Isaia 35
35
O le Fiafia o Tagata o le Atua i lo Latou Manuia
1E ‘oli‘oli ‘ona o i latou le vao lafulafuā ma le nu‘u naumati;
e fiafia le toafa ma fua mai e pei o le ‘aute.
2E fua tele mai lava ia,
e fiafia fo‘i ma lē fiafia tele ma le ‘alaga;
E avatu i ai le lālelei o Lepanona
ma le matagofie o Karamelu ma Sarona,
latou te va‘ava‘ai i le pupula o le ALI‘I,
o le matagofie o lo tatou Atua.
3‘Ia ‘outou fa‘amalosi i lima ‘ua gagase,#Epe 12.12; Iopu 4.3-4
‘ia ‘outou fa‘amalosi fo‘i i tulivae ‘ua vaivai.
4Fai atu ia i ē ‘ua loto vaivai,
“‘Ia ‘outou fa‘amalolosi, ‘aua tou te fefefe;
fa‘auta, o lo ‘outou Atua.
O le a o‘o mai le taui ma sui,
o le taui lava mai le Atua;
e afio mai lava o ia ma fa‘aola ‘iā te ‘outou.”
5‘Ona fa‘apupulaina ai lea mata o ē tauaso,#Mata 11.5; Luka 7.22; Isai 32.3-4; 48.21; Ioane 5.8-9; 9.6-7
e fa‘alogoa fo‘i taliga o ē tutuli.
6‘Ona osooso ai lea o le pipili e pei o le ‘aila,
e pese fo‘i le laulaufaiva o le gūgū.
Auā e oso mai le vai i le vao lafulafuā
ma vaitafe i le toafa.
7E ‘avea fo‘i le serapi#35.7 serapi: po o le oneone matūtū. ma vailepa,
e ‘avea fo‘i le nu‘u naumati ma vaipuna.
O le mea e nonofo ai luko,
e ta‘o‘oto ai i latou,
e fai lea ma mea e tutupu ai u ma kome.
8E i ai fo‘i le ala tanu ma le ala,#Isai 40.3; 52.1
e ta‘ua fo‘i o le ala sa;
e lē ui atu ai sē ‘ua leaga.
‘Ae faia mo i latou lava;
e ui ‘ina valea se malaga e le sesē ai lava.
9E lē i ai se leona,#Levi 26.6; Isai 11.9
e lē alu a‘e ai fo‘i se manu fe‘ai;
e lē i ai lava, ‘ae sāvavali ai ē ‘ua togiolaina.
10E fo‘i mai ē ‘ua togiolaina e le ALI‘I,#Isai 51.11; 65.19
latou te ō mai fo‘i i Siona ma le ‘alaga ma le ‘oli‘oli.
E fa‘avavau i luga i o latou ulu;
latou te maua le ‘oli‘oli ma le fiafia,
‘ae sōsōla ‘ese lē fa‘anoanoa ma le mapuitigā.
Currently Selected:
Isaia 35: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
