Popular Bible Verses from Efeso 2

Share

Auā o lana lava galuega i tatou, na faia i tatou ‘iā Keriso Iesu, ‘ina ‘ia faia galuega lelei, na saunia anamua e le Atua, ‘ina ‘ia tatou sāvavali ai.

Auā o le alofa tunoa ‘ua fa‘aolaina ai ‘outou i le fa‘atuatua e lē mai ‘iā te ‘outou fo‘i lea, a o le mea na foa‘iina mai e le Atua. E lē ‘ona o galuega, ‘ina ne‘i mitamita se tasi.

A o le Atua, ‘ua i ai le faula‘i o le alofa, ‘ona o lona lava alofa tele, na ia alofa mai ai ‘iā i tatou, a o oti lava i tatou i amio leaga, ‘ua na fa‘aola mai ‘iā i tatou fa‘atasi ma Keriso; (o le alofa tunoa ‘ua fa‘aolaina ai ‘outou.)

‘Ua na toe fa‘atutū fa‘atasi mai fo‘i, ma fa‘anonofo fa‘atasi i tatou ma Keriso Iesu i mea o i le lagi.

O lenei, e lē toe tagata ‘ese ‘outou, po o ē ‘ua āumau, a ‘ua nu‘u fa‘atasi ma le ‘au pa‘ia, o le ‘āiga fo‘i o le Atua. O lo‘o ‘ua atiina a‘e i luga o le fa‘avae o le ‘au ‘aposetolo, ‘atoa ma le ‘au perofeta, o le ma‘a tulimanu o Keriso Iesu lava lea.