Mat. 19

Jesus nuwa̱ ajapatniun áujmatsamu

(Mar. 10:1-12; Ruk. 16:18)

1Jesus nuna tinia ikiuak Kariréanmaya̱ wémiayi. Tura Jurtan amain Jutanam jeamiayi. 2Untsurí aents nemariarmiayi tura jáiniancha péṉker awajsámiayi.

3Nui̱ Pariséu Jesusan nekapsataj tusar aniasarmiayi “¿Shuar ni nuwe̱n itiurchat akui ajapamniakait?” 4Tutai Jesus chichaak “¿Átumka Yus papí áujsachukaitrum? Yámankamtaik Yuska shuaran najana áishmaṉkan nuwa̱ncha najanamiayi tawai.Naṉ. 1:27; 5:2 5Tuma asamtai áishmaṉ ni aparí̱n ni nukurí̱ncha ikiukí̱ ni nuwe̱ja̱i̱ tsaniṉ chikichik aya̱shtinia áinis ajasártatui, tu áarmaiti.Naṉ. 2:24 6Tuma asa jímiarchaiti antsu chikichik aya̱sh áiniawai. Tuma asamtai shuar Yus apatkamia nuna aents akankashtiniaiti” tímiayi. 7Takui̱ “Nuikia ¿urukamtai papí áarar nuwa̱ ajapatniun Muisais tsaṉkatkamia?” tiármiayi.Muis. 24:1-4 8Tutai Jesus chicharainiak “Timiá ántichu asakrumin nuwa̱ ajapatniun tsaṉkatkamiayi. Túrasha émkaka núnischauyayi. 9Wi tájarme, shuar ni nuwe̱n chikichja̱i̱ tsanirmachun ajapa chikichan nuatkuṉka tsanirmayi. Chíkich áishmaṉsha nuwa̱ ajapamun nuatkaṉka nusha tsanirmayi” tiármiayi.

10Takui̱ ni unuiniamuri̱ chichainiak “áishmaṉ nuwa̱n nuatak nuyá̱ peṉké ajapachminiaitkiuṉka nuikia tuke nátsak pujustin ¿péṉkerchak aint?” tiármiayi. 11Jesussha áimiak “Nu chichamnaka mash antukchamin áiniawai. Antsu Yus nuna umiktin susamua nuke antukmin áiniawai. 12Ashikia nuatkamnia áiniatsui. Chíkichkia nuatkachmin akiiniawaru áiniawai. Chikitcha aents nuatkachmin awajsamu áiniawai. Chikitcha aya Yus akupeamu takatan takastajtsa nuatainiatsui. Ju̱na antuktinian jeaka antukti” tiármiayi.

Jesus uchin shiir awajsamu

(Mar. 10:13-16; Ruk. 18:15-17)

13Nuyá̱ Jesusan uchin itiariármiayi. Nin antiṉ Yusan áujtusarat tusar wakeriarmiayi. Túruiniakui ni unuiniamuri̱ chicharkarmiayi. 14Túruiniakui Jesus chichaak “Uchi Winí̱ winitin tsaṉkatkatarum. Suritkiairap. Kame ju̱ uchia áintsaṉ péejchach ainia nunak Yus akupkámniaiti” 15tinia uchin miniakas nuyá̱ wémiayi.

Kuítrintin Jesusja̱i̱ chichasma

(Mar. 10:17-31; Ruk. 18:18-30)

16Natsa Jesusan tarin anintrak “Uuntá, péṉkeraitme. Tuma asam turuttia ¿warinia túrakna tuke iwiaaku átataj?” 17Tutai Jesus nin enentáimtikrataj tusa chichaak “¿Urukamtai péṉkeraitme túrutam. Shuar péṉkerka atsatsuk. Aya Yúskechukait? Wats, tuke iwiaaku pujustaj tákumka akupkámu umirkarta.” 18Tutai “¿Tuna nekas umirkatniuitiaj?” tímiayi. Takui̱ Jesus chichaak “Maṉkartuawaip, tsanirmawaip, kasamkaip, chíkich shuar tsanumpruraip, 19ame apa nuku umirkata, ame shuarum ame aya̱shim aneamna nútiksamek aneeta.” Jiin. 20:12-16; Muis. 5:16-21; Riw. 19:18 20Tutai natsa chichaak “Núnaka úchichik mash umiki̱ tsakaruitjiai. Nuya̱sha ¿warí tátrusa?” tímiayi. 21Takui̱ Jesus chichaak “Nekas péṉker átaj tákumka, weme ame kuítrum kuítrincha ainia nu súsarta. Tura nayaimpiniam kuítrintin ajastatme. Nuyá̱ Winia nemartusta” tímiayi Jesus. 22Tura natsa nuna antuk kúntuts wémiayi ti kuítrintin asa.

23Nuyá̱ Jesus ni unuiniamuri̱n chicharainiak “Nekasan tájarme, kuítrintin Yus akupeamunam pachinkiatin ti itiurchataiti. 24Ataksha tájarme, kamiyuka kawái naṉkaamas uunt asa auja ji̱n waya̱chminiaiti. Núnisaṉ kuítrintin Yus akupeamunam pachinkiatin ti itiurchataiti” tímiayi. 25Ni unuiniamuri̱ nuna antukar antúu ajarmiayi. Túrawar aniniainiarmiayi “¿Nuikia yaki uwempramniait?” 26Tuíniakui Jesus ashí iisar chicharainiak “Aents uwempratniun nekas tujintiainiawai antsu Yuska ashí tujintiatsui” tímiayi. 27Nuyá̱ Pítiur chichaak “Uuntá, ámin nemarsatai tusar iikia ashí ikiukchajik. ¿Iisha wariṉ wainkiattajⁱ?” tímiayi.

28Jesus chichaak “Nekasan tájame, ukunmaṉka ju̱ nuṉka yamaram ajastatui. Aents Ajasu asan Wisha nui̱ úunt akupin ajastatjai tura atumsha winia nemartusutirmeka Wiji̱a̱i̱ métek akupin ajastatrume ashí Israer shuar akupkatin. 29Tura shuar ni je̱e̱ncha, yachi̱ncha, umai̱ncha, aparí̱ncha, nukurí̱ncha, nua̱ri̱ncha, uchirí̱ncha tura nuṉke̱ncha Winia anentu asa ikiukí̱ wekaakka nu shuar ni ikiukmia núnisaṉ yamaisha ti untsurí wainkiattawai tura ukunmasha tuke Yusja̱i̱ shiir pujustatui. 30Yamái untsurí peṉkeri̱ áiniana nu ukunam ukunmaani̱ pujusártatui tura yapaji̱áwar yamái ukunmaya̱ áiniana nu ukunam emka pujusártatui” tímiayi Jesus.

Currently Selected:

Mat. 19: jiv

Highlight

Copy

Compare