1 Korinito 4

O le Tautigā o le ‘au ‘Aposetolo i le Galuega

1‘Ua fa‘apea ‘ona manatu o tagata ‘iā te i matou, o ‘au‘auna a Keriso, o ‘au‘auna fo‘i e tausi i ‘upu lilo a le Atua.#Tito 1.7 2O lenei, o su‘esu‘eina i ‘au‘auna tausi mea ‘ina ‘ia iloa ai le tagata ‘ua fa‘amaoni.#Luka 12.42 3A o le mea matuā māmā lava ‘iā te a‘u ‘ona fa‘amasinoina o a‘u e ‘outou, po o le fa‘amasinoga a tagata; ‘ou te lē fa‘amasino lava a‘u ‘iā te a‘u. 4Auā ‘ou te lē iloa ifo i lo‘u loto so‘u sesē, ‘ae lē ta‘uamiotonuina a‘u i lea mea, a o lē na te fa‘amasinoina a‘u o le Ali‘i lea.#Sala 143.2 5O lenei, ‘aua tou te fa‘amasino i se tasi mea a o le‘i o‘o mai ona po, se‘ia afio mai le Ali‘i, o lē na te fa‘amalamalamaina mea lilo o i le pouliuli, ma fa‘aalia filifiliga o loto; e i ai ‘ona ta‘itasi ma ta‘uleleia e le Atua.#1 Kori 3.8

6Le au uso e, ‘ua ‘ou fa‘atatauina ia mea ‘iā te i mā‘ua ma Apolo ‘ona o ‘outou, ‘ina ‘ia a‘oa‘oina ai ‘outou ‘iā i mā‘ua, “‘Ia lē sili lo ‘outou manatu i le mea ‘ua tusia,” ‘ina ne‘i i ai so ‘outou e fefete le loto ‘ona o le tasi, ‘ae fa‘asiasia i le isi.#Roma 12.3 7Auā o ai ‘ea na te fa‘aosoina oe? se a fo‘i se mea ‘ua ‘iā te oe e le‘i foa‘iina atu? ‘Ae ‘āfai na foa‘iina atu ‘iā te oe, se a le mea ‘ua e mitamita ai, peiseaī e le‘i foa‘iina atu lava?#Roma 12.6

8‘Ua mā‘o‘ona nei ‘outou, ‘ua tamao‘āiga nei, ‘ua ‘avea ‘outou ma tupu ‘ae lē o i ai matou; a ni tupu ‘outou po ‘ua lelei lava lea ‘iā te a‘u, ‘ina ‘ia ‘avea fo‘i i matou ma tupu fa‘atasi ma ‘outou.#Fa‘aa 3.17, 21 9Auā o lo‘u manatu ‘ua tu‘uina atu i matou le ‘au ‘aposetolo e le Atua ‘ia mulimuli, pei o ē ‘ua tofia ia oti; auā ‘ua ‘avea i matou ma mata‘aga i le lalolagi, o agelu ‘atoa ma tagata.#Roma 8.36; Epe 10.33 10O lo‘o vālelea i matou ‘ona o Keriso, a o ‘outou o lo‘o atamamai ‘iā Keriso; o lo‘o vaivai i matou, a ‘ua malolosi ‘outou; ‘ua mamalu ‘outou, a ‘ua fa‘aletaualoaina i matou. 11‘Ua o‘o mai i lenei lava itū aso, ‘ua matou fia ‘a‘ai ma fia inu ma ‘ua lē lavalavā, ma taufaitu‘ina, ma maumau solo;#2 Kori 11.23-27 12o lo‘o tautigā i matou o galulue i o matou lava lima; o lo‘o agateleina i matou, matou te ‘upu lelei atu; o lo‘o sauāina i matou, matou te ‘onosa‘i;#Galu 18.3; 20.34; 1 Tesa 2.9; 2 Tesa 3.8; Roma 12.14; 1 Kori 9.15; Sala 109.28 13o lo‘o fāifaia i matou, matou te ‘ai‘oi atu; ‘ua matou pei o otaota o le lalolagi, o le punefu fo‘i o mea uma, ‘ua o‘o mai lava i ona po nei.#Teu 17.7; 22.24

14‘Ou te lē tusi atu na mea e fa‘amāina ai ‘outou, ‘ae peita‘i ‘ou apoapoa‘i atu ‘iā te ‘outou o la‘u lava fānau pele. 15Auā e ui ‘ina to‘amānō o ta‘ita‘i tamā ‘iā te ‘outou ‘iā Keriso ‘ae peita‘i e lē to‘atele o ‘outou tamā; auā na ‘ou fānaua ‘outou i le tala lelei ‘iā Keriso Iesu.#Kala 4.19 16O lenei, ‘ou te ‘ai‘oi atu ‘iā te ‘outou, ‘ia ‘outou fa‘aa‘oa‘o ‘iā te a‘u.#1 Kori 11.1 17O le mea lea na ‘ou ‘auina atu ai Timoteo ‘iā te ‘outou, o lo‘u atali‘i pele lea ma le fa‘amaoni i le Ali‘i, o lē na te fa‘amanatuina ‘outou i la‘u amio i le galuega a Keriso, pei ona tou a‘oa‘o i mea uma i ekalesia uma.#Galu 19.22; Fili 2.20

18O lo‘o fefete loto o isi, peiseaī a ‘ou le alu atu ‘iā te ‘outou. 19‘Ae vave ‘ona ‘ou alu atu ‘iā te ‘outou, a finagalo i ai le Ali‘i; ‘ona ‘ou iloa ai lea e lē o le ‘upu ‘ae loto fefete, a o lo latou malosi. 20Auā o le mālō o le Atua e lē o i le ‘upu, a o le malosi.#1 Kori 2.4; Luka 17.20 21O le fea tou te loto i ai? ‘ou te alu atu ‘ea ‘iā te ‘outou ma le sasa, po o le alofa ma le loto agamalū?

Currently Selected:

1 Korinito 4: RSCB

Highlight

Copy