Efeso 2

O le Fa‘aolaina o tagata mai le Agasala

1O ‘outou fo‘i lava o ē na oti i amio leaga ma agasala, 2na ‘outou sāvavali ai anamua e tusa ma le tu a lenei lalolagi, e tusa, ma le ta‘ita‘i o le ‘au faipule i le vā nimonimo, o le agaga lea o lo‘o matuā galue nei i ē ‘ua fa‘alogogatā.#Efe 6.12; Tito 3.3; Ioane 12.31; Kolo 1.13 3O i tatou fo‘i, na amio fa‘atasi i tatou uma lava ma i latou anamua, ‘ina ‘ua tatou nonofo i tu‘inanau o tatou tino, na faia fo‘i e i tatou o mea na loto i ai le tino ‘atoa ma le mafaufau, na fānau mai fo‘i i tatou o le fānauga a le to‘asā, fa‘apei o isi ‘atoa fo‘i.

4A o le Atua, ‘ua i ai le faula‘i o le alofa, ‘ona o lona lava alofa tele, na ia alofa mai ai ‘iā i tatou, 5a o oti lava i tatou i amio leaga, ‘ua na fa‘aola mai ‘iā i tatou fa‘atasi ma Keriso; (o le alofa tunoa ‘ua fa‘aolaina ai ‘outou.)#Luka 15.24, 32; Efe 5.14; Roma 6.13 6‘Ua na toe fa‘atutū fa‘atasi mai fo‘i, ma fa‘anonofo fa‘atasi i tatou ma Keriso Iesu i mea o i le lagi.#Roma 8.10; Fili 3.20 7‘Ina ‘ia fa‘aalia i tupulaga atalī le silisili ‘ese o le faula‘i o lona alofa tunoa le agalelei mai ‘iā te i tatou, ‘iā Keriso Iesu. 8Auā o le alofa tunoa ‘ua fa‘aolaina ai ‘outou i le fa‘atuatua e lē mai ‘iā te ‘outou fo‘i lea, a o le mea na foa‘iina mai e le Atua.#Kala 2.16 9E lē ‘ona o galuega, ‘ina ne‘i mitamita se tasi. 10Auā o lana lava galuega i tatou, na faia i tatou ‘iā Keriso Iesu, ‘ina ‘ia faia galuega lelei, na saunia anamua e le Atua, ‘ina ‘ia tatou sāvavali ai.

‘Ua Tasi Uma ‘iā Keriso

11O lenei, ‘ia ‘outou manatu, sa fa‘apaupau ‘outou anamua i la le tino, na ta‘ua ‘outou o ē “lē peritomeina” e i latou o ē ‘ua ta‘ua ‘ua “peritomeina,” o le peritomeina le ‘ua faia e lima i le tino. 12O ona pō ia sa lē i ai ‘iā te ‘outou Keriso, sa tagata ‘ese ‘outou i le nu‘u o Isaraelu, o tagata ‘ese fo‘i i feagaiga ‘ua i ai le mea na folafolaina, sa leai so ‘outou fa‘amoemoe, sa aunoa fo‘i ma le Atua i le lalolagi.#Roma 9.4; 1 Tesa 4.13 13A o ona pō nei, ‘ona o Keriso Iesu, o ‘outou sa vāvā mamao anamua ‘ua fa‘alatalataina mai ai i le toto o Keriso.#2.13 i le toto o Keriso: po o i le maliu tigā o Keriso. #Isai 57.19; 52.7; Kolo 1.20 14Auā o ia lana o lo tatou leleiga ‘ua na faia ‘ia tasi ē sa fa‘alua, na na sōloia fo‘i le pā vaeloto o le feitaga‘i sa vaeluaina ai.#2.14 pā vaeloto o le feitaga‘i sa vaeluaina ai: O nisi fa‘aliliuga; pā vaeloto sa vaeluaina ai. 15Auā ‘ua ia fa‘aumatia fo‘i lona lava tino le tulafono i poloa‘iga ma fa‘atonuga; ‘ina ‘ia liliu e ia lava lea to‘alua ‘ia fai ma tagata fou e tasi, ‘ia tupu ai le leleiga; 16ma ia fa‘aleleia ma le Atua ē sa to‘alua, i le tino e tasi, ‘ona o le satauro, ‘ina ‘ua fa‘aumatia ai le feitaga‘i.#Kolo 1.20-22 17Na maliu mai fo‘i o ia, e folafola mai le tala lelei o le leleiga ‘iā te ‘outou sa vāvā mamao, ‘atoa ma ē ‘ua latalata.#Saka 9.10 18Auā ‘ua fa‘atau maua e i tatou uma ‘ona o ia o le ala e sao atu i le Tamā, e le Agaga e to‘atasi.

19O lenei, e lē toe tagata ‘ese ‘outou, po o ē ‘ua āumau, a ‘ua nu‘u fa‘atasi ma le ‘au pa‘ia, o le ‘āiga fo‘i o le Atua.#Efe 3.6; Epe 12.22-23 20O lo‘o ‘ua atiina a‘e i luga o le fa‘avae o le ‘au ‘aposetolo, ‘atoa ma le ‘au perofeta, o le ma‘a tulimanu o Keriso Iesu lava lea.#Mata 16.18; Isai 28.16 21‘Ua fa‘atatauina ‘iā te ia le fale ‘atoa, o lo‘o alu a‘e, ‘ina ‘ia fai ma malumalu pa‘ia i le Ali‘i. 22O ‘outou fo‘i ‘ua atiina a‘e fa‘atasi ‘outou ‘iā te ia#2.22 ‘iā te ia: O nisi fa‘aliliuga: ‘iā te ia e le Agaga. e fai ma afio‘aga o le Atua i le Agaga.#1 Pete 2.5

Currently Selected:

Efeso 2: RSCB

Highlight

Copy