Iopu 26
26
O le Tali a Iopu ‘iā Pilitati
Iopu
1‘Ona tali atu ai lea o Iopu, ‘ua fa‘apea atu,
2“‘Ua fa‘apefea ‘ea ‘ona e fesoasoani i lē ‘ua leai sona malosi,
ma fa‘amalosia le lima vaivai?
3‘Ua fa‘apefea ‘ea ‘ona e fa‘atonu i lē ‘ua leai sona poto,
ma fa‘ailoa tele mai le tonu?
4‘Ua e ta‘u mai ‘ea ia ‘upu ‘iā te ai?
Se atamai ‘ea o ai ‘ua o‘o mai mai ‘iā te oe?
5E gatete agaga o ē ‘ua oti ‘ua i lalō,#Sala 88.10-11
o le moana fo‘i ‘atoa ma mea o i ai.
6‘Ua ta‘atia fua seoli i ona luma,#Iopu 21.13; 28.22; 31.12; Sala 139.8; Fa‘ata 15.11; Isai 14.9; Fa‘aa 9.11
e leai fo‘i se ufiufi o le mea o i ai le malaia.
7‘Ua ia folasia le itū i matū i luga o le vā nimonimo,#Kene 1.2
‘ua ia tautauina le lalolagi, ‘ae leai se tautaulaga.
8‘Ua ia ‘ofu‘ofuina vai i ona ao uliuli,
‘ae lē māsae le ao i lona mamafa.
9‘Ua ia puipuia luma o lona nofoāli‘i,#Iopu 38.29
‘ua ia fofola ifo lona ao i ona luga.
10‘Ua tusi fa‘ata‘ali‘oli‘o e ia tulu‘iga o le fogātai,#Iopu 38.8-11; Fa‘ata 8.29; Iere 5.22
e o‘o i le gata‘aga o le malamalama ‘atoa ma le pouliuli.
11‘Ua lūlūina pou tu o le lagi,
‘ua femēmēa‘i fo‘i i lana a‘oa‘iga.
12O lona mana na te fa‘amalūina ai le sami,#Iopu 9.13; Isai 51.15; Iere 31.35
o lona poto fo‘i na te taia ai lona fa‘amaualuga.
13O lona agaga ‘ua ia fa‘amatagofie ai le lagi;
‘ua manu‘a fo‘i i lona ‘a‘ao le gata televave.
14Fa‘auta, o mea aupito mai ia a ona ala,#Iopu 4.12; 40.19
‘ae matuā itiiti se mea ‘ua tatou lagona ‘iā te ia;
a o le faititili o lona malosi lea, o ai sē e malamalama i ai?”
Currently Selected:
Iopu 26: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
