Wek. 10
10
Kachu umpuiniakuiṉkia ashí iruntratin ujakma
1-10 Muisaisan Yus chicharuk “Kuít jiruja̱i̱ jimiará kachu najanata. Tura takat náṉkamkum tura ashí aents irurtatmena nuyá̱ Israer shuara uuntri̱ iruntratin untsúakum nu umpuartatme. Kame mái̱ kachun umpuiniakuiṉkia Yus Shiir Awajtai̱ Je̱a̱ wáitiri̱n ashí aents iruntrartatui. Antsu chikichik kachuja̱i̱ṉ umpuiniakuiṉkia uuntri̱ tura mir mir iruntrarmanum uuntri̱ ainia nuke iruntrartiniaiti. Nuyá̱ mesetnum wétinian untsumáiniakka kachun ti kakantar umpuarartiniati. Antsu iruntratniun untsumáiniakka kakantranka umpuarchartiniaiti. Nu túrakrumin Uunt Yussha atumín enentáimturmartatrume” tímiayi.
Senái náinniumia̱ ashinma
11Tura jimiará uwí nántuka jímiar tsawantka páintitin Yus Shiir Awajtai̱ Je̱a̱n yuraṉkim setuá aa takunmiayi. 12Túrunamtai Israer shuarka kampuntin atsú nuṉka Senainmaya̱ṉka kanar nuyá̱ kanar ashintian naṉkamawarmiayi. Tura yuraṉmikia atsú nuṉka Parannum setuamiayi. 13Tura Uunt Yus Muisaisai̱ni̱ akupkámia nuja̱i̱ métek ashintian yama naṉkamawarmiayi. 14Jutá uchirí̱ matsamkarma Tarachri̱ ní suntari̱ armia nuja̱i̱ eem wétan naṉkamawarmiayi. Kame ni suntari̱ úuntri̱ṉkia Aminiatápa uchirí̱ Nasunauyayi. 15Tura Isakár weanmaya̱ suntara úuntri̱ṉkia Suara uchirí̱ Natanáirauyayi. 16Núnisaṉ Sapurún weanmaya̱ suntara úuntri̱ṉkia Jiruna uchirí̱ Iriapauyayi. 17Tura Yus Shiir Awajtai̱ Je̱a̱nka ashirár umikiar nuna júkiar Jirsuna uchirí̱sha Mirari uchirí̱ji̱a̱i̱ wétan naṉkamawarmiayi.#10:17 Wek. 10:18-32 Shuar chichamnum yapaji̱áchmaiti.
33Nuya̱ṉka menaintiú tsawant wekasatai tusar Uunt Yusa náintri̱ya̱ṉka jíinkiarmiayi. Tura menaintiú tsawant wekasarmia nui̱ṉkia Yus Aentsja̱i̱ Chícham Najanamu Eṉketai̱ níiya̱ṉka eem wémiayi. Kame wésar tui̱ṉ ayampramniait tusar e̱a̱ki̱ wéarmiayi. 34Tura matsamkamunmaya̱ tsawái̱ ashinkiuiṉkia Uunt Yusa yuraṉkmiri̱ yakiini̱ nanam wémiayi. 35Kame Yusna Eṉketai̱ wéakuiṉkia Muisaiska chichaak
“Maa, Uunt Yusru iiskia
tura Ame nemasrumka tsakiṉmakma ártí.
Tura muí̱jramai̱ya̱ nuka Ámin waitmakar pisakárti”
tu wémiayi. 36Antsu apujainiakuiṉkia chichaak
“Maa, Uunt Yusru Israer shuar tí untsurí nekapmarchamnia áiniana nu waketrukiarta”
tu wémiayi.
Currently Selected:
Wek. 10: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
