Iopu 27
27
O ‘Upu a Iopu
Iopu
1‘Ua sauni atu pea fo‘i e Iopu lana lauga, ‘ua fa‘apea atu,
2“O lo‘o soifua le Atua, o lē na ‘ave‘esea lo‘u fa‘amasinoga;#Ruta 1.20; 2 Tu 4.27; Iopu 34.5
o Lē e ona le malosi uma lava o lē ‘ua fa‘atigā mai ‘iā te a‘u.
3O aso uma ‘ua i ai ‘iā te a‘u lo‘u ola,#Kene 2.7; Iopu 33.4
‘ua i ai fo‘i i o‘u pogaiisu le mānava mai le Atua,
4e lē tautala ai lava o‘u laugutu i se mea lē tonu,
e lē tautala fo‘i lo‘u laulaufaiva i se mea pepelo.
5‘Ia mamao lava ‘iā te a‘u ‘ona ‘ou ta‘ua ‘outou ‘ua tonu;#Iopu 2.3, 9; 13.15
se‘ia o‘o lava i lo‘u oti ‘ou te lē fa‘ate‘aina lava la‘u amio sa‘o.
6‘Ou te tāofimauina la‘u amiotonu, ‘ou te lē tu‘ua lava;
e lē fa‘aleagaina a‘u i lo‘u loto i o‘u aso uma.
7“O lē ‘ua fai a‘u mōna fili,
‘ia ‘avea o ia e pei o se tagata amio leaga;
o lē ‘ua tala‘i mai fo‘i ‘iā te a‘u, ‘ia pei o lē ‘ua amioletonu.
8Auā e ui lava ‘ina ‘ua mau mea le tagata fa‘alēmata‘u,#Iopu 8.21; Sala 66.18; Fa‘ata 1.28; Isai 1.15; Iere 11.11; Sala 141.2
se a lona fa‘amoemoe pe a ‘ave‘esea e le Atua lona agaga?
9E fa‘afofogaina ‘ea e le Atua lana ‘alaga,
pe a o‘o ‘iā te ia le puapuagā?
10E fiafia ‘ea o ia i Lē e ona le malosi uma lava?
E vala‘au ‘ea o ia i le Atua i aso uma?
11‘Ou te a‘oa‘o atu ‘iā te ‘outou i le ‘a‘ao o le Atua;
‘ou te lē natia mea ‘ua i ai i Lē e ona le malosi uma lava.
12Fa‘auta, ‘ua ‘outou iloa e ‘outou uma lava;
o lenei, se a le mea ‘ua ‘outou fai mai ai ‘upu matuā fa‘atauva‘a?
13“O lenei le tofi o le tagata amio leaga mai le Atua,#Iopu 15.20; 18.21; 20.29
o le tofi fo‘i o ē fa‘asauā latou te maua mai i Lē e ona le malosi uma lava.
14‘Āfai e fa‘ato‘ateleina ona atali‘i e fai i latou mo le pelu;#Teu 28.41; Hose 9.12
e le mā‘o‘ona fo‘i ana fānau i mea e ‘ai.
15E tanumia e lē oti o ē o totoe ‘iā te ia;
e lē fētāgisi fo‘i ona fafine ‘ua oti a latou tane.
16E ui ‘ina fa‘afaupu‘e e ia o ario e pei o le efuefu,#Saka 9.3
ma sauni ‘ofu e pei o le ‘omea.
17E saunia e ia, ‘ae ‘ofu ai lē ‘ua amiotonu,
e tufatufa fo‘i ario e lē ‘ua sa‘o lana amio.
18‘Ua ia faia lona fale e pei o se pepe,#Iopu 8.14-15; Pese 1.6; Isai 1.8
e pei o se fale apitaga fo‘i ‘ua faia e le leoleo.
19E ta‘oto le mau‘oa ma ana ‘oloa, ‘ae lē fa‘aopoopoina atu i ona tamā;#Iopu 24.24; Iere 8.2; Eseki 29.5
e ala a‘e o ia, ‘ua leiloloa ana mea uma.
20E o‘o atu ‘iā te ia mea mata‘utia e pei o vai,#Iopu 18.11; 22.11; 34.20, 25
e ‘avea o ia e le asiosio i le po.
21E lelea o ia i le matagi mai sasa‘e, ‘ona alu ai lea;
e matuā lelea ‘ese ai o ia i le mea sa nofo ai.
22E fa‘ao‘o e le Atua ia mea ‘iā te ia, ‘ae lē fa‘asaoina,#Iopu 16.13
e matuā fia sola ‘ese o ia i lona ‘a‘ao.
23E pati lima tagata ‘iā te ia,#2 No 29.8; Paru 2.15; Eseki 25.6; 27.36; Sefa 2.15
ma tuliuisa#27.23 tuliuisa: po o tuliloa. ‘iā te ia ai le mea e nofo ai o ia.
Currently Selected:
Iopu 27: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
