Iopu 29
29
O ‘Upu a Iopu
Iopu
1‘Ua sauni atu pea fo‘i e Iopu lana lauga, ‘ua fa‘apea atu,
2“E! tā fia fa‘apei o masina ‘ua mavae;
e pei o aso na tausi mai ai le Atua ‘iā te a‘u;
3‘ina o pupula mai lona lamepa, i luga a‘e o lo‘u ulu,#18.6; Sala 18.28
ma ‘ua ‘ou mafaia ‘ona savali i le pouliuli ‘ona o lona malamalama;
4e pei ‘ona i ai o a‘u i ona po o lo‘u malosi,#Iopu 15.8; Sala 25.14; Fa‘ata 3.32
‘ina o ma fa‘auō ma le Atua i lo‘u fale ‘ie;
5‘ina o fa‘atasi ma a‘u Lē e ona le malosi uma lava,
ma ‘ua vagaia a‘u e la‘u fānau.
6‘Ina o mulumuluina o‘u vae i le suāsusu;#Kene 49.11; Teu 32.13-14; Iopu 20.17; Sala 81.16
na liligi mai fo‘i e le papa tafe suāu‘u mo a‘u.
7‘Ina ‘ou ui ane i le ‘a‘ai i lo‘u alu atu i le faitoto‘a,
ma ‘ou sauni lo‘u nofoa i le malae.
8Na iloa mai a‘u e taulele‘a ma latou ‘alo‘alo ‘ese ai;
na tula‘i fo‘i toeaina, ‘ua latou laulaututū.
9Na fa‘alologo ali‘i sili,
ma tu‘u o latou lima i o latou fofoga.
10Na fa‘alologo ai si‘ufofoga o ali‘i;#Eseki 3.26
na pipi‘i a‘e fo‘i o latou laulaufaiva i o latou gutu.
11Na fa‘alogo mai taliga, ‘ona fa‘a‘amu‘ia mai ai lea ‘iā te a‘u;
na iloa mai e mata, ‘ona vivi‘i mai ai lea ‘iā te a‘u.
12Auā na ‘ou lavea‘iina lē ‘ua puapuagāina, ‘ina ‘ua vala‘au mai o ia,
ma lē ‘ua aumatuā, ‘atoa ma lē ‘ua leai sona fesoasoani.
13Na o‘o mai ‘iā te a‘u le fa‘amanū o lē na fai a fano;#Ruta 2.20; Iopu 31.20; Fa‘ata 31.6
o a‘u fo‘i na pese fiafia ai le loto o le fafine ‘ua oti lana tane.
14Na fai le amiotonu mo‘u ‘ofu ma ‘ou ‘ofu ai;#Sala 132.9; Isai 11.5; Saka 3.5; Efe 6.14
na fai la‘u fa‘amasinoga e peiseaī o se ‘ofu talaloa ma se pulou.
15Na fai a‘u ma mata o le tauaso,
na fai o‘u vae ma vae o le pipili.
16Na fai a‘u ma tamā o ē ‘ua matitiva;#Fa‘ata 29.7
na ‘ou su‘esu‘eina fo‘i le finauga sa ‘ou lē iloa.
17Na ‘ou gagauina gao o lē amio leaga,
ma ‘ou se‘ia mai ona nifo le mea na faoa.
18Na ‘ou fa‘apea fo‘i,#Nume 24.21; Sala 30.6
‘‘Ou te oti i lo‘u ōfaga, e fa‘ateleina fo‘i o‘u aso e pei o le oneone.
19Na sosolo atu o‘u a‘a i le vai,
na susū fo‘i o‘u lau i le sau o le po.
20Sa fou lo‘u mamalu ‘iā te a‘u,#Kene 49.24; Isai 40.31; 41.1
ma la‘u ‘aufana sa fa‘afouina pea i lo‘u lima.’
21“Sa fa‘alogologo mai tagata ‘iā te a‘u,
ma fa‘atalitali mai,
sa latou lē tautala ‘ina ‘ua fai la‘u pule.
22E le‘i toe fai mai i latou ‘ina ‘ua mavae atu la‘u ‘upu;#Teu 32.2
sa mālie lava la‘u lauga ‘iā te i latou.
23Sa latou fa‘atalitali mai ‘iā te a‘u e pei ‘ona fa‘atalitali i le timu;#Teu 11.14; Sala 119.131; Fa‘ata 16.15; Saka 10.1
sa latou fa‘amaga o latou gutu e pei ‘ona fa‘amaga i le timuga mulimuli.
24A ‘ou ‘ata‘ata ‘iā te i latou,#Kene 4.5; Fa‘ata 16.15
latou te le‘i tāofi i ai;
latou te le‘i fa‘ate‘aina fo‘i o‘u mata fiafia.
25Sa ‘ou filifilia lo latou ala;
sa ‘ou nofo atu fo‘i o le sili ‘iā te i latou;
ma ‘ou nofo e pei o se tupu i ana ‘au,
e fa‘apei o lē na te fa‘amatalaloto i ē o fa‘anoanoa.
Currently Selected:
Iopu 29: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
