1 Korinito 10

‘Ia Taumamao i Taulaga i Tupua

1Le ‘au uso e, ‘ou te loto ‘ina ‘ia ‘outou iloa, sa i lalo o le ao o tatou tamā uma, ma ui ane uma i le sami,#Eso 13.21; 14.22 2ma papatisoina uma ‘iā Mose i ē ao ma le sami, 3ma ‘a‘ai uma i le mea e ‘ai e tasi fa‘aleagaga,#Eso 16.4, 35; Teu 8.3 4ma feinu uma i le vai e tasi fa‘aleagaga; auā na latou inu i le papa fa‘aleagaga sa mulimuli atu ‘iā te i latou, o lenā papa fo‘i o Keriso lea;#Eso 17.6 5‘ae peita‘i o le to‘atele o i latou ‘ua lē fiafia i ai le Atua, auā na fa‘ata‘atitia solo o latou tino i le vao.#Nume 14.16, 23, 30

6Na fai fo‘i nā mea ma fa‘ailoga mo i tatou, ‘ina ne‘i tatou tu‘inanau atu i mea leaga, pei ‘ona tu‘inanau lava i latou.#Nume 11.4, 34 7‘Aua fo‘i tou te ifo i tupua, pei o isi o i latou, pei ‘ona tusia, “Sa nonofo le nu‘u i lalo ma ‘a‘ai ma inu, ‘ona latou tutū lea i luga e sisiva.”#Eso 32.6 8‘Aua fo‘i tatou te faita‘aga, pei ‘ona faita‘aga o isi o i latou, ma fano ai i le aso e tasi e lua sefulu o afe ma afe e tolu.#Nume 25.1, 9 9‘Aua fo‘i tatou te fa‘a‘ono‘ono ‘iā Keriso,#10.9 Keriso: O nisi fa‘aliliuga; Ali‘i. pei ‘ona fa‘a‘ono‘ono o isi o i latou ma fano ai i gata.#Nume 21.5-6 10‘Aua fo‘i tou te muimui, pei ‘ona muimui o isi o i latou, ma fano ai i lē na te fasiotia.#Nume 14.2, 36; Epe 3.11, 17

11Na o‘o nā mea uma ‘iā te i latou e fai ma fa‘ailoga; ‘ua tusia fo‘i e fai ma apoapoa‘iga mo i tatou o ē ‘ua aulia mai ai tausaga e gata ai.#1 Pete 4.7

12O lenei, o lē manatu o lo‘o o tu ia, ‘inā fa‘aeteete ia ne‘i pa‘ū. 13‘Ua lē maua ‘outou e se tofotofoga#10.13 tofotofoga: O nisi fa‘aliliuga; fa‘aosoosoga. e ‘ese i lo tagata; a ‘ua fa‘amaoni le Atua, o lē na te lē tu‘uina atu ‘outou i le tofotofoga e sili i se mea ‘ua ‘outou lavātia, ‘ae sauni fo‘i fa‘atasi ma le tofotofoga se mea e sao ai, ‘ina ‘ia ‘outou lavā ‘o‘ono.

14O le mea lea a‘u pele e, ‘ia ‘outou sōsōla ‘ese ai i le ifo i tupua.#1 Ioane 5.21 15‘Ou te fai atu i ē o mafaufau; ‘inā mānatunatu ifo ‘iā ‘outou i la‘u e fai atu. 16O le ipu o le fa‘afetai o tatou o fa‘afetai ai, e lē o le ‘auai fa‘atasi ‘ea lea ma le toto o Keriso? O le areto tatou te tofitofi ai, e lē o le auai fa‘atasi ‘ea lea ma le tino o Keriso?#Mata 26.27; Galu 2.42 17‘Ona ‘ua tasi lava le areto o lea ‘ua tino e tasi ai i tatou; e ui ‘ina to‘atele, auā ‘ua tofusia i tatou uma i le areto e tasi.#1 Kori 12.27; Roma 12.5

18Silasila i tagata Isaraelu i la le tino; o ē o ‘a‘ai taulaga, ‘ua lē tofu ‘ea i tufa‘aga fa‘atasi ma le fatafaitaulaga.#Levi 7.6, 15 19Se a fo‘i ‘ou te fai atu ai? O se mea aogā ‘ea le tupua? Po o se mea aogā le mea ‘ua fasia mo tupua? 20E leai, a o mea ‘ua fasia e nu‘u ‘ese, ‘ua fasia e i latou mo temoni, ‘ae lē o le Atua; ‘ou te lē loto fo‘i ‘ina ‘ia ‘outou mafuta fa‘atasi ma temoni.#Levi 17.7; Teu 32.17; Sala 106.37; Fa‘aa 9.20 21Tou te lē mafaia ‘ona inu i le ipu a le Ali‘i ‘atoa ma le ipu a temoni; tou te lē mafaia ‘ona fa‘atofutofusia i le la‘o‘ai a le Ali‘i ‘atoa ma le la‘o‘ai a temoni.#2 Kori 6.15-16; Mala 1.7, 12 22Tatou te fa‘a‘ono‘ono ‘ea i le Ali‘i? ‘Ua sili ‘ea lo tatou malosi i lona?#Teu 32.21

23“‘Ua tataga mea uma ‘iā te a‘u,” a ‘ua lē aogā mea uma; “‘ua tataga mea uma ‘iā te a‘u,” a ‘ua lē fa‘amafanafana mea uma. 24‘Aua le sā‘ili se tasi i lona lava lelei, a ‘ia ta‘itasi ma sā‘ili i le lelei o le isi.

25O mea uma ‘ua fa‘atauina i le mea e fa‘atau ai ‘a‘ano o manu, ‘ia ‘outou ‘a‘ai ai; ‘aua lava le fesili ‘ona o le loto fuatia ifo; 26auā “o le lalolagi e o le Ali‘i lea, ‘atoa ma mea ‘ua tumu ai.”#Sala 24.1

27‘Āfai fo‘i e vala‘auina ‘outou e se tasi o ē lē fa‘atuatua, ma ‘outou fia ō atu ai, ‘ia ‘outou ‘a‘ai i mea uma ‘ua laulauina mai ‘iā te ‘outou; ‘aua lava le fesili ‘ona o le loto fuatia ifo.#Luka 10.8 28‘Ae ‘āfai e fa‘apea mai se tasi ‘iā te ‘outou, “O le mea nei ‘ua fasia mo le tupua;” ‘aua tou te ‘a‘ai ai, ‘ona o lē na fa‘aali mai ai, auā fo‘i o le loto fuatia ifo. 29O le loto fuatia ifo ‘ou te fai atu ai, e lē o lo‘u, a o lona.

Auā se a le mea e fa‘amasinoina ai lo‘u sa‘olotoga i le loto fuatia ifo o le tasi? 30O a‘u fo‘i, ‘āfai ‘ou te ‘ai ma le fa‘afetai, se a le mea ‘ua ‘upuleagaina ai a‘u ‘ona o le mea ‘ua ‘ou fa‘afetai atu ai?#1 Timo 4.4

31O lenei, pe tou te ‘a‘ai, pe tou te inu, po o se tasi mea tou te faia, ‘ia ‘outou faia mea uma lava ‘ia vi‘ia ai le Atua.#Kolo 3.17 32‘Aua le ‘avea ‘outou ma mea e tautevateva ai Iutaia, po o Eleni, po o le ekalesia a le Atua;#1 Kori 9.20-22 33fa‘apei o a‘u nei fo‘i, ‘ou te fa‘afiafia atu i tagata uma i mea uma lava, o lo‘o lē sā‘ilia e a‘u so‘u lava lelei, a o le to‘atele, ‘ina ‘ia fa‘aolaina ai i latou.

Currently Selected:

1 Korinito 10: RSCB

Highlight

Copy