Iopu 7
7
O le Tagi o Iopu i lona Tigā
1“E lē o i ai ‘ea i le tau‘a ‘ua tofia i tagata i le lalolagi?#Iopu 14.14; Isai 40.2
pe lē tusa fo‘i o latou aso i aso o lē ‘ua galue i le taui?
2E fa‘apei ‘ona naunau le pologa i le paolo,#Levi 19.13; Iopu 14.6; Pese 4.6
e fa‘apei ‘ona fa‘atalitali atu fo‘i o lē ‘ua galue i le taui i lona totogi.
3E fa‘apea lava ‘ona fai mo‘u o masina e tigāina ai,#Iopu 7.16; 30.17
‘ua tofia fo‘i ‘iā te a‘u o po e puapuagātia ai.
4A ‘ou ta‘oto, ‘ona ‘ou fa‘apea lea,
po ‘O afea ‘ou te tula‘i atu ai ma mavae atu le po?’
‘Ua aoina ‘ua ‘ou lē mapu i le feliuliua‘i.
5‘Ua liloia lo‘u tino i tuga,#Iopu 2.7-8
‘ua to‘ato‘a ai le ‘ele‘ele;
‘ua iliganoa lo‘u pa‘u ma ‘ua toe sua.
6‘Ua sili ‘ona tele vavave o‘u aso i le si‘a a le laga ‘ie;#Iopu 9.25; Isai 38.12
‘ua uma fo‘i ‘ua aunoa ma se fa‘amoemoe.
7“‘Ia e manatua, o le matagi lava lo‘u ola;
e lē toe iloa e o‘u mata se mea lelei.
8E lē toe va‘ai mai ‘iā te a‘u mata o lē sa iloa a‘u;#Iopu 7.21; 20.9; Sala 37.36
‘ua e silasila mai ‘iā te a‘u, ‘ona leai lea o a‘u.
9‘Ua ta‘ape le ao ‘ua mavae atu,
e fa‘apea lē ‘ua alu ifo i le tu‘ugamau,
e lē toe alu a‘e o ia.
10E lē toe fo‘i mai o ia i lona fale,#2 Samu 12.23; Iopu 8.18; 10.21; 20.9; Sala 103.16
e lē toe iloa o ia i le mea sa i ai o ia.
11“O le mea lea ‘ou te lē tāofi ai lo‘u gutu,
‘ou te tautala i le puapuagā o lo‘u agaga,
‘ou te tagi atu i le tigā o lo‘u loto.
12O le sami ‘ea a‘u, po o se tanimo,#Kene 1.21
‘ua e tofia mai ai se leoleo ‘iā te a‘u?
13A a‘u fa‘apea,
‘O lo‘u moega e fa‘amafanafanaina ai a‘u,
o lo‘u ta‘otoga e fa‘amāmāina ai lo‘u tagi.’
14‘Ona e fa‘afefe mai ai lea ‘iā te a‘u i miti,
‘ua e fa‘amata‘utia fo‘i a‘u i mea e fa‘aali mai.
15O lea ‘ou te mana‘o ai ‘ina ‘ia mole o a‘u;
e tele lo‘u mana‘o i le oti, ‘ae itiiti i ‘ou nei ivi.
16‘Ou te ‘ino‘ino i ai, ‘ou te lē fia ola pea;#Iopu 9.21; 10.1, 20; 14.6; Sala 39.13
tu‘u mai pea ia o a‘u, auā ‘ua fa‘atauva‘a lava o‘u aso.
17Se a ‘ea le tagata, ‘e te fa‘asilisili ai o ia?#Sala 8.4; 144.3; Epe 2.6
ma e manatu mai ai ‘iā te ia?
18ma e asiasi mai ai ‘iā te ia i taeao uma,
ma tofotofo mai pea lava ‘iā te ia?
19‘E te lē ‘alo ‘ea ou fofoga ‘iā te a‘u se‘ia afea?#Iopu 14.6
‘e te lē se‘i tu‘uina mai ‘ea ‘iā te a‘u,
se‘ia ‘ou folo lo‘u feanuga.
20‘Ua ‘ou agasala;#Iopu 16.12; Isai 27.3; Paru 3.12
se a se mea ‘ua ‘ou faia ‘iā te oe,
o lē ‘ua silasila i tagata?
Se a ‘ea le mea ‘ua e fai ai a‘u ma manulautī ‘iā te oe,
‘ua fai ai a‘u ma avega ‘iā te oe?
21Se a le mea ‘e te lē ‘ave‘eseina ai lo‘u solitulafono,#Iopu 7.8; Tani 12.2
ma fa‘ate‘aina la‘u agasala?
Auā e lē pine ‘ona ‘ou ta‘oto i le ‘ele‘ele;
‘e te ala sā‘ili fo‘i ‘iā te a‘u, a ‘ua lē i ai a‘u.”
Currently Selected:
Iopu 7: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
