Jns. 4
4
Junas kajekmatai Yus chicharma
1Kame Uunt Yus túramia nuna nekáa Junassha ti kajerkámiayi. 2Tura Uunt Yusan chicharuk “Uunt Yusru, winia nuṉkarui̱ pujusan áuchunak tímiaj. Tuma asan Társes péprunmaani̱ pisamjai. Warí nékajme, Ámeka waitnenkartin Úunt Yusaitme, wárik kajechuitme. Núnismek tí waitnenkartin asam asutiáttajme táyatmek enentáimprakriṉkia itiurchatka akupchaitme. 3Túrin asakmin Uunt Yusru, seajme, wárik mantuata. Warí iwiaaku pujustinji̱a̱i̱ṉkia naṉkaamas jákatin péṉkeraiti.” 4Tutai Uunt Yus Junasan aya̱k “¿Kajeam nu péṉkerkait? ¿Waritia enentáimiam?” tímiayi. 5Tutai Junassha péprunmaya̱ jiinkí̱ etsa̱ tatainmaani̱ we wats péprun warí itiurkatiṉ íistaj tusa áakmak pujuumiayi.
6Nuyá̱ Uunt Yus Junas mikintranam ejamak pujus yajauch nekapeamun péṉker enentáimsat tusa numi ukat ukatniun tsapamtikmiayi. Túram Junassha nu numiji̱a̱i̱ ti warasmiayi. 7Túrasha kashin tsawa̱a̱munam Yus nu numin shuni yúati tutai yuam nu numisha jakamiayi. 8Nuyá̱ etsa̱ jíinmiatai Yus etsa̱ tatainmaani̱ya̱ nase tsuéran umpuit tusa akupkámiayi. Túramtai Junassha etsa̱ muuknum tí tsue̱r sukuam mayai̱ ashinmiayi. Túmak jákatniun wakerak “iwiaaku pujutsuk játaknaka maak” tímiayi. 9Nuya̱ṉka Yus chicharuk “Numi ukat ukatin jakamtai kajeam nu péṉkerkait. ¿Waritia enentáimiam?” tutai “Ee, ¡wikia aya kájetai̱k jakattajai!” tímiayi. 10Nuiṉkia Uunt Yus chicharuk “Ámeka nu numi araam tsakatmarchamame. Warí kashi tsapái̱ kashin tsawa̱a̱ruk jákachmaka. Tuma ai̱sha nu numisha ¿urukamtai waitnentam? 11Nuna naṉkaamas Wisha Níniwi péprun waitnentrarmajna núnaka péṉkernaka túrachmakaj. Warí nui̱sha siantu painti mir naṉkaamas aents péṉkernasha tura yajauchincha nékainiachu pujuiniawai. Núnisaṉ untsurí taṉkusha irunainiatsuk” tímiayi Uunt Yus Junasan.
Currently Selected:
Jns. 4: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
