou, e iloa ai e ‘outou le tama meamea ‘ua aui i le ‘ie, o lo‘o ta‘oto i le fale manu.”
13‘Ona fa‘afuase‘i lea ‘ona fa‘atasi mai ma le agelu o ‘au mai le lagi e to‘atele, ‘ua vivi‘i i le Atua, ‘ua fa‘apea ane,
14“O le vi‘iga i le Atua i mea aupitoaluga;
ma le manuia i le lalolagi, i tagata ‘ua alofagia e ia.”#2.14 manuia i le lalolagi…tagata ‘ua alofagia e ia: O nisi fa‘aliliuga; manuia i le lalolagi…ma tagata loto lelei.
15‘Ua ō i le lagi agelu sa ‘iā i latou, ‘ona fetautalatala‘i ai lea o leoleo mamoe, “‘Inā tatou ō ia i Peteleema, tatou te va‘ava‘ai i lenei mea ‘ua faia, ‘ua fa‘ailoa mai ‘iā te i tatou e le Ali‘i.”
16‘Ua latou fa‘ata‘alise atu, ‘ona maua lea o Maria, ma Iosefa, ma le tama meamea o ta‘oto i le fale manu. 17‘Ua latou iloa, ‘ona latou fa‘ailoa ai lea o le ‘upu na ta‘ua mai ‘iā te i latou i lea tama. 18O i latou uma ē na fa‘alogo ai, ‘ua ofo i latou i mea ‘ua ta‘ua mai ‘iā te i latou e leoleo mamoe. 19A o Maria ‘ua tāofi ia ‘upu uma, ‘ua mafaufau i ai lona loto. 20‘Ona fo‘i mai lea o leoleo mamoe, o vivi‘i ma fa‘afetai i le Atua, ‘ona o mea uma ‘ua latou fa‘alogo ai ma va‘ai i ai, e pei ‘ona ta‘ua mai ‘iā te i latou.
O lona Igoa o Iesu
21‘Ua o‘o i le aso valu e peritome ai le tama, ‘ona fa‘aigoaina ai lea o ia o Iesu, na fa‘aigoa ai e le agelu a o le‘i i le manava o lona tinā.#Levi 12.3; Luka 1.31
O le Momoliga o Iesu i le Malumalu
22‘Ua ‘atoa ona aso o le fa‘amamāina o ia, e tusa ma le tulafono a Mose, ‘ona la ‘aumai lea ‘iā te ia i Ierusalema, e tu‘uina atu ai i luma o le Ali‘i;#Levi 12.6-8 23pei ‘ona tusia i le tulafono a le Ali‘i, “O tama tane ulumatua uma ‘ia fa‘apa‘iaina i latou mo le Ali‘i;”#Eso 13.12 24e avatu fo‘i le taulaga, pei ‘ona fai mai ai le tulafono a le Ali‘i, “O le uluga manutagi, po o tama‘i lupe e lua fua.”
25Fa‘auta fo‘i, sa i Ierusalema le tagata e igoa ‘iā Simeona; o le tagata amiotonu o ia ma le amioatua, sa fa‘atalitali atu o ia i le fa‘amafanafanaina o Isaraelu; ‘ua i luga ‘iā te ia le Agaga Pa‘ia. 26‘Ua uma ‘ona fa‘aalia ‘iā te ia e le Agaga Pa‘ia, na te lē iloa le oti se‘ia mua‘i iloa atu le Keriso o le Ali‘i. 27O le Agaga ‘ua alu ai o ia i le malumalu; ‘ua ‘aumai le tama o Iesu e ona mātua, ‘ia la faia ‘iā te ia fa‘apei ‘ona tatau i le tulafono, 28‘ona sapaia lea e ia i ona lima, ‘ua fa‘afetai atu i le Atua, ‘ua fa‘apea atu:
29“Le Ali‘i e, ‘e te tu‘uina atu nei lau ‘au‘auna ‘ia alu,
ma le manuia, pei o lau afioga;
30auā ‘ua iloa e o‘u mata le fa‘aolataga mai ‘iā te oe,
31‘ua e saunia i luma o nu‘u uma lava.
32O le malamalama e fa‘amalamalama ai nu‘u ‘ese, #Isai 42.6; 49.6; 52.10
ma le mamalu o lou nu‘u o Isaraelu.”
33‘Ua ofo lava lona tamā ma lona tinā i mea ‘ua ta‘ua ‘iā te ia. 34‘Ua fa‘amanuia atu Simeona ‘iā te i lā‘ua, ‘ua fai atu fo‘i ‘iā Maria lona tinā. “Fa‘auta, ‘ua tu‘u le tama nei e pa‘u‘ū ai ma toe tutū ai tagata e to‘atele o i Isaraelu; e fai fo‘i ma fa‘ailoga e fa‘aleagaina; 35e tuia fo‘i lou lava loto ‘ia ati i le pelu, ‘ina ‘ia fa‘aalia mai ai manatu o loto o tagata e to‘atele.”
36Sa i ai fo‘i le perofeta fafine o Ana, o le afafine o Fanuelu o le itū‘āiga o Asera, ‘ua lo‘omatua o ia, sa lā nonofo ma lana tane i tausaga e fitu talu ‘ina o taupou. 37A ‘ua oti lana tane; o ona tausaga ‘ua tusa ma le valusefulu ma le fa,#2.36-37 valusefulu ma le fa tausaga: po o talu ‘ona oti lana tane ma lona nofo taupou i tausaga e valusefulu ma le fa. e le‘i alu ‘ese o ia i le malumalu, a ‘ua ‘au‘auna o ia i le Atua i anapogi ma talosaga i le ao ma le pō. 38O lea lava itū aso, ‘ua sau ai o ia, ‘ua fa‘afetai atu i le Ali‘i ma tautala ‘iā te ia i tagata uma lava ē na fa‘atali atu i le togiola i Ierusalema.
O le Toe fo‘i i Nasareta
39‘Ua uma ‘ona faia e i lā‘ua o mea uma e tatau i le tulafono a le Ali‘i, ‘ona fo‘i atu lea i Kalilaia, i la lā‘ua ‘a‘ai o Nasareta.#Mata 2.23 40‘Ua tupu le tama, ma ‘ua malosi lona loto, ‘ua tumu i le poto; ‘ua ‘iā te ia fo‘i le alofa o le Atua.
O Iesu i le Malumalu
41‘Ua ō i Ierusalema ona mātua i lea tausaga ma lea tausaga i le tausamiga o le paseka.#Eso 12.1-27; Teu 16.1-8 42‘Ua o‘o i ona tausaga e sefulu ma le lua, ‘ona ō a‘e lea o i latou i Ierusalema, e tusa ma le tu o le tausamiga. 43‘Ua mavae ona aso, ‘ona fo‘i mai lea o i lā‘ua, a ‘ua nofo le tama o Iesu i Ierusalema, ‘ae le‘i iloa e lona tamā ma lona tinā. 44Sa manatu i lā‘ua o i le ‘au malaga o ia; ‘ua la po tasi i le ala, ‘ona la sā‘ili lea ‘iā te ia i lo la ‘āiga ma ē na latou masani. 45‘Ua lē iloa o ia, ‘ona la fo‘i atu lea i Ierusalema, o sā‘ili ‘iā te ia. 46‘Ua mavae aso e tolu, ‘ona la maua ai lea o ia i le malumalu o nofo i totonu o le ‘au a‘oa‘o, o lo‘o fa‘alogologo ‘iā te i latou, ma taufesili ‘iā te i latou. 47‘Ua matuā ofo uma lava ē na fa‘alogo ‘iā te ia i lona poto ma ana ‘upu e tali. 48‘Ua la ofo ‘ina ‘ua iloa atu o ia e i lā‘ua; ‘ona fai ane lea o lona tinā ‘iā te ia, “La‘u tama e, se a le mea ‘ua e fa‘apea mai ai ‘iā te i mā‘ua? Fa‘auta, o i mā‘ua ma lou tamā sa ma sā‘ili lava ‘iā te oe ma le tigā.”
49‘Ona fai atu lea o ia ‘iā te i lā‘ua, “Se a ‘ea le mea na ‘oulua sā‘ili mai ai ‘iā te a‘u? Lua te lē iloa ‘ea e tatau ‘ona ‘ou i le fale, o lo‘u Tama?” 50A ‘ua lē lagona e i lā‘ua le ‘upu ‘ua fai mai ai o ia ‘iā te i lā‘ua.
51‘Ua latou ō ifo ma i lā‘ua, ‘ua o‘o i Nasareta, ‘ua ‘ana‘ana#2.51 ‘ana‘ana: po o usiusita‘i. o ia ‘iā te i lā‘ua; a o lona tinā ‘ua tāofi ia mea uma i lona loto. 52‘Ua tupu le poto ma le tino o Iesu, ‘ua alofagia o ia e le Atua ‘atoa ma tagata.#1 Samu 2.26; Fa‘aa 3.4
Currently Selected:
Luka 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.