Iopu 8
8
O le Lauga Muamua a Pilitati ‘iā Iopu
Pilitati
1‘Ona tali mai ai lea o Pilitati le Sua, ‘ua fa‘apea mai:
2“‘E te tautala i nā ‘upu se‘ia afea?
E fai fo‘i ma matagi tetele o ‘upu a lou fofoga se‘ia afea?
3Pe fa‘api‘opi‘oina ‘ea o le Atua le fa‘amasinoga?#Kene 18.25; Teu 32.4; 2 No 19.7; Iopu 34.12; Roma 3.5
pe fa‘api‘opi‘oina ‘ea mea tonu e Lē e ona le malosi uma lava?
4‘Āfai na agasala atu lau fānau ‘iā te ia
ma ‘ua lafoa‘iina i latou e ia ‘iā latou solitulafono?
5‘Āfai ‘e te matuā sā‘ili atu i le Atua ma ‘ai‘oi atu i Lē e ona le malosi uma lava;#Iopu 5.8; 9.15; 11.13
6‘āfai ‘ua e lelei ma e amio sa‘o,
e maleifua mai lava nei o ia ‘ona o oe,
e fa‘asaogalemū fo‘i e ia le fale e fai ai lau amiotonu.
7E ui lava ‘ina itiiti lou amataga,#Iopu 42.12; Iako 5.11
‘ae matuā fa‘ateleina lou i‘uga.
8“Auā ‘inā e fesili atu ia i le tupulaga na muamua,
ma ‘ia e matuā su‘esu‘e i o latou mātua.
9Auā o i tatou o tagata ananafi, ‘ua tatou lē iloa;#1 No 29.15; Iopu 14.2; 17.7; Fai 6.12
auā o tatou aso i le lalolagi o le ata ia.
10Latou te lē a‘oa‘o mai ‘ea ‘iā te oe,
ma ta‘u mai ‘iā te oe, ma fai mai ‘upu a‘i o latou loto?
11“Pe tupu mai ‘ea le kome a lē o i ai se palapala?#Kene 41.2; Eso 2.3; Isai 18.2
pe tupu mai ‘ea le utuutu ‘ae lē o i ai se vai?
12A o lauolaola ma le lē salaina,#Sala 9.17; Fa‘ata 10.28
e muamua ona mamae i vao iti uma.
13E fa‘apea lava ala o i latou uma o ē fa‘agalogalo i le Atua;
e fa‘aumatia fo‘i le fa‘amoemoe o le tagata fa‘alēmata‘u.
14E vavae‘eseina lona fa‘amoemoe,#Isai 59.5
o lona fa‘atuatuaga fo‘i o le fale o le apogaleveleve lea.
15E fa‘alagolago o ia i lona fale, ‘ae lē mau;
e tāofimauina ai e ia, ‘ae lē tumau.
16‘Ua tupu olaola o ia, a o le lāina,#Sala 80.11
‘ua tupu fo‘i ona tātupu i lana fa‘ato‘aga.
17‘Ua feuiuia‘i ona a‘a i le fa‘aputuga ma‘a,
‘ua iloa fo‘i le mea o i ai ma‘a.
18E fa‘aumatia lava o ia a‘i le mea o i ai o ia,#Iopu 7.8, 10
‘ona fa‘afiti ai lea ‘iā te ia, e fa‘apea atu:
‘‘Ou te lē iloa oe.’
19Fa‘auta, o le ‘oli‘oli lea i lona ala,
e tutupu fo‘i nisi mai le ‘ele‘ele.
20“Fa‘auta, e lē lafoa‘iina e le Atua lē ‘ua sao lana amio,
na te lē tāofia a‘e fo‘i lima o ē amioleaga.
21Se‘ia fa‘atumuina e ia lou fofoga i le ‘ata‘ata,#Sala 126.2
ma ou laufofoga i le ‘alaga fiafia.
22E fa‘a‘ofuina i le mā o ē ‘ua ‘ino‘ino mai ‘iā te oe,#Sala 35.26; 132.18
o le fale ‘ie o ē amio leaga, e leai lea.”
Currently Selected:
Iopu 8: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
