Iopu 23
23
O le Tali a Iopu ‘iā Elifasa
Iopu
1‘Ona tali atu ai lea o Iopu, ‘ua fa‘apea atu,
2“O lenei lava aso ‘ua tele ai lo‘u tagi;#Iopu 10.1; Sala 32.4
‘ua mamafa ifo le ‘a‘ao ‘ua o‘o mai ‘iā te a‘u e sili i lo‘u mapuitigā.
3E, tā fia iloa po o ifea le mea ‘ou te maua ai o ia;
‘ia ‘ou o‘o atu lava i lona afio‘aga!
4‘Ou te sauni atu i ona luma la‘u finauga,#Iopu 33.5
ma fa‘ateleina a‘u ‘upu e fa‘atonu atu ai.
5‘Ou te iloa ai ana afioga na te tali mai ai ‘iā te a‘u;
‘ou te fa‘alogo atu ai fo‘i pe se a lana e fetalai mai ai ‘iā te a‘u.
6E finau mai ‘ea o ia ‘iā te a‘u i lona malosi tele?
E leai; ‘ae manatu mai lava o ia ‘iā te a‘u.
7‘Ona fai ai lea e lē ‘ua amiotonu le fa‘atonuga ma ia;
‘ona ‘ou sao ai lea e fa‘avavau i lē na te fa‘amasino mai ‘iā te a‘u.
8“Fa‘auta mai, ‘ou te alu atu i luma, ‘ae lē o i ai o ia,#Iopu 9.11; 35.14
ma tua fo‘i, ‘ae ‘ou te lē iloa o ia.
9‘Ou te alu i le itū tauagavale o lo‘o galue ai o ia, ‘ae ‘ou te lē maua o ia;
‘ua ufitia o ia i le itū taumatau, ‘ou te lē va‘aia fo‘i o ia.
10‘Ae peita‘i ‘ua silafia e ia lo‘u lava ala;#Sala 66.10; 139.1-3, 24; Saka 13.9; 1 Pete 1.7
a tofotofoina a‘u, ‘ou te sao atu ai e pei o le auro.
11‘Ua tumau o‘u vae i ona tulaga‘a‘ao;#Sala 17.5; 44.18; 125.5
‘ua ‘ou tausisi i lona ala, ‘ua ‘ou le liliu ‘ese ai lava.
12‘Ua ‘ou lē alu ‘ese fo‘i i le poloa‘iga a ona laufofoga;#Sala 119.11, 103; Ioane 4.32, 34
‘ua sili lo‘u tausi i afioga a lona fofoga i a‘u sauniga.
13A o ia e tasi lava lona finagalo,#Iopu 9.12; 12.14; Sala 115.3
Po o ai ‘ea se fa‘afo‘i atu ‘iā te ia?
‘Ua faia e ia le mea ‘ua ia finagalo i ai.
14Auā e fa‘ataunu‘uina e ia le mea ‘ua saunia mo a‘u.#Iopu 10.13; 27.11; 1 Tesa 3.3
E tele fo‘i mea fa‘apenā ‘ua ‘iā te ia.
15O le mea lea ‘ua ‘ou atuatuvale ai i ona luma;
a ‘ou mānatunatu, ‘ona ‘ou mata‘u ai lea ‘iā te ia.
16Auā ‘ua fa‘avaivaia e le Atua lo‘u loto;
‘ua fa‘aatuatuvaleina fo‘i a‘u e Lē e ona le malosi uma lava;
17‘ina ‘ua lē fa‘aumatia a‘u a o le‘i o‘o mai le pouliuli;
mōna ‘ua lē ufitia e ia le pogisā a‘i o‘u luma.
Currently Selected:
Iopu 23: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
