Isaia 17
17
O le Malaia o Tamaseko
1O le avega a Tamaseko.
Fa‘auta, ‘ua ‘ave‘eseina Tamaseko,
e lē fai ma ‘a‘ai;
e ‘avea ma faupuegafale ‘ua pa‘u‘ū.#Iere 49.23-27; Amo 1.3-5; Saka 9.1
2E tu‘ulafoa‘iina ‘a‘ai o Aroeru;
e fai mo lafu manu,
latou te ta‘o‘oto ai,
e leai fo‘i sē fa‘amata‘u i ai.
3E fa‘aumatia le ‘olo i Efaraima,
ma le mālō i Tamaseko,
‘atoa ma ē o totoe o nu‘u o Suria;
e pei o le mamalu o le fānauga a Isaraelu
e fa‘apea lava i latou,
o lo‘o fetalai mai ai o le ALI‘I o ‘au.#1 Samu 4.21; Isai 7.16; 8.4
4O lea aso fo‘i e fa‘aitiitia ai le mamalu o Iakopo,
e tino vale fo‘i o ia sa puta.
5E ‘avea ai fo‘i e fa‘apei ‘ona ao o saito o tu e lē ‘ua selesele,
na te selesele fo‘i ‘au saito i lona lima;
e ‘avea lava e fa‘apei o lē ao ‘au saito i le vanu o sa Rafā.#Isai 24.1
6E totoe fo‘i i ai nai toe fuifui vine,
a fa‘apei ‘ona sasaina ifo o olive e lua
pe tolu nai fua i le tumutumu o le la‘au;
e fa pe lima i la la‘au e fua;
o lo‘o fetalai mai ai le ALI‘I le Atua o Isaraelu.
7O lea aso e fa‘asaga atu ai le tagata i Lē na faia o ia, e va‘ava‘ai atu fo‘i ona mata i le Pa‘ia o Isaraelu.#2 No 30.11; Hose 5.15; Mika 7.7 8E le fa‘asaga atu o ia i fatafaitaulaga, o mea na faia e ona lima; e le va‘ava‘ai fo‘i o ia i mea na faia e ona tamatama‘i lima, o tupua o Asaira ma tupua o le la.
9O lea aso e ‘avea ai ana ‘a‘ai nofo ‘olo e pei o se mea ‘ua tu‘ua o le vao matua ma le tumutumu o le la‘au, sa latou tu‘ua i luma o le fānauga a Isaraelu, e ‘avea fo‘i ma mea e fa‘atafunaina.
10Auā ‘ua galo ‘iā te oe le Atua o lou olataga,
‘ua e lē manatua fo‘i le papa ‘e te malosi ai;
o le mea lea ‘e te totō ai la‘au matagofie,
ma e totō ai se la‘au mai le nu‘u ‘ese;#Sala 106.21
11o le aso ‘e te totō ai ‘e te si‘o ai i le pā,
o le taeao fo‘i ‘e te fa‘atupuina lau fua ‘ia olaola;
‘ae sola le fuata i le aso na fai a maua mai ai,
e i ai le tigā e tele lava.
E Fa‘ato‘ilaloina Mālō malolosi Uma
12Auē! le vāvāō o nu‘u e tele;
‘ua latou vāvāō e pei o le ta‘alili o le sami;
o le u fo‘i o nu‘u,
‘ua latou u e pei o le u o vai tetele.
13‘Ua u nu‘u e pei ona u o vai tetele,
‘ae a‘oa‘i o ia ‘iā te i latou,
‘ona sōsōla mamao ai lea;
e tuli‘eseina fo‘i i latou
e pei ‘ona lelea o le aputi o saito i mauga i le matagi,
e pei o le mea ta‘avalevale fo‘i i le asiosio.#Sala 1.4; 9.5; 83.13; Fa‘ata 22.23
14A o‘o i le afiafi, fa‘auta, o le mata‘u;
a o le‘i o‘o i le taeao, ‘ua leai lava i latou.
O le tofi lea o ē ‘ua fa‘asauā mai ‘iā te i tatou,
o le tofi fo‘i o ē ‘ua vete a tatou mea.
Currently Selected:
Isaia 17: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
