1 Samuelu O Le Fa‘atomuaga
O Le Fa‘atomuaga
O le Tusi muamua a Samuelu o fa‘amatalaga o mea sa tutupu i le vaitaimi na suia ai le mālō o Isaraelu mai le ‘au Fa‘amasino i le pulega fa‘atupu. O lenei fesuia‘iga sa ‘iloga mai i tagata ta‘uta‘ua e to‘atolu: o Samuelu o le Fa‘amasino mulimuli lea. ‘Ona soso‘o mai ai lea o le tupu muamua a Isaraelu o Saulo ma le tupu o Tavita le atali‘i o Iese. O le manatu ‘autū o le tusi a Samuelu e pei o isi tusi o le Feagaiga Tuai o tala fa‘asolopito o tagata o Isaraelu e fa‘atatau i le ‘manuia’ o le fua lelei o le ola agatonu ma fa‘amaoni i le Atua. ‘Ae o le ‘malaia’ o le fua leaga o le lē usiusita‘i i le Atua. O le manatu lenei e maua i le matā‘upu 2.30 “Na ‘ou fai atu lava i lou ‘āiga ma le ‘āiga o lou tamā latou te feoa‘i i o‘u luma e fa‘avavau, a o lenei, ‘ua fetalai mai le Ali‘i; ‘ia mamao lea mea ‘iā te a‘u, a‘o ē ‘ino‘ino mai ‘iā te a‘u e ta‘ufa‘atauva‘aina i latou.”
E toe atagia mai i le tusi lenei o tagata Isaraelu sa latou nofo pologa i lalo o le pule‘aga fa‘atupu a Saulo auā sa latou tagi i le Atua ‘ina ‘ia fa‘au‘uina mo i latou sa latou tupu. ‘Ae ui lava fo‘i sa latou filifilia lolatou tupu ‘ae o tupu uma ma tagata uma e ao ‘ina fa‘amasinoina i le tulafono ma le faimeatonu a le Atua (2.7-10).
O le Fa‘asologa o Matā‘upu:
O Samuelu o le fa‘amasino o Isaraelu 1.1—7.17
‘Ua ‘avea Saulo ma tupu o Isaraelu 8.1—10.27
O ulua‘i tausaga o le nofoa‘iga a Saulo 11.1—15.35
O Tavita ma Saulo 16.1—30.31
O le oti o Saulo ma ona atali‘i 31.1-13
Currently Selected:
1 Samuelu O Le Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.