Isaia 39
39
O le Fe‘au a le Tupu o Papelonia ‘iā Esekia ma le Sesē o Esekia
(2 Tu 20.12-19)
1O ona po ia na ‘a‘auina ai e Merota-palata le atali‘i o Palata, le tupu o Papelonia, nisi e ‘aumai tusi ma le mea alofa ‘iā Esekia; auā na ia fa‘alogo, na ma‘i o ia, a ‘ua mālōlō.#2 No 32.31 2‘Ua fiafia Esekia ‘iā te i latou, ‘ua fa‘aali atu fo‘i ‘iā te i latou le fale o lana ‘oloa, o ario ma auro ma mea manogi ma le u‘u lelei, ‘atoa ma le fale uma o lana ‘au‘upega ma mea uma sa i ana mea e teu ai ‘oloa; e leai lava se mea i lona fale ma lona nu‘u uma e le‘i fa‘aali atu ai e Esekia ‘iā te i latou.#2 Tu 18.15-16 3‘Ona sau ai lea o Isaia le perofeta i le tupu o Esekia, ‘ua fa‘apea mai ‘iā te ia, “Pe se a na fai mai ai ia tagata? o fea fo‘i na latou ō mai ai ‘iā te oe?”
‘Ona tali atu ai lea o Esekia, “O le nu‘u mamao na latou ō mai ai ‘iā te a‘u, o Papelonia lava.”
4‘Ona fai mai ai lea o ia, “Pe ni a mea ‘ua latou iloa i lou fale?”
‘Ona tali atu ai lea o Esekia, “Na latou maimoa i mea uma o i lo‘u fale, e leai se mea i a‘u mea e teu ai ‘oloa ‘ou te le‘i fa‘aali atu ai ‘iā te i latou.”
5‘Ona fai mai ai lea o Isaia ‘iā Esekia, “Fa‘afofoga mai ia i le afioga a le ALI‘I o ‘au: 6Fa‘auta, e o‘o mai ona aso e ‘aveina atu ai i Papelonia o mea uma o i lou fale, ‘atoa ma mea ‘ua fa‘aputuina e ou tamā ‘ua o‘o mai i le aso nei; e lē toe ai se mea e tasi, ‘ua fetalai mai ai le ALI‘I.#2 Tu 24.13; 2 No 36.18 7Latou te ‘ave fo‘i nisi o ou atali‘i e tutupu mai ‘iā te oe, e fānaua e oe, e ‘avea fo‘i i latou ma eunuka i le fale o le tupu o Papelonia.”#Tani 1.1-7; 2 Tu 24.10-16; 2 No 36.10
8‘Ona fai atu ai lea o Esekia ‘iā Isaia, “‘Ua lelei le afioga a le ALI‘I ‘ua e fai mai ai na;” ‘ua fai atu fo‘i o ia, “Auā e i ai le manuia ma le fa‘amaoni i lo‘u olaga.”#1 Samu 3.18; 2 No 32.26
Currently Selected:
Isaia 39: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
