Wek. 9
9
Yuraṉmiji̱a̱i̱ ji Yus Shiir Awajtai̱ Je̱a̱ yakiini̱ taramu
15Kame Yus Shiir Awajtai̱ Je̱a̱n je̱a̱miarmatai yuraṉkim amuamiayi. Tura káshikia jú̱ ki̱arai̱ṉ naṉkama Yus Shiir Awajtai̱ Je̱e̱n jiya núnin keá keakua tsawá̱a̱ wémiayi. 16Tuke núnisaṉ túmamiayi. Tsawai̱kia yuraṉkim amuá pujur wémiayi antsu káshikia jiya núnin keek aa wémiayi. 17Tura Yus Shiir Awajtai̱ Je̱a̱nmaya̱ yuraṉkim takunmiatai̱ṉkia Israer shuarka ashin wéarmiayi. Antsu yuramkim setuamtai̱ṉkia tui̱ setuá nui̱ṉ matsam wéarmiayi. 18Uunt Yus akupénam Israer shuarka ashin wéarmiayi núnisaṉ Uunt Yus akupénam matsam wéarmiayi. Tura urutmá tsawanta Yus Shiir Awajtai̱ Je̱a̱n yuraṉkim amuá pujurtiatá nui̱ṉkia ashí tsawant matsamkar matsam wéarmiayi. 19Tura Yus Shiir Awajtai̱ Je̱a̱n yuraṉkim untsurí tsawant amuá pujurkui̱ṉkia Israer shuarka Uunt Yus akupkat tusa nákainiak ashintsuk nui̱ṉ matsam wéarmiayi. 20Nuyá̱ yuraṉkim Yus Shiir Awajtai̱ Je̱á̱ yakiini̱ setuá ishichik tsawant ákuiṉkia Uunt Yus akupeamu ásar matsamak matsam wéarmiayi núnisaraṉ Uunt Yus akupeam ashin wéarmiayi. 21Kame yuraṉkim jú̱ ki̱arai̱ṉ setuá tsawa̱a̱kui takunmiataiṉkia Israer shuarka ashin wéarmiayi. Tura yuraṉkim takunmiataiṉkia tsawai̱yaitkiuisha núja̱i̱nchuka káshitkiuisha niṉkia ashin wéarmiayi. 22Tura yuraṉkim setuá jimiará tsawantkesha núja̱i̱nchuka chikichik nantuksha túrutskesha chikichik uwiksha Yus Shiir Awajtai̱ Je̱a̱nam yakiini̱ setuá ákuiṉkia Israer shuarka ashintsuk nui̱ṉ matsamkar matsam wéarmiayi. Antsu yuraṉkim takunmiataiṉkia nisha ashin wéarmiayi. 23Uunt Yus akupeamun umirainiak Uunt Yus akupénam matsam wéarmiayi núnisaṉ Uunt Yus akupénam ashin wéarmiayi. Kame Uunt Yus túratarum tusa Muisaisan akupkámia núnaka tímiatrusaṉ túriarmiayi.
Currently Selected:
Wek. 9: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
