2 Makapaio Fa‘atomuaga
Fa‘atomuaga
O le Tusi e lua i le ‘au Makapaio e tumu i fa‘amatalaga ma lauga e fa‘amalosi‘au ai i le fa‘atuatua o tagata Iutaia i le vaitaimi o le ‘au Makapaio ‘ae maise fo‘i le to‘atele o tagata Iutaia o lo‘o ta‘ape‘ape solo i isi mālō tuā‘oi e pei o Aikupito. O le talitonuga, o le vaitaimi ‘a‘asa lea o le sauāga o le olaga tapua‘i ma le fa‘atuatua o tagata Iutaia. E fa‘amatalaina mai e le tusi ni mea na tutupu i le tala fa‘asolopito o tagata Iutaia mai le vaitaimi o le ositaulaga sili o Onia (180 T.L.M) i le oti o Nikanora (161 T.L.M) i lalo o le ta‘ita‘iga a Iuta Makapaio. O lona uiga o lo‘o maua ai fo‘i se vaega o tala o lo‘o ta‘ua mai i le tusi Muamua i le ‘Au Makapaio. O lo‘o i ai fo‘i se talitonuga o Iasona le Kurene sa ia tusia lenei tusi i ni tusi se lima (2 Maka 2. 24), ‘ae ‘ua fa‘apu‘upu‘uina e le ‘au faitusi i le tusi e tasi e pei ‘ona i ai nei.
E mātele lava le tusi e talanoa i le fa‘atuatua ma le fa‘amoemoe i le ola toetu a‘e mai le oti (7.9-11; 14.46), o le ola tatalo mo ē ‘ua maliliu (12.42-45), tatalo mo le ‘au pa‘ia (15.12-16). O le isi vaega e fa‘amamafaina e le tusi; o le tausi lelei i le tulafono ma o le Atua na te tauia i latou uma o ē sauāina ma maliu fasia ‘ona o lo latou fa‘atuatua.
O le Fa‘asologa o Matā‘upu:
O tusi i tagata Iutaia i Aikupito 1.1—2.33
O le tete‘e atu i aga tufanua a le ‘au ositaulaga 3.1—4.50
O le sauāina o tagata Iutaia e Atioko Epifano 5.1—7.42
O le manumālō o tagata Iutaia 8.1—10.8
O le tete‘e atu ‘iā Lusia 10.9—13.26
O le tete‘e atu ‘iā Nikanora 14.1—15.40
Currently Selected:
2 Makapaio Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.